d0278聖八吉祥大乘經c3.5s
D278 d0278位於德格甘珠爾第68函,相當於大正藏
0429 14 P0074 佛說八部佛名經 (1卷)〖 元魏 瞿曇般若流支譯〗
@#། །རྒྱ་གར་སྐད་དུ། ཨཱརྱ་མཾ་ག་ལ་ཨཥྚ་ཀཾ ནཱ་མ་མ་ཧཱ་ཡཱ་ན་སཱུ་ཏྲ།བོད་སྐད་དུ། འཕགས་པ་བཀྲ་ཤིས་བརྒྱད་པ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཡངས་པ་ན་ཨ་ མྲ་སྲུང་བའི་ཚལ་ན་བཞུགས་སོ།།དེ་ནས་ལིཙྪ་བཱིའི་བུ་རྩལ་རབ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་ བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་ལ་ལ་སྔོན་གྱི་སྨོན་ལམ་ཕུན་སུམ་ཚོགས་པ་དག་བཞུགས་པ་བཅོམ་ལྡན་འདས་གང་དག་ཐོས་ན།བདག་གིས་སྤྱི་བོས་བཀུར་ཞིང་གང་དག་བདག་གིས་སྤྱི་བོས་བཀུར་བས་མིའམ་མི་མ་ལགས་པ་ལས་ འཇིགས་པའམ།གཙེ་བ་འབྱུང་བར་མི་འགྱུར་བ་དང་། བཅོམ་ལྡན་འདས་བདག་རྒྱལ་པོའི་ཕོ་བྲང་དུ་མཆིས་ཏེ། སྨྲ་བརྗོད་པ་ན་ཅི་ནས་གང་གིས་ཀྱང་སྨྲ་བ་ལ་ཟློག་པ་མི་བགྱིད་ཅིང་ཟིལ་གྱིས་མི་ནོན་པ་དང་། མཚན་དེ་དག་ཉིད་བདག་འཛིན་ན། གཉིད་ཀྱིས་ལོག་ན་ཡང་ སྡིག་པའི་རྨི་ལམ་རྨི་བར་མི་འགྱུར་བ་དང་།བདག་མཚོན་ཆ་གཟས་པའི་གཡུལ་གྱི་ནང་དུ་ཞུགས་ན་ཡང་ལུས་ལ་མཚོན་ཆ་རྣམས་ཕོག་པར་མི་འགྱུར་ལ། དེ་ལས་བདེ་བར་ཐར་བར་ཡང་འགྱུར་བ་དེ་དག་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་ པའི་སངས་རྒྱས་ཀྱིས་ཡོངས་སུ་བསྟན་དུ་གསོལ།དེ་སྐད་ཅེས་གསོལ་ནས། བཅོམ་ལྡན་འདས་ཀྱིས་ལིཙྪ་བཱིའི་བུ་རྩལ་རབ་ལ་འདི་སྐད་ཅེས་བཀའ་སྩལ་ཏོ། །རྩལ་རབ་ཤར་ཕྱོགས་ན་འཇིག་རྟེན་གྱི་ཁམས་གྲགས་ལྡན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་ བཅོམ་པ་ཡང་དག་པར་རྫོགས་པའི་སངས་རྒྱས་སྒྲོན་མའི་རྒྱལ་པོ་ཞེས་བྱ་བ་བཞུགས་སོ།།རྩལ་རབ་ཤར་ཕྱོགས་ན་འཇིག་རྟེན་གྱི་ཁམས་སྐྱོ་བ་མེད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྩལ་བརྟན་དོན་གྲུབ་དགོངས་ པ་ཞེས་བྱ་བ་བཞུགས་སོ།།རྩལ་རབ་ཤར་ཕྱོགས་ན་འཇིག་རྟེན་གྱི་ཁམས་བདེ་ལྡན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་ལ་དགོངས་པ་རྒྱ་ཆེར་གྲགས་པ་ཅན་ཞེས་བྱ་བ་བཞུགས་སོ།
