菩薩藏佛教學會
20
背景
翻譯
下載 ▾

d0271聖八佛大乘經c3.5s

D271 d0271位於德格甘珠爾第68函,相當於大正藏

  0430 14 P0075 八吉祥經 (1卷)〖 梁 僧伽婆羅譯〗   0431 14 P0076 八佛名號經 (1卷)〖 隋 阇那崛多譯〗 @##། །རྒྱ་གར་སྐད་དུ། ཨཱརྱ་ཨཥྚ་བུད་དྷ་ཀཾ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་སངས་རྒྱས་བརྒྱད་པ་ཞེས་བྱ་བ་ཐེག་པ་ཆེན་པོའི་མདོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས སྦྱིན་གྱི་ཀུན་དགའ་ར་བ་ན།དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་བཞུགས་ཏེ། ཐམས་ཅད་ཀྱང་དགྲ་བཅོམ་པ། ཟག་པ་ཟད་པ། ཉོན་མོངས་པ་མེད་པ། དབང་དང་ལྡན་པར་གྱུར་པ། སེམས་ཤིན་ཏུ་རྣམ་པར་གྲོལ་ བ།ཤེས་རབ་ཤིན་ཏུ་རྣམ་པར་གྲོལ་བ། ཅང་ཤེས་པ། གླང་པོ་ཆེན་པོ་བྱ་བ་བྱས་པ། བྱེད་པ་བྱས་པ། ཁུར་བོར་བ། རང་གི་དོན་རྗེས་སུ་ཐོབ་པ། སྲིད་པ་ཀུན་ཏུ་སྦྱོར་བ་ཡོངས་སུ་ཟད་པ། ཡང་དག་པའི་ཤེས་པས་སེམས་ཤིན་ཏུ་རྣམ་པར་གྲོལ་བ། སེམས་ཀྱི་ དབང་ཐམས་ཅད་ཀྱི་དམ་པའི་ཕ་རོལ་ཏུ་སོན་པ་ཤ་སྟག་སྟེ།གང་ཟག་གཅིག་མ་གཏོགས་པ་ནི་འདི་ལྟ་སྟེ། ཚེ་དང་ལྡན་པ་ཀུན་དགའ་བོའོ། །དེའི་ཚེ་ཚེ་དང་ལྡན་པ་ཤཱ་རིའི་བུ་འཁོར་དེ་ཉིད་དུ་འདུས་པར་གྱུར་ཏེ་འདུག་གོ། །དེ་ནས་དེའི་མོད་ལ་སྟོང་གསུམ་གྱི་སྟོང་ཆེན་པོའི་ འཇིག་རྟེན་གྱི་ཁམས་འདི་ཡང་རྣམ་པ་དྲུག་ཏུ་གཡོས།མ་དཀྲོལ་བར་བར་སྣང་ལས་སིལ་སྙན་བྱེ་བ་ཁྲག་ཁྲིག་བརྒྱ་སྟོང་གི་སྒྲ་དག་ཀྱང་བྱུང་། ལྷའི་མེ་ཏོག་མན་དཱ་ར་བ་དང་། མན་དཱ་ར་བ་ཆེན་པོ་དང་། མན་ཛུ་ཤ་ཀ་དང་། མན་ཛུ་ཤ་ཀ་ཆེན་པོའི་མེ་ ཏོག་གི་ཆར་ཡང་བབ་སྟེ།རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ཐམས་ཅད་རིན་པོ་ཆེའི་མེ་ཏོག་གི་ཆལ་པས་གང་བར་གྱུར་ཏོ། །དེ་ནས་དེའི་མོད་ལ་ཐམས་ཅད་དང་ལྡན་པའི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་གསེར་ གྱི་ཁ་དོག་གི་སྣང་བ་ཆེན་པོས་ཁྱབ་པར་གྱུར་ཏོ།།དེ་ནས་དེའི་མོད་ལ་ཤར་ཕྱོགས་ནས་པད་མ་སྡོང་པོ་ནི་གསེར། འདབ་མ་ནི་དངུལ། ཟེའུ་འབྲུ་ནི་བཻ་དཱུརྱ། སྙིང་པོ་ནི་རྡོའི་སྙིང་པོ་ལས་གྲུབ་པ་བརྒྱད་ཅིག་བྱུང་བར་གྱུར་ཏོ།

