d0086聖彌勒所問八法授記經c3.5s
www.rkts.org/etexts/completeu.php?coll=D&id=D86
D86 d0086 位於德格甘珠爾第44函,相當於大正藏 0310 11 P0001 大寶積經 (120卷)〖 唐 菩提流志譯併合〗 (四一)【寶積部】彌勤菩薩問八法會 (卷111)〖唐 菩提流志譯〗
།།འཕགས་པ་དཀོན་མཆོག་བརྩེགས་པ ཆེན་པོའི་ཆོས་ཀྱི་རྣམ་གྲངས་ལེའུ་སྟོང་ཕྲག་བརྒྱ་པ་ལས་ལེའུ་བཞི་བཅུ་རྩ་གཉིས་པ་སྟེ་འཕགས་པ་བྱམས་པས་ཆོས་བརྒྱད་ཞུས་པ་ལུང་བསྟན་པ།བམ་པོ་ཕྱེད་པ། རྒྱ་གར་སྐད་དུ། ཨཱརྱ་མཻ་ཏྲི་ཡ་པ་རི་པྲྀ་ཙྪཱ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་བྱམས་པས་ཞུས་པ་ཞེས་བྱ་བ་ ཐེག་པ་ཆེན་པོའི་མདོ།སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་ཕུང་པོའི་རི་ལ་དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་། བྱང་ཆུབ་ སེམས་དཔའ་ཁྲི་དང་ཐབས་ཅིག་ཏུ་བཞུགས་ཏེ།དེ་ནས་བཅོམ་ལྡན་འདས་འཁོར་བརྒྱ་སྟོང་དུ་མས་ཡོངས་སུ་བསྐོར་ཅིང་མདུན་གྱིས་བལྟས་ནས་ཆོས་སྟོན་ཏོ། །དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ཞེས་བྱ་བ་འཁོར་དེ་ཉིད་དུ་འདུས་པར་གྱུར་ཏེ་འདུག་གོ་།དེ་ནས་ བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ།བཅོམ་ལྡན་འདས་ག་ལ་བ་དེར་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ་བཅོམ་ལྡན་འདས་ཀྱིས་བདག་ལ་སྐབས་ཕྱེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་བདག་ཕྱོགས་འགའ་ཞིག་ཞུ་ལགས་སོ། །དེ་སྐད་ཅེས་གསོལ་པ་དང་། བཅོམ་ལྡན་འདས ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་འདི་སྐད་ཅེས་བཀའ་སྩལ་ཏོ།།བྱམས་པ་ཁྱོད་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཅི་དང་ཅི་འདོད་པ་དྲིས་ཤིག་དང་། དྲིས་པ་དེ་དང་དེའི་ལུང་བསྟན་ པས་ངས་ཁྱོད་ཀྱི་སེམས་རངས་པར་བྱའོ།།དེ་ནས་བཅོམ་ལྡན་འདས་ཀྱིས་སྐབས་ཕྱེ་བས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།
以下是完整的直譯: D86 梵文音譯:āryamaitrīyaparipṛcchānāmamahāyānasūtra 藏文:འཕགས་པ་དཀོན་མཆོག་བརྩེགས་པ་ཆེན་པོའི་ཆོས་ཀྱི་རྣམ་གྲངས་ལེའུ་སྟོང་ཕྲག་བརྒྱ་པ་ལས་ལེའུ་བཞི་བཅུ་རྩ་གཉིས་པ་སྟེ་འཕགས་པ་བྱམས་པས་ཆོས་བརྒྱད་ཞུས་པ་ལུང་བསྟན་པ།བམ་པོ་ཕྱེད་པ། 漢譯: 《聖寶積大乘經百千品》中第四十二品《聖彌勒所問八法授記》半卷 梵文:āryamaitrīyaparipṛcchānāmamahāyānasūtra 藏文:འཕགས་པ་བྱམས་པས་ཞུས་པ་ཞེས་བྱ་བ་ཐེག་པ་ཆེན་པོའི་མདོ། 漢譯: 《聖彌勒所問》大乘經 頂禮一切佛菩薩。 