以下是簡體中文直譯: 梵文:Ārya-maṅgala-aṣṭaka-nāma-mahāyāna-sūtra 藏文:འཕགས་པ་བཀྲ་ཤིས་བརྒྱད་པ་ཞེས་བྱ་བ་ཐེག་པ་ཆེན་པོའི་མདོ། 漢譯:名為《聖吉祥八》的大乘經 敬禮一切佛陀和菩薩。 我是這樣聽說的:有一次,世尊住在廣嚴城的菴羅樹園中。 那時,離車子力勝來到世尊所在之處。到達后,以頭頂禮世尊雙足,對世尊如是說道:“世尊、如來、應供、正等正覺,有些過去發願圓滿的佛陀,世尊,如果聽到他們的名號,我以頭頂戴,因為我以頭頂戴,就不會遭受人或非人的恐懼或傷害。世尊,當我去王宮說話時,無論誰也不能反駁我的言論,不能勝過我。如果我持有這些名號,即使在睡夢中也不會做惡夢。如果我進入持武器的戰場,武器也不會傷及我的身體,我還能安然脫離。請世尊、如來、應供、正等正覺為我宣說這些。” 說完這些話后,世尊對離車子力勝如是宣說:“力勝,在東方有一個名為’具聲’的世界,那裡有一位如來、應供、正等正覺,名為’燈王’。力勝,在東方有一個名為’無厭’的世界,那裡有一位如來、應供、正等正覺,名為’力堅成就意’。力勝,在東方有一個名為’具樂’的世界,那裡有一位如來、應供、正等正覺,名為’普觀廣大名稱’。”
།རྩལ་རབ་ཤར་ ཕྱོགས་ན་འཇིག་རྟེན་གྱི་ཁམས་བགེགས་མེད་པ་ཞེས་བྱ་བ་ཡོད་དེ།དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱམས་པའི་རྒྱན་གྱི་དཔལ་ཞེས་བྱ་བ་བཞུགས་སོ། །རྩལ་རབ་ཤར་ཕྱོགས་ན་འཇིག་རྟེན་གྱི་ཁམས་ཆད་པ་སྤངས་པ་ཞེས་བྱ་བ་ཡོད་ དེ།དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དགེ་བར་གྲགས་པ་དཔལ་དམ་པ་ཞེས་བྱ་བ་བཞུགས་སོ། །རྩལ་རབ་ཤར་ཕྱོགས་ན་འཇིག་རྟེན་གྱི་ཁམས་སྣ་ཚོགས་ལྡན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་ རྫོགས་པའི་སངས་རྒྱས་ལྷུན་པོ་ལྟར་འཕགས་པ་རྩལ་རབ་གྲགས་པའི་དཔལ་ཞེས་བྱ་བ་བཞུགས་སོ།།རྩལ་རབ་ཤར་ཕྱོགས་ན་འཇིག་རྟེན་གྱི་ཁམས་དཔལ་འབར་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སེམས་ ཅན་ཐམས་ཅད་ལ་དགོངས་པ་གྲགས་པའི་དཔལ་ཞེས་བྱ་བ་བཞུགས་སོ།།རྩལ་རབ་ཤར་ཕྱོགས་ན་འཇིག་རྟེན་གྱི་ཁམས་རྡོ་རྗེ་གྲགས་པ་དགའ་བ་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡིད་ཚིམ་པར་མཛད་པ་ རྩལ་རབ་གྲགས་པའི་དཔལ་ཞེས་བྱ་བ་བཞུགས་སོ།།རྩལ་རབ་སངས་རྒྱས་བཅོམ་ལྡན་འདས་རྣམས་ཀྱི་མཚན་འདི་དག་ལེགས་པར་རབ་ཏུ་གཟུང་བར་བྱའོ། །ཀུན་ཆུབ་པར་བྱའོ། །བཅང་བར་བྱའོ། །རྩལ་རབ་སངས་རྒྱས་བཅོམ་ལྡན་འདས་ཐམས་ཅད་ནི་ཡོན་ཏན་བསམ་ གྱིས་མི་ཁྱབ་པ་དང་ལྡན་མོད་ཀྱི།འོན་ཀྱང་རྩལ་རབ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འདི་དག་གི་ས་ངས་རྒྱས་ཀྱི་ཞིང་ནི་ཡོངས་སུ་དག་པ་སྟེ། སྙིགས་མ་རྣམས་དང་བྲལ་བ་ཡིན་ནོ། །རྩལ་རབ་ཁྱོད་ཀྱིས་གང་གི་ཚེ་དེ་བཞིན་གཤེགས་ པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འདི་དག་གི་མཚན་རྣམས་བླངས་ནས་འཛིན་ན་དེས་ཡོན་ཏན་གྱི་ཁྱད་པར་དེ་དག་དང་གཞན་དག་ཏུ་ཡང་འགྱུར་ཏེ།སངས་རྒྱས་བཅོམ་ལྡན་འདས་རྣམས་ཀྱི་མཚན་འདི་དག་ནི་སྔོན་གྱི་སྨོན་ལམ་གྱི་ཡོན་ཏན་དང་ལྡན་པ་ཡིན་པའི་ ཕྱིར་རོ།།ནུབ་མོ་སྲོད་ལ་ཉལ་ན་ཡང་ཁྱོད་ཀྱིས་མཚན་འདི་དག་བསམ་པར་བྱའོ། །ལྡང་བ་ན་ཡང་བསམ་པར་བྱའོ།
力勝,在東方有一個名為”無障礙”的世界,那裡有一位如來、應供、正等正覺,名為”慈愛莊嚴吉祥”。 力勝,在東方有一個名為”離斷”的世界,那裡有一位如來、應供、正等正覺,名為”善名勝吉祥”。 力勝,在東方有一個名為”具種種”的世界,那裡有一位如來、應供、正等正覺,名為”如須彌山高超力勝名稱吉祥”。 力勝,在東方有一個名為”光明吉祥”的世界,那裡有一位如來、應供、正等正覺,名為”觀察一切眾生名稱吉祥”。 力勝,在東方有一個名為”金剛名稱喜樂”的世界,那裡有一位如來、應供、正等正覺,名為”令意滿足力勝名稱吉祥”。 力勝,應當善加持守、完全領悟、受持這些佛世尊的名號。力勝,雖然所有佛世尊都具有不可思議的功德,但是這些如來、應供、正等正覺的佛土是完全清凈的,遠離一切濁垢。力勝,當你受持這些如來、應供、正等正覺的名號時,你將獲得這些和其他殊勝功德,因為這些佛世尊的名號具有過去願力的功德。晚上睡覺時你也應當思維這些名號,起床時也應當思維。
།འཇིག་རྟེན་གྱི་བྱ་བ་གང་ཅི་ཡང་རུང་བ་དག་རྩོམ་པ་དག་ན་ཡང་ཐམས་ཅད་ལ་མཚན་འདི་དག་བསམས་ནས་དེའི་འོག་ཏུ་བརྩམས་ན་དེར་ ཡང་ཁྱེད་ལ་འཕེལ་བ་ཉིད་དུ་འགྱུར་གྱི་འགྲིབ་པར་ནི་མ་ཡིན་པར་ཤེས་པར་བྱ་སྟེ།འདིས་ཁྱོད་གནས་པར་གྱིས་ཤིག་།དེ་ནས་ལིཙྪ་བཱིའི་བུ་རྩལ་རབ་ཀྱིས་བསྟན་པ་འདི་ཐོས་ནས་ཚིམ་ཞིང་མགུ་ལ་ཡི་རངས་ཏེ། རབ་ཏུ་དགའ་ནས་དགའ་བ་དང་། ཡིད་བདེ་བ་སྐྱེས་ཏེ། དེ་བཞིན་ གཤེགས་པ་རྣམས་ཀྱི་མཚན་འདི་དག་ཡོངས་སུ་རྗོད་ཅིང་རིན་པོ་ཆེ་སྣ་བདུན་གྱི་མེ་ཏོག་བརྒྱད་སྟོང་གིས་བཅོམ་ལྡན་འདས་ལ་མངོན་པར་གཏོར་ཏེ་བསྐོར་བ་ཡང་བྱས་ནས།དེ་བཞིན་གཤེགས་པའི་མཚན་ཡོངས་སུ་བརྗོད་པ་བཀྲ་ཤིས་བརྒྱད་པའི་ཆོས་ཀྱི་རྣམ་གྲངས་འདི་བཟུང་སྟེ་བཅོམ་ ལྡན་འདས་ཀྱི་ཐད་ནས་སོང་ངོ་།།དེ་ནས་ལྷ་རྣམས་ཀྱི་དབང་པོ་བརྒྱ་བྱིན་འཁོར་དེ་ཉིད་དུ་འདུས་པར་གྱུར་ནས་འདུག་པ་དེས་བཅོམ་ལྡན་འདས་ལ་ཕྱག་འཚལ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་དེ་བཞིན་གཤེགས་པའི་ མཚན་ཡོངས་སུ་བརྗོད་པ་བཀྲ་ཤིས་བརྒྱད་པའི་ཆོས་ཀྱི་རྣམ་གྲངས་འདི་ཉམས་སུ་བླངས་ལགས་སོ།།བཅོམ་ལྡན་འདས་ཀྱིས་བཀའ་སྩལ་པ། ཀཽ་ཤི་ཀ་དེའི་ཕྱིར་ཁྱོད་ཀྱིས་ལྷ་དང་། ལྷ་མ་ཡིན་གཡུལ་འགྱེད་པ་ན་ཆོས་ཀྱི་རྣམ་གྲངས་འདི་ཡོངས་སུ་བརྗོད་པར་བྱའོ། ། ཡོངས་སུ་བརྗོད་པ་ན་ལྷའི་དབང་པོ་ཁྱོད་རྒྱལ་བར་འགྱུར་རོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པའི་མཚན་ཡོངས་སུ་བརྗོད་པ་གང་ཡིན་པ་འདི་ནི། བདེ་ཞིང་འཇིགས་པ་མེད་པར་ཡོངས་སུ་བརྗོད་པ་ཡིན་པའི་ཕྱིར་རོ། །མཚན་ཡོངས་སུ་བརྗོད་པ་གང་ཡིན་པ་འདི་ནི་ཀུན་ནས ལྡང་བ་མེད་པར་ཡོངས་སུ་བརྗོད་པ་ཡིན་པའི་ཕྱིར་རོ།།དེ་བཞིན་གཤེགས་པའི་མཚན་ཡོངས་སུ་བརྗོད་པ་གང་ཡིན་པ་འདི་ནི་ཡང་དག་པའི་མཚན་ཡོངས་སུ་བརྗོད་པ་ཡིན་པའི་ཕྱིར་རོ། །དེ་བཞིན་གཤེགས་པའི་མཚན་ཡོངས་སུ་བརྗོད་པ་གང་ཡིན་པ་འདི་ནི་གཡུལ་ཐམས་ཅད་ལས་ ཡང་དག་པར་འདས་པར་ཡོངས་སུ་བརྗོད་པ་ཡིན་པའི་ཕྱིར་རོ།།དེ་བཞིན་གཤེགས་པའི་མཚན་ཡོངས་སུ་བརྗོད་པ་གང་ཡིན་པ་འདི་ནི་ཟིལ་གྱིས་མི་ནོན་པར་ཡོངས་སུ་བརྗོད་པ་དང་། ཞི་བར་ཡོངས་སུ་བརྗོད་པ་དང་། ཡོངས་སུ་གདུང་བ་མེད་པར་ཡོངས་སུ་བརྗོད་པ་དང་། འཇིགས་ པ་མེད་པར་ཡོངས་སུ་བརྗོད་པ་ཡིན་པའི་ཕྱིར་རོ།
開始從事任何世間事業時,也應當先思維這些名號,然後再開始行動,你要知道這樣做會使你增長而不會衰減。你要依此而行。 然後,離車子力勝聽到這個教法后,感到滿足、歡喜、隨喜,生起極大的歡喜和愉悅,誦唸這些如來名號,並以八千七寶花散向世尊,還繞佛而行,然後持誦這個名為”如來名號宣說八吉祥”的法門,從世尊面前離去。 那時,天帝釋也在此眾中,向世尊頂禮后對世尊如是說道:“世尊,我也要修習這個名為’如來名號宣說八吉祥’的法門。” 世尊開示道:“憍尸迦,因此當你與阿修羅交戰時,應當誦唸這個法門。誦唸時,你這個天帝必定會獲勝。為什麼呢?因為這個如來名號宣說是安樂無畏的宣說,是無有生起的宣說,是真實名號的宣說,是超越一切戰爭的宣說,是不可戰勝的宣說,是寂靜的宣說,是無有熱惱的宣說,是無有恐懼的宣說。”
།དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་ཆོས་ཀྱི་རྣམ་གྲངས་འདི་ལ་མཆོད་པའི་ཕྱིར། བཅོམ་ལྡན་འདས་ལ་ལྷའི་མེ་ཏོག་མན་དཱ་ར་བ་དག་གིས་མངོན་པར་གཏོར་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་ འཚལ་ཏེ།ལན་གསུམ་བསྐོར་བ་བྱས་ནས་ཡིད་དགའ་བ་དང་། སེམས་དགེ་བ་དང་། སེམས་སྒྲིབ་པ་མེད་པ་དང་། སེམས་ཀུན་ནས་ལྡང་བ་མེད་པ་དང་། དེ་བཞིན་གཤེགས་པའི་མཚན་ཡོངས་སུ་བརྗོད་པའི་ཆོས་ཀྱི་རྣམ་གྲངས་འདི་ཡིད་ལ་བྱེད་བཞིན་དུ་སླད་ཀྱིས་ཀྱང་ བདག་གིས་བཅོམ་ལྡན་འདས་ཀྱི་ཞལ་མཐོང་བར་གྱུར་ཅིག་ཅེས་ཚིག་ཏུ་སྨྲས་ནས།སུམ་ཅུ་རྩ་གསུམ་གྱི་ལྷ་རྣམས་དང་ལྷན་ཅིག་ཏུ་བཅོམ་ལྡན་འདས་ཀྱི་ཐད་ནས་དོང་ངོ་། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ལིཙྪ་བཱིའི་བུ་རྩལ་རབ་དང་། ལྷ་རྣམས་ ཀྱི་དབང་པོ་བརྒྱ་བྱིན་དང་།ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་བཀྲ་ཤིས་བརྒྱད་པ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།
然後,天帝釋爲了供養這個法門,向世尊散撒天界的曼陀羅花,以頭頂禮世尊雙足,繞佛三匝,心生歡喜、善心、無障礙心、無生起心,並持誦這個如來名號宣說法門,同時發願道:“愿我將來還能再見到世尊的尊顏。“說完這些話后,與三十三天諸天一同離開世尊面前。 世尊說完這些話后,離車子力勝、天帝釋以及天、人、阿修羅、乾闥婆等世間眾生都歡喜讚歎世尊所說。 《聖八吉祥大乘經》圓滿。
། །། ་རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ཞུ་ཆེན་གྱི་ལོ་ཙཱ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ།། །
印度堪布蘇仁陀菩提與大校譯師班智達耶謝德翻譯、校對並最終確定。
同部經論
與本文同名或相近的其他版本、科判、譯文與註疏。