以下是完整的簡體中文直譯: 梵文:Ārya-aṣṭa-buddha-kaṃ nāma mahāyāna-sūtra 藏文:འཕགས་པ་སངས་རྒྱས་བརྒྱད་པ་ཞེས་བྱ་བ་ཐེག་པ་ཆེན་པོའི་མདོ། 漢譯:聖八佛大乘經 頂禮一切佛菩薩。 如是我聞:一時,世尊在舍衛國祇樹給孤獨園,與一千二百五十比丘大眾俱。皆是阿羅漢,諸漏已盡,無復煩惱,逮得自在,心善解脫,慧善解脫,如調龍象,所作已辦,棄諸重擔,逮得己利,盡諸有結,正智解脫,心得自在,到第一彼岸。唯除一人,即具壽阿難。 爾時,具壽舍利弗亦在會中。 於是剎那,此三千大千世界六種震動。無人鳴奏,空中自然響起百千俱胝那由他樂器之聲。天降曼陀羅華、大曼陀羅華、曼殊沙華、大曼殊沙華,遍滿祇樹給孤獨園,皆成寶華之聚。 於是剎那,此具足三千大千世界,悉為金色大光明所遍滿。 於是剎那,從東方出現八朵蓮花,莖為金,葉為銀,須為琉璃,臺為金剛所成。

།པད་མའི་སྙིང་པོ་ཐམས་ཅད་ཀྱི་སྟེང་ ན་སེང་གེའི་ཁྲི་གྲུ་བཞི་པ།རྩ་བ་བཞི་ཟུག་པ། བཀྲ་བ། བལྟ་ན་སྡུག་པ། དྲི་དང་ལྡན་པ། ཡིད་དུ་འོང་བ། དར་གྱི་ལྡ་ལྡི་སྦྱངས་པ། པོག་པོར་ནས་སྤོས་ཀྱི་དྲིས་ཤིན་ཏུ་བདུགས་པ། རིན་པོ་ཆེ་སྣ་ཚོགས་དུ་མ་དག་གིས་ལེགས་པར་བརྒྱན་པ། དྲིལ་བུ་ གཡེར་ཀའི་དྲ་བ་དུ་མ་འཁྲོལ་བ།རིན་པོ་ཆེ་དུ་མའི་བླ་རེ་བྲེས་པ་དག་བྱུང་བར་གྱུར་ཏོ། །སེང་གེའི་ཁྲི་ཐམས་ཅད་ཀྱི་སྟེང་ན་དེ་བཞིན་གཤེགས་པའི་སྐུ་དག་ཀྱང་བཞུགས་པར་ཡང་སྣང་སྟེ། མཛེས་པ། བལྟ་ན་སྡུག་པ། དབང་པོ་ཞི་བ། ཐུགས་ཞི་བ། དུལ་ བ་དང་ཞི་གནས་མཆོག་བརྙེས་པ།དུལ་བ་དང་ཞི་གནས་དམ་པ་བརྙེས་པ། དབང་པོ་བསྲུངས་ཤིང་ཐུལ་བ། གླང་པོ་ཤིན་ཏུ་དུལ་བ་ལྟ་བུ། མཚོ་ལྟར་དངས་ཤིང་རྙོག་པ་མེད་ལ་གསལ་བ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་པོ་དེ་དག་གིས་སྐུ་ལེགས་ པར་བརྒྱན་པ།གསེར་གྱི་ཁ་དོག་ལྟ་བུའི་སྐུས་ཉི་མ་དང་ཟླ་བའི་གཟི་བརྗིད་ཟིལ་གྱིས་མནན་ཏེ་བཞུགས་པ། སྤྱོད་ལམ་བརྒྱ་སྟོང་དུ་མ་དང་ལྡན་པ། སྐུ་མདོག་བལྟ་བས་ཆོག་མི་ཤེས་པ་དག་སྣང་ངོ་། །དེ་ནས་སངས་རྒྱས་ཀྱི་མཐུས་ཚེ་དང་ལྡན་པ་ཤཱ་རིའི་བུ་སྟན་ ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས།པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།