如是我聞:一時,世尊在王舍城靈鷲山中,與一千二百五十比丘大眾及一萬菩薩眾俱。 爾時,世尊為百千眷屬圍繞,面向大眾說法。 時有菩薩摩訶薩名曰彌勒,亦在會中。 於是菩薩摩訶薩彌勒從座而起,偏袒右肩,右膝著地,向世尊所在方向合掌頂禮,而白佛言:“若蒙世尊開許,我將就某些事請問如來應正等覺,愿為開示。” 作是語已,世尊告菩薩摩訶薩彌勒言:“彌勒,汝欲問如來應正等覺何事,但問無妨,我當爲汝回答,令汝心滿意足。” 於是世尊開許后,菩薩摩訶薩彌勒白世尊言:
།བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ དུ་དང་ལྡན་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པའི་ཆོས་ཅན་དུ་འགྱུར་ཞིང་མི་ཉམས་ལ་ཡོངས་སུ་མི་ཉམས་ཏེ།ཁྱད་པར་ཐོབ་པར་འགྱུར་བ་དང་། བདུད་ཕྱིར་རྒོལ་བ་བཅོམ་པར་འགྱུར་བ་དང་། བྱང་ཆུབ་སེམས་དཔའི་སྤྱད་པ་ སྤྱོད་པ་ན་ཆོས་ཐམས་ཅད་ཀྱི་ངོ་བོ་ཉིད་ཀྱི་མཚན་ཉིད་ཇི་ལྟ་བ་བཞིན་དུ་རྟོགས་ནས་འཁོར་བ་ན་ཡོངས་སུ་མི་སྐྱོ་བ་དང་།ཡོངས་སུ་མི་སྐྱོ་བའི་ཡིད་དང་ལྡན་པར་གྱུར་ནས་ཀྱང་གཞན་གྱི་ཁ་ན་མ་ལས་པའི་ཡེ་ཤེས་ཀྱིས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ མངོན་པར་རྫོགས་པར་འཚང་རྒྱ་བར་འགྱུར་ལགས།དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་འདི་སྐད་ཅེས་བཀའ་སྩལ་ཏོ། །བྱམས་པ་ལེགས་སོ། །བྱམས་པ་ཁྱོད་དེ་བཞིན་གཤེགས་པ་ ལ་དོན་འདི་འདྲི་བར་སེམས་པ་ཁྱོད་ཡང་ལེགས་སོ།།བྱམས་པ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་ངས་ཁྱོད་ལ་བཤད་དོ། །བཅོམ་ལྡན་འདས་དེ་ལྟར་འཚལ་ལོ་ཞེས་གསོལ་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་བཅོམ་ ལྡན་འདས་ཀྱི་ལྟར་ཉན་པ་དང་།བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །བྱམས་པ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བརྒྱད་དང་ལྡན་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པའི་ཆོས་ཅན་དུ་འགྱུར་ ཞིང་མི་ཉམས་ལ་ཡོངས་སུ་མི་ཉམས་ཏེ།ཁྱད་པར་ཐོབ་པར་འགྱུར། བདུད་ཕྱིར་རྒོལ་བ་བཅོམ་པར་འགྱུར། བྱང་ཆུབ་སེམས་དཔའི་སྤྱད་པ་སྤྱོད་པ་ན་ཆོས་ཐམས་ཅད་ཀྱི་ངོ་བོ་ཉིད་ཀྱི་མཚན་ཉིད་ཇི་ལྟ་བ་བཞིན་དུ་རྟོགས་ནས་འཁོར་བ་ན་ཡོངས་སུ་མི་སྐྱོ་བར་འགྱུར། ཡོངས་སུ་ མི་སྐྱོ་བའི་ཡིད་དང་ལྡན་པར་གྱུར་ནས་ཀྱང་གཞན་གྱི་ཁ་ན་མ་ལས་པའི་ཡེ་ཤེས་ཀྱིས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ།།བརྒྱད་གང་ཞེ་ན། འདི་ལྟ་སྟེ། བྱམས་པ་འདི་ལ་བྱང་ཆུབ་སེམས་དཔའ་སེམས་ དཔའ་ཆེན་པོ་ནི་བསམ་པ་ཕུན་སུམ་ཚོགས་པ་ཡིན།སྦྱོར་བ་ཕུན་སུམ་ཚོགས་པ་ཡིན། གཏོང་བ་ཕུན་སུམ་ཚོགས་པ་ཡིན། ཡོངས་སུ་བསྔོ་བ་ལ་མཁས་པ་ཡིན། བྱམས་པ་ཕུན་སུམ་ཚོགས་པ་ཡིན། སྙིང་རྗེ་ཕུན་སུམ་ཚོགས་པ་ཡིན། ཐབས་ལ་མཁས་པ་ཡིན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ངེས་པར་བྱུང་བ་ཡིན་ནོ།
世尊,菩薩摩訶薩具足幾法,能成為不退轉于無上正等正覺之法性者,不退失、不完全退失,而獲得殊勝,降伏魔眾的障礙,行菩薩行時如實了知一切法的本性相,于輪迴中不生厭倦,具足不厭倦之心,並以他人無過失的智慧迅速現證無上正等正覺? 世尊如是告訴菩薩摩訶薩彌勒說:“彌勒,善哉!彌勒,你能向如來詢問此義,你也善哉!彌勒,因此你當善聽,謹記於心,我將為你宣說。” “世尊,如是。“彌勒菩薩摩訶薩如是應允。 菩薩摩訶薩彌勒如是傾聽,世尊對他如是宣說:“彌勒,菩薩摩訶薩具足八法,能成為不退轉于無上正等正覺之法性者,不退失、不完全退失,而獲得殊勝,降伏魔眾的障礙,行菩薩行時如實了知一切法的本性相,于輪迴中不生厭倦,具足不厭倦之心,並以他人無過失的智慧迅速現證無上正等正覺。何為八法?彌勒,此中菩薩摩訶薩是:一、具足圓滿意樂;二、具足圓滿加行;三、具足圓滿佈施;四、善巧迴向;五、具足圓滿慈心;六、具足圓滿悲心;七、善巧方便;八、決定趣入般若波羅蜜多。”
།བྱམས་པ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་པ་ཕུན་སུམ་ཚོགས་པ་ཡིན་ཞེ་ན། བྱམས་པ་འདི་ལ་བྱང་ཆུབ་སེམས་དཔའ་སེམས་དཔའ ཆེན་པོ་ནི་སངས་རྒྱས་ཀྱི་བསྔགས་པ་འམ།བསྔགས་པ་མ་ཡིན་པ་ཐོས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་བསམ་པ་ངེས་པ་ཡིན། ཆོས་ཀྱི་བསྔགས་པ་འམ་བསྔགས་པ་མ་ཡིན་པ་ཐོས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ བསམ་པ་ངེས་པ་ཡིན།དགེ་འདུན་གྱི་བསྔགས་པ་འམ་བསྔགས་པ་མ་ཡིན་པ་ཐོས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་བསམ་པ་ངེས་པ་ཡིན་ཏེ། བྱམས་པ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་པ་ཕུན་སུམ་ཚོགས་པ་ནི་ ཡིན་ནོ།།བྱམས་པ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱོར་བ་ཕུན་སུམ་ཚོགས་པ་ཡིན་ཞེ་ན། བྱམས་པ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ནི་སྲོག་གཅོད་པ་སྤངས་པ་ཡིན། མ་བྱིན་པར་ལེན་པ་དང་། འདོད་པ་ལ་ལོག་ པར་གཡེམ་པ་དང་།དུ་སྨྲ་བ་དང་། ཕྲ་མའི་ཚིག་དང་། ངག་རྩུབ་པོ་དང་། ཚིག་ཀྱལ་བ་སྤངས་པ་ཡིན་ཏེ། བྱམས་པ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱོར་བ་ཕུན་སུམ་ཚོགས་པ་ཡིན་ནོ། །བྱམས་ པ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་གཏོང་བ་ཕུན་སུམ་ཚོགས་པ་ཡིན་ཞེ་ན།བྱམས་པ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ནི་དགེ་སྦྱོང་དང་། བྲམ་ཟེ་རྣམས་དང་། ཕོངས་པ་དང་སློང་བ་རྣམས་ལ་གོས་དང་། ཟས་དང་། མལ་ ཆ་དང་།ན་བའི་གསོས་སྨན་དང་། ཡོ་བྱད་རྣམས་གཏོང་བ་དང་། སྦྱིན་པ་དག་ཏུ་གྱུར་པ་ཡིན་ཏེ། བྱམས་པ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་གཏོང་བ་ཕུན་སུམ་ཚོགས་པ་ཡིན་ནོ། །བྱམས་པ་ཇི་ལྟར་ན་བྱང་ཆུབ་སེམས་དཔའ་སེམས་ དཔའ་ཆེན་པོ་ཡོངས་སུ་བསྔོ་བ་ལ་མཁས་པ་ཡིན་ཞེ་ན།བྱམས་པ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ལུས་དང་ངག་དང་། ཡིད་ཀྱིས་དགེ་བའི་རྩ་བ་མངོན་པར་འདུ་བྱེད་པ་གང་ཅི་ཡང་རུང་སྟེ། དེ་ཐམས་ཅད་བླ་ན་མེད་པ་ཡང་དག་པར་རྫོགས་པའི་ བྱང་ཆུབ་ཏུ་ཡོངས་སུ་སྔོ་བར་བྱེད་དེ།བྱམས་པ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཡོངས་སུ་བསྔོ་བ་ལ་མཁས་པ་ཡིན་ནོ།
彌勒,云何菩薩摩訶薩具足圓滿意樂?彌勒,此中菩薩摩訶薩雖聞佛陀的稱讚或非稱讚,其意樂仍決定於無上正等正覺;雖聞法的稱讚或非稱讚,其意樂仍決定於無上正等正覺;雖聞僧伽的稱讚或非稱讚,其意樂仍決定於無上正等正覺。彌勒,如是菩薩摩訶薩具足圓滿意樂。 彌勒,云何菩薩摩訶薩具足圓滿加行?彌勒,此中菩薩摩訶薩斷除殺生、不與取、欲邪行、妄語、離間語、粗惡語、綺語。彌勒,如是菩薩摩訶薩具足圓滿加行。 彌勒,云何菩薩摩訶薩具足圓滿佈施?彌勒,此中菩薩摩訶薩對沙門、婆羅門、貧苦者及乞討者佈施衣服、飲食、臥具、病人醫藥及資具,成為佈施者。彌勒,如是菩薩摩訶薩具足圓滿佈施。 彌勒,云何菩薩摩訶薩善巧迴向?彌勒,此中菩薩摩訶薩以身、語、意所造作的任何善根,悉皆迴向無上正等正覺。彌勒,如是菩薩摩訶薩善巧迴向。
།བྱམས་པ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ཕུན་སུམ་ཚོགས་པ་ཡིན་ཞེ་ན། བྱམས་ པ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ནི་བྱམས་པའི་ལུས་ཀྱི་ལས་དང་ལྡན་པ་ཡིན།བྱམས་པའི་ངག་གི་ལས་དང་ལྡན་པ་ཡིན། བྱམས་པའི་ཡིད་ཀྱི་ལས་དང་ལྡན་པ་ཡིན་ཏེ། བྱམས་པ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་ པོ་བྱམས་པ་ཕུན་སུམ་ཚོགས་པ་ཡིན་ནོ།།བྱམས་པ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཕུན་སུམ་ཚོགས་པ་ཡིན་ཞེ་ན། བྱམས་པ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ནི་གནོད་སེམས་མེད་པའི་ལུས་ཀྱི་ལས་དང་ལྡན་པ་ཡིན། གནོད་སེམས་མེད་པའི་ངག་གི་ལས་དང་ལྡན་པ་ཡིན། གནོད་སེམས་མེད་པའི་ཡིད་ཀྱི་ལས་དང་ལྡན་པ་ཡིན་ཏེ། བྱམས་པ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཕུན་སུམ་ཚོགས་པ་ཡིན་ནོ། །བྱམས་པ་ཇི་ལྟར་ན་བྱང་ཆུབ་སེམས་དཔའ སེམས་དཔའ་ཆེན་པོ་ཐབས་ལ་མཁས་པ་ཡིན་ཞེ་ན།བྱམས་པ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཀུན་རྫོབ་ཀྱི་དོན་ལ་མཁས་པ་ཡིན། དམ་པའི་དོན་ལ་མཁས་པ་ཡིན། གཉི་གའི་དོན་ལ་མཁས་པ་ཡིན་ཏེ། བྱམས་པ་དེ་ལྟར་ན་བྱང་ཆུབ་ སེམས་དཔའ་སེམས་དཔའ་ཆེན་པོ་ཐབས་ལ་མཁས་པ་ཡིན་ནོ།།བྱམས་པ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ངེས་པར་འབྱུང་བ་ཡིན་ཞེ་ན། བྱམས་པ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ འདི་ལྟར་ཡང་དག་པར་སློབ་སྟེ།འདི་ཡོད་པའི་ཕྱིར་འདི་འབྱུང་། འདི་སྐྱེས་པས་འདི་སྐྱེ་བ་སྟེ། འདི་ལྟ་སྟེ། མ་རིག་པའི་རྐྱེན་གྱིས་འདུ་བྱེད་རྣམས། འདུ་བྱེད་ཀྱི་རྐྱེན་གྱིས་རྣམ་པར་ཤེས་པ། རྣམ་པར་ཤེས་པའི་རྐྱེན་གྱིས་མིང་དང་གཟུགས། མིང་དང་གཟུགས་ཀྱི་ རྐྱེན་གྱིས་སྐྱེ་མཆེད་དྲུག་།སྐྱེ་མཆེད་དྲུག་གི་རྐྱེན་གྱིས་རེག་པ། རེག་པའི་རྐྱེན་གྱིས་ཚོར་བ། ཚོར་བའི་རྐྱེན་གྱིས་སྲེད་པ། སྲེད་པའི་རྐྱེན་གྱིས་ལེན་པ། ལེན་པའི་རྐྱེན་གྱིས་སྲིད་པ། སྲིད་པའི་རྐྱེན་གྱིས་སྐྱེ་བ། སྐྱེ་བའི་རྐྱེན་གྱིས་རྒ་ཤི་དང་། མྱ་ངན་དང་། སྨྲེ་སྔགས་འདོན པ་དང་།སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་འབྱུང་བར་འགྱུར་ཏེ། དེ་ལྟར་ན་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པོ་འདི་འབྱུང་བར་འགྱུར་རོ།
彌勒,云何菩薩摩訶薩具足圓滿慈心?彌勒,此中菩薩摩訶薩具足慈心的身業,具足慈心的語業,具足慈心的意業。彌勒,如是菩薩摩訶薩具足圓滿慈心。 彌勒,云何菩薩摩訶薩具足圓滿悲心?彌勒,此中菩薩摩訶薩具足無害心的身業,具足無害心的語業,具足無害心的意業。彌勒,如是菩薩摩訶薩具足圓滿悲心。 彌勒,云何菩薩摩訶薩善巧方便?彌勒,此中菩薩摩訶薩善巧世俗諦義,善巧勝義諦義,善巧二諦義。彌勒,如是菩薩摩訶薩善巧方便。 彌勒,云何菩薩摩訶薩決定趣入般若波羅蜜多?彌勒,此中菩薩摩訶薩如是正學:此有故彼有,此生故彼生。即是:無明緣行,行緣識,識緣名色,名色緣六處,六處緣觸,觸緣受,受緣愛,愛緣取,取緣有,有緣生,生緣老死、憂、悲、苦、惱、煩惱。如是唯有此大苦蘊集起。
