JKT001_0151.怙主佐欽五世仁波切長久住世祈請文.成就無死之諦語g2.0f
================== 第 1 段 ================== 【原始藏文】 སྐྱབས་མགོན་རྫོགས་ཆེན་ལྔ་པ་རིན་པོ་ཆེའི་ཞབས་བརྟན་གསོལ་འདེབས་འཆི་མེད་གྲུབ་པའི་བདེན་ཚིག སྐྱབས་མགོན་རྫོགས་ཆེན་ལྔ་པ་རིན་པོ་ཆེའི་ཞབས་བརྟན་གསོལ་འདེབས་འཆི་མེད་གྲུབ་པའི་བདེན་ཚིག སྐྱབས་མགོན་རྫོགས་ཆེན་ལྔ་པ་རིན་པོ་ཆེའི་ཞབས་བརྟན་གསོལ་འདེབས་འཆི་མེད་གྲུབ་པའི་བདེན་ཚིག་ཅེས་བྱ་བ་བཞུགས་སོ། །བརྟན་གཡོའི་དྭངས་བཅུད་སྙིང་པོར་དྲིལ་བའི་སྲོག །ཁ་སྦྱོར་བདུན་ལྡན་མཐའ་ཀླས་དཀྱིལ་འཁོར་བདག །ཚེ་དང་ཡེ་ཤེས་དངོས་ཀུན་སྩོལ་བའི་ལྷས། །རིང་པོར་འཚོ་བའི་དཔལ་གྱི་སྐབས་དབྱེ་ཤོག །ཀུན་བཟང་རྡོ་རྗེ་འཆང་དབང་པདྨ་འབྱུང་། །གྲུབ་པའི་རིག་འཛིན་མཆོག་ཏུ་རོལ་པའི་གར། །བསྟན་འགྲོར་རྗེས་སུ་བརྩེ་བའི་ཡ་མཚན་ཕུལ། །རིམ་བྱོན་སྐྱེ་བའི་ཕྲེང་བར་གསོལ་བ་འདེབས། །རྒྱལ་དབང་པདྨའི་རིང་ལུགས་བཀའ་གཏེར་གྱི། །ཐེག་མཆོག་བསྟན་པ་འཛིན་ལ་ཟླ་བྲལ་བ། །འཇིགས་མེད་ཕྱོགས་ལས་རྣམ་རྒྱལ་གྲུབ་པའི་སྡེ། །བསྐལ་བརྒྱར་ཞབས་བརྟན་ཆོས་འཁོར་བསྐོར་གྱུར་ཅིག །ཚུལ་གནས་གསན་བསམ་སྒོམ་པའི་ཡོན་ཏན་རྫོགས། །མདོ་སྔགས་རབ་འབྱམས་འཆད་རྩོད་རྩོམ་པ་དང་། །མཁྱེན་བརྩེ་ནུས་པའི་སྣང་བས་ས་གསུམ་ཁྱབ། །མཁས་བཙུན་བཟང་པོའི་ཕྲིན་ལས་རྒྱས་གྱུར་ཅིག །སྣ་ཚོགས་ཤེས་བྱའི་ཆོས་ཚུལ་མཐའ་ཀླས་པ། །མཁྱེན་པའི་མེ་ལོང་གཙང་མར་ལེགས་འཕོས་ནས། །ཇི་སྙེད་གདུལ་བྱ་འདྲེན་པའི་རྣམ་ཐར་གཟི། །བསྐལ་མཐའི་བར་དུ་ཉམས་མེད་ཞབས་བརྟན་གསོལ། །ཟབ་དང་རྒྱ་ཆེའི་ཆོས་ཀྱི་ཡང་ཞུན་མཆོག །ངེས་གསང་གདམས་པའི་དྲོད་རླངས་འཐུལ་བའི་བཅུད། །ཉམས་བཞེས་དགོངས་པའི་གྲུབ་གཉིས་དགའ་སྟོན་གྱིས། །བསྟན་འགྲོའི་ ཕན་བདེའི་སྤེལ་ཕྱིར་ཞབས་བརྟན་གསོལ། །མཆོག་གསུམ་རྒྱ་མཚོའི་ཐུགས་རྗེའི་འོད་སྣང་གིས། །བསྟན་འགྲོའི་རྒུད་མུན་མིང་མཐར་ཡོངས་བཏང་ནས། །རྫོགས་ལྡན་མགྲོན་དུ་འགུགས་བའི་དགེ་མཚན་གྱིས། །བསྟན་འགྲོའི་དབུ་འཕང་སྲིད་པའི་བླར་མཐོ་ཤོག །རང་བཞིན་ཡེ་དག་ཆོས་ཉིད་བདེན་པའི་སྟོབས། །བསླུ་མེད་ཆོས་ཅན་རྟེན་འབྲེལ་དགེ་བའི་མཐུས། །ཇི་ལྟར་སྨོན་པ་ཇི་བཞིན་ཡོངས་གྲུབ་ནས། །ལེགས་དགུའི་དཔལ་གྱིས་ཀུན་ནས་ཤིས་གྱུར་ཅིག །ཅེས་བསྐལ་བཟང་རྣམ་འདྲེན་ཡོངས་ཀྱི་ཕྲིན་ལས་གཅིག་ཏུ་བསྡུས་པ་མདོ་ཁམས་པ་རྫོགས་ཆེན་ལྔ་པ་རིན་པོ་ཆེའི་ཞབས་བརྟན་གསོལ་འདེབས་འདིའང་མཁས་མཙུན་གྲུབ་པའི་དབང་ཕྱུག་ནམ་མཁའ་ཚེ་དབང་མཆོག་གྲུབ་ཀྱི་རྡོ་རྗེའི་བདེན་ཚིག་བྱིན་རླབས་ཀྱི་སྤྲིན་ཕུང་འཕྲོ་བ་ལ། མ
【漢語翻譯】 怙主佐欽五世仁波切長久住世祈請文——成就無死之諦語
【英語翻譯】 A Prayer for the Long Life of Kyabgon Dzogchen Rinpoche the Fifth: The Truthful Words of Immortal Accomplishment
============================================================
================== 第 2 段 ================== 【原始藏文】 ཚན་གསར་འབུལ་དང་འབྲེལ་བར་སྐབས་སུ་བབས་པའི་ཚིགས་བཅད་ཟུང་གིས་ཁ་བསྐང་སྟེ་ཤཱཀྱའི་དགེ་སྦྱོང་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོ་པདྨ་མདོ་སྔགས་གླིང་པའི་སྡེས་གསོལ་བ་བཏབ་པ་དེ་དེ་བཞིན་དུ་འགྲུབ་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ། ། སྐྱབས་མགོན་རྫོགས་ཆེན་ལྔ་པ་རིན་པོ་ཆེའི་ཞབས་བརྟན་གསོལ་འདེབས་འཆི་མེད་གྲུབ་པའི་བདེན་ཚིག
【漢語翻譯】 在新獻供之際,以恰逢時機的雙聯句補充,釋迦之沙門蓮花生上師歡喜之眷屬,欽哲旺波貝瑪多昂林巴之僧團祈請,愿其如是成就,祈請上師、勝者及諸佛子加持! 祈請怙主第五世佐欽仁波切住世之祈願文,不朽成就之真實語。
【英語翻譯】 In connection with the new offering, supplementing with timely couplets, the Shakya ascetic, the retinue pleased by the Lotus-born Lama, the Sangha of Khyentse Wangpo Pema Do-ngak Lingpa, prays that it may be accomplished as such, may the Lama, the Victorious One, and all the Sons of Buddha bless it! A prayer for the long life of Kyabgon the Fifth Dzogchen Rinpoche, the true words of immortal accomplishment.
============================================================
同部經論
與本文同名或相近的其他版本、科判、譯文與註疏。