以下是完整的簡體中文直譯: 每朵蓮花之上有四方獅子寶座,四足穩固,美麗莊嚴,悅目怡人,香氣芬芳,令人歡喜。座上鋪設柔軟絲綢,熏以上等香料,以眾多珍寶嚴飾,懸掛眾多鈴鐺網路,覆以眾寶華蓋。 每一獅子座上皆現如來身相,端嚴悅目,諸根寂靜,心意安詳,得最勝調伏與止息,獲得最上調伏與止息,諸根防護調御,如善調大象,如清澄無濁明凈之湖,以三十二大丈夫相莊嚴其身,金色之身光芒勝過日月威光,具足百千種威儀,身色令人目不暇接。 爾時,以佛威神力,具壽舍利弗從座而起,偏袒右肩,右膝著地,向世尊所在方向合掌頂禮,對世尊如是言:

།བཅོམ་ལྡན་འདས་ཤར་ཕྱོགས་ནས་པད་མ་སྡོང་ པོ་ནི་གསེར།འདབ་མ་ནི་དངུལ། ཟེའུ་འབྲུ་ནི་བཻ་དཱུརྱ། སྙིང་པོ་ནི་རྡོའི་སྙིང་པོ་ལས་གྲུབ་པ་བརྒྱད་པོ་འདི་དག་བྱུང་བར་གྱུར་ཏེ། པད་མའི་སྙིང་པོ་ཐམས་ཅད་ཀྱི་སྟེང་ན་སེང་གེའི་ཁྲི་གྲུ་བཞི་པ། རྩ་བ་བཞི་ཟུག་པ། བཀྲ་བ། བལྟ་ན་སྡུག་པ། དྲི་དང་ལྡན་པ། ཡིད་ དུ་མཆི་བ།དར་གྱི་ལྡ་ལྡི་སྤྱངས་པ། པོག་པོར་ནས་སྤོས་ཀྱི་དྲིས་ཤིན་ཏུ་བདུགས་པ། རིན་པོ་ཆེ་སྣ་ཚོགས་དུ་མས་ལེགས་པར་བརྒྱན་པ། དྲིལ་བུ་གཡེར་ཀའི་དྲ་བ་དུ་མ་འཁྲོལ་བ། རིན་པོ་ཆེ་དུ་མའི་བླ་རེ་བྲེས་པ་དག་བྱུང་བར་གྱུར་པ། སེང་གེའི་ཁྲི་ཐམས་ཅད་ ཀྱི་སྟེང་ན།དེ་བཞིན་གཤེགས་པའི་སྐུ་དག་བཞུགས་པར་ཡང་གདའ་སྟེ། མཛེས་པ། བལྟ་ན་སྡུག་པ། དབང་པོ་ཞི་བ། ཐུགས་ཞི་བ། དུལ་བ་དང་ཞི་གནས་མཆོག་བརྙེས་པ། དུལ་བ་དང་ཞི་གནས་དམ་པ་བརྙེས་པ། དབང་པོ་བསྲུངས་ཤིང་ཐུལ་བ། གླང་པོ་ཆེ་ ཤིན་ཏུ་དུལ་བ་ལྟ་བུ།མཚོ་ལྟར་དངས་ཤིང་རྙོག་པ་མེད་ལ་གསལ་བ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་པོ་དག་གིས་སྐུ་ལེགས་པར་བརྒྱན་པ། གསེར་གྱི་ཁ་དོག་ལྟ་བུའི་སྐུས་ཉི་མ་དང་ཟླ་བའི་གཟི་བརྗིད་ཟིལ་གྱིས་མནན་ཏེ་བཞུགས་པ། སྤྱོད་ལམ་བརྒྱ་སྟོང་ དུ་མ་དང་ལྡན་པ།སྐུ་མདོག་བལྟ་བས་ཆོག་མི་ཤེས་པ་དག་གདའ་བའི་རྒྱུ་གང་ལགས་རྐྱེན་གང་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རིའི་བུ་ཁྱོད་དེའི་ཕྱིར་ལེགས་པར་རབ་ཏུ་ ཉོན་ལ་ཡིད་ལ་ཟུང་ཤིག་དང་བཤད་དོ།།ཚེ་དང་ལྡན་པ་ཤཱ་རིའི་བུས་བཅོམ་ལྡན་འདས་དེ་བཞིན་ནོ་ཞེས་གསོལ་ནས། བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །ཤཱ་རིའི་བུ་སངས་རྒྱས་ཀྱི་ཞིང་འདི་ནས་ ཤར་ཕྱོགས་ལོགས་སུ་སངས་རྒྱས་ཀྱི་ཞིང་གང་གཱའི་ཀླུང་གཅིག་གི་བྱེ་མ་སྙེད་འདས་པ་ན་འཇིག་རྟེན་གྱི་ཁམས་གཞན་གྱིས་མི་ཐུབ་པ་ཞེས་བྱ་བ་ཡོད་དེ།དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤིན་ཏུ་ཡོངས་ བསྒྲགས་དཔལ་ཞེས་བྱ་བ་ད་ལྟར་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏོ།