།འདི་མེད་པའི་ཕྱིར་འདི་མི་འབྱུང་། འདི་འགགས་པས་འདི་འགག་སྟེ། འདི་ལྟ་སྟེ། མ་རིག་པ་ འགགས་པས་འདུ་བྱེད་འགག་།འདུ་བྱེད་འགགས་པས་རྣམ་པར་ཤེས་པ་འགག་།རྣམ་པར་ཤེས་པ་འགགས་པས་མིང་དང་གཟུགས་འགག་།མིང་དང་གཟུགས་འགགས་པས། སྐྱེ་མཆེད་དྲུག་འགག་།སྐྱེ་མཆེད་དྲུག་འགགས་པས་རེག་པ་འགག་།རེག་པ་འགགས་པས་ཚོར བ་འགག་།ཚོར་བ་འགགས་པས་སྲེད་པ་འགག་།སྲེད་པ་འགགས་པས་ལེན་པ་འགག་།ལེན་པ་འགགས་པས་སྲིད་པ་འགག་།སྲིད་པ་འགགས་པས་སྐྱེ་བ་འགག་།སྐྱེ་བ་འགགས་པས་རྒ་ཤི་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ བ་དང་།འཁྲུག་པ་རྣམས་འགག་པར་འགྱུར་ཏེ། དེ་ལྟར་ན་སྡུག་བསྔལ་གྱི་ཕུང་པོ་ཆེན་པོ་འབའ་ཤིག་པོ་འདི་འགག་པར་འགྱུར་རོ། །སྙམ་པ་སྟེ། བྱམས་པ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ངེས་པར་འབྱུང་བ་ཡིན་ནོ། །བྱམས་པ་ བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བརྒྱད་པོ་དེ་དག་དང་ལྡན་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པའི་ཆོས་ཅན་དུ་འགྱུར་ཞིང་མི་ཉམས་ལ་ཡོངས་སུ་མི་ཉམས་ཏེ།ཁྱད་པར་ཐོབ་པར་འགྱུར། བདུད་ཕྱིར་རྒོལ་བ་བཅོམ་པར་འགྱུར། བྱང་ཆུབ་སེམས་དཔའི་སྤྱད་པ་སྤྱོད་པ་ན་ཆོས་ཐམས་ཅད་ཀྱི་ངོ་བོ་ཉིད་ཀྱི་མཚན་ཉིད་ཇི་ལྟ་བ་བཞིན་དུ་རྟོགས་ནས་འཁོར་བ་ན་ཡོངས་སུ་མི་སྐྱོ་བར་འགྱུར། ཡོངས་སུ་མི་སྐྱོ་བའི་ཡིད་དང་ལྡན་ནས་ཀྱང་གཞན་གྱི་ཁ་ན་མ་ལས་པའི་ཡེ་ཤེས་ཀྱིས་མྱུར་དུ་བླ་ན་མེད་པ་ཡང་དག་པར རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ།།བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་དང་། དགེ་སློང་དེ་དག་དང་། བྱང་ཆུབ་སེམས་དཔའ་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།འཕགས་པ་དཀོན་མཆོག་བརྩེགས་པ་ཆེན་པོའི་ཆོས་ཀྱི་རྣམ་གྲངས་ལེའུ་སྟོང་ཕྲག་བརྒྱ་པ་ལས་བྱམས་པས་ཞུས་པ ཆོས་བརྒྱད་པ་ཞེས་བྱ་བའི་ལེའུ་སྟེ་བཞི་བཅུ་རྩ་གཉིས་པ་རྫོགས་སོ།
此無故彼無,此滅故彼滅。即是:無明滅故行滅,行滅故識滅,識滅故名色滅,名色滅故六處滅,六處滅故觸滅,觸滅故受滅,受滅故愛滅,愛滅故取滅,取滅故有滅,有滅故生滅,生滅故老死、憂、悲、苦、惱、煩惱滅。如是唯有此大苦蘊滅。彌勒,如是菩薩摩訶薩決定趣入般若波羅蜜多。 彌勒,菩薩摩訶薩若具足此八法,則成為不退轉于無上正等正覺之法性,不退失、不完全退失,獲得殊勝,降伏魔羅之反對,行菩薩行時如實了知一切法之自性相,不厭離輪迴。由具足不厭離心,依他不共智慧,速疾現證無上正等正覺。 世尊如是宣說已,菩薩摩訶薩彌勒及彼等比丘、菩薩,以及天、人、阿修羅、乾闥婆等世間皆大歡喜,稱讚世尊所說。 《聖寶積大乘經》十萬頌中《彌勒請問八法品》第四十二品終。
། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ།། །།
印度堪布吉那彌札和達那西拉,以及大校譯師班智耶喜德翻譯並校對,復以新語詞修訂而定稿。
同部經論
與本文同名或相近的其他版本、科判、譯文與註疏。