以下是完整的簡體中文直譯: “世尊,從東方出現這八朵蓮花,莖為金,葉為銀,須為琉璃,臺為金剛所成。每朵蓮花之上有四方獅子寶座,四足穩固,美麗莊嚴,悅目怡人,香氣芬芳,令人歡喜。座上鋪設柔軟絲綢,熏以上等香料,以眾多珍寶嚴飾,懸掛眾多鈴鐺網路,覆以眾寶華蓋。每一獅子座上皆現如來身相,端嚴悅目,諸根寂靜,心意安詳,得最勝調伏與止息,獲得最上調伏與止息,諸根防護調御,如善調大象,如清澄無濁明凈之湖,以三十二大丈夫相莊嚴其身,金色之身光芒勝過日月威光,具足百千種威儀,身色令人目不暇接。此等現象,因何而起,緣何而生?” 如是問已,世尊告具壽舍利弗言:“舍利弗,汝當爲此善聽,諦記於心,我今為汝宣說。” 具壽舍利弗應諾世尊:“如是,世尊。“遂聆聽世尊教誨。 世尊告訴他說:“舍利弗,從此佛土向東方,過一恒河沙數佛土,有一世界名為’他勝’。彼有如來、應供、正等正覺,名曰’極稱揚吉祥’,現今住世,存活安康,正為眾生說法。

།ཤཱ་རིའི་བུ་སངས་རྒྱས་ཀྱི་ཞིང་འདི་ནས་ཤར་ཕྱོགས་ལོགས་སུ་སངས་རྒྱས་ཀྱི་ཞིང་གང་གཱའི་ཀླུང་གཉིས་ཀྱི་བྱེ་མ་སྙེད་འདས་པ་ན་འཇིག་རྟེན་གྱི་ཁམས་ཡིད་འོང་དགའ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དབང་པོའི་ཏོག་གི་རྒྱལ་མཚན་གྱི་རྒྱལ་པོ་ཞེས་བྱ་བ་ད་ལྟར་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏོ། །ཤཱ་རིའི་བུ་སངས་རྒྱས་ཀྱི་ཞིང་འདི་ནས་ཤར་ཕྱོགས་ལོགས་སུ་སངས རྒྱས་ཀྱི་ཞིང་གང་གཱའི་ཀླུང་གསུམ་གྱི་བྱེ་མ་སྙེད་འདས་པ་ན་འཇིག་རྟེན་གྱི་ཁམས་སྡུག་དགའ་ཞེས་བྱ་བ་ཡོད་དེ།དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤིན་ཏུ་རྣམ་པར་གནོན་པ་གྲགས་མཆོག་དཔལ་ཞེས་བྱ་བ་ད་ལྟར་བཞུགས་ ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏོ།།ཤཱ་རིའི་བུ་སངས་རྒྱས་ཀྱི་ཞིང་འདི་ནས་ཤར་ཕྱོགས་ལོགས་སུ་སངས་རྒྱས་ཀྱི་ཞིང་གང་གཱའི་ཀླུང་བཞིའི་བྱེ་མ་སྙེད་འདས་པ་ན་འཇིག་རྟེན་གྱི་ཁམས་སྒོ་ཀུན་ནས་འཇུག་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་ བཅོམ་པ་ཡང་དག་པར་རྫོགས་པའི་སངས་རྒྱས་གཡུལ་ལས་ཤིན་ཏུ་རྣམ་པར་རྒྱལ་བའི་རྩལ་ཞེས་བྱ་བ་ད་ལྟར་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏོ།།ཤཱ་རིའི་བུ་སངས་རྒྱས་ཀྱི་ཞིང་འདི་ནས་ཤར་ཕྱོགས་ལོགས་སུ་སངས་རྒྱས་ཀྱི་ཞིང་གང་གཱའི་ཀླུང་ལྔའི་ བྱེ་མ་སྙེད་འདས་པ་ན་འཇིག་རྟེན་གྱི་ཁམས་རྣམ་དག་བརྩེགས་པ་ཞེས་བྱ་བ་ཡོད་དེ།དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་བཀོད་པའི་དཔལ་ཀུན་ཏུ་སྣང་བ་ཞེས་བྱ་བ་ད་ལྟར་བཞུགས་ཏེ་འཚོ་ཞིང་གཞེས་ལ་ཆོས་ཀྱང་ སྟོན་ཏོ།།ཤཱ་རིའི་བུ་སངས་རྒྱས་ཀྱི་ཞིང་འདི་ནས་ཤར་ཕྱོགས་ལོགས་སུ་སངས་རྒྱས་ཀྱི་ཞིང་གང་གཱའི་ཀླུང་དྲུག་གི་བྱེ་མ་སྙེད་འདས་པ་ན་འཇིག་རྟེན་གྱི་ཁམས་འགྱུར་མེད་ལྡན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་ རྒྱས་སྨན་གྱི་རྒྱལ་པོ་དཔལ་ཐོགས་པ་མེད་པ་ཞེས་བྱ་བ་ད་ལྟར་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏོ།

以下是完整的簡體中文直譯: 舍利弗,從此佛土向東方,過二恒河沙數佛土,有一世界名為”悅意歡喜”。彼有如來、應供、正等正覺,名曰”帝幢王”,現今住世,存活安康,正為眾生說法。 舍利弗,從此佛土向東方,過三恒河沙數佛土,有一世界名為”妙喜”。彼有如來、應供、正等正覺,名曰”極降伏名稱吉祥”,現今住世,存活安康,正為眾生說法。 舍利弗,從此佛土向東方,過四恒河沙數佛土,有一世界名為”普門”。彼有如來、應供、正等正覺,名曰”善戰勝力”,現今住世,存活安康,正為眾生說法。 舍利弗,從此佛土向東方,過五恒河沙數佛土,有一世界名為”清凈積聚”。彼有如來、應供、正等正覺,名曰”功德莊嚴吉祥普照”,現今住世,存活安康,正為眾生說法。 舍利弗,從此佛土向東方,過六恒河沙數佛土,有一世界名為”無變具足”。彼有如來、應供、正等正覺,名曰”藥王吉祥無礙”,現今住世,存活安康,正為眾生說法。

།ཤཱ་རིའི་བུ་སངས་རྒྱས་ཀྱི་ཞིང་འདི་ནས་ཤར་ཕྱོགས་ལོགས་སུ་སངས་རྒྱས་ཀྱི་ཞིང་གང་གཱའི་ཀླུང་བདུན་གྱི་བྱེ་མ་སྙེད་འདས་པ་ན་འཇིག་རྟེན་གྱི་ཁམས་ སྤོབས་པ་བརྩེགས་པ་གང་བ་ཞེས་བྱ་བ་ཡོད་དེ།དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་པད་མ་ལས་རྣམ་པར་གནོན་པས་བཞུད་པ་ཞེས་བྱ་བ་ད་ལྟར་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏོ། །ཤཱ་རིའི་བུ་ སངས་རྒྱས་ཀྱི་ཞིང་འདི་ནས་ཤར་ཕྱོགས་ལོགས་སུ་སངས་རྒྱས་ཀྱི་ཞིང་གང་གཱའི་ཀླུང་བརྒྱད་ཀྱི་བྱེ་མ་སྙེད་འདས་པ་ན་འཇིག་རྟེན་གྱི་ཁམས་སྒྲ་དབྱངས་སྙན་པ་ཞེས་བྱ་བ་ཡོད་དེ།དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ པོ་ཆེའི་པད་མ་ལ་རབ་ཏུ་གནས་པ་སཱ་ལའི་རྒྱལ་པོ་ཞེས་བྱ་བ་ད་ལྟར་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏོ།།ཤཱ་རིའི་བུ་སངས་རྒྱས་བཅོམ་ལྡན་འདས་དེ་དག་གི་སངས་རྒྱས་ཀྱི་ཞིང་དག་ནི་ཡོངས་སུ་དག་པ་སྟེ། སྙིགས་མ་ལྔ་མེད་དོ། །ཡ་མཚན་ཅན་ ཐམས་ཅད་མེད་དོ།།གསེག་མ་དང་གྱོ་མོ་དག་མེད་དོ། །ཉེ་བའི་ཉོན་མོངས་པ་མེད་དོ། །བུད་མེད་མེད་དོ། །དུད་འགྲོ་དང་གཤིན་རྗེའི་འཇིག་རྟེན་ཡང་མེད་དོ། །སྦྲང་བུ་དང་། ཤ་སྦྲང་དང་། སྡིག་སྦྲུལ་གྱིས་རེག་པ་རྣམས་མེད་དོ། །ཤཱ་རིའི་བུ་རིགས་ ཀྱི་བུའམ་རིགས་ཀྱི་བུ་མོ་གང་དག་སངས་རྒྱས་བཅོམ་ལྡན་འདས་དེ་དག་གི་མཚན་ཉན་པ་དང་།འཛིན་པ་དང་། འཆང་བ་དང་། ཀློག་པ་དང་། སྟོན་པ་དང་། རབ་ཏུ་འདོན་པ་དང་། ཀུན་ཆུབ་པར་བྱེད་པ་དེ་དག་ངན་སོང་གསུམ་དུ་འགྲོ་བ་དེ་ནི་གནས་མ་ཡིན་ཞིང་གོ་སྐབས་ མེད་དེ།ཤཱ་རིའི་བུ་དེ་དག་སེམས་ཅན་དམྱལ་བའམ། དུད་འགྲོའི་སྐྱེ་གནས་སམ། གཤིན་རྗེའི་འཇིག་རྟེན་དུ་འགྲོ་བ་དེ་ནི་གནས་མེད་དེ། མཚམས་མེད་པ་བྱེད་པ་དང་། དམ་པའི་ཆོས་སྤོང་བའི་གང་ཟག་ནི་མ་གཏོགས་ཏེ། དེ་ཡང་ཆུང་ངུ་ མྱོང་ཞིང་མང་དུ་མྱོང་བར་མི་འགྱུར་རོ།

以下是完整的簡體中文直譯: 舍利弗,從此佛土向東方,過七恒河沙數佛土,有一世界名為”辯才積聚圓滿”。彼有如來、應供、正等正覺,名曰”寶蓮花勝行”,現今住世,存活安康,正為眾生說法。 舍利弗,從此佛土向東方,過八恒河沙數佛土,有一世界名為”悅音”。彼有如來、應供、正等正覺,名曰”安住寶蓮花娑羅樹王”,現今住世,存活安康,正為眾生說法。 舍利弗,那些佛、世尊的佛土是清凈的,無有五濁。無有一切怪異之事。無有砂礫和碎石。無有近煩惱。無有女人。無有畜生和閻魔世界。無有蚊蟲、蠅蛆和毒蛇的觸碰。 舍利弗,若有善男子、善女人聽聞、受持、憶念、讀誦、演說、宣揚、通達那些佛、世尊的名號,他們不會墮入三惡道,這是不可能的,沒有機會的。舍利弗,他們不會墮入地獄、畜生或閻魔世界,這是不可能的。除了造作五無間罪和誹謗正法的人,即便如此,他們也只會受少許苦,不會長久受苦。

།ཤཱ་རིའི་བུ་རིགས་ཀྱི་བུའམ་རིགས་ཀྱི་བུ་མོ་གང་སངས་རྒྱས་བཅོམ་ལྡན་འདས་དེ་དག་གི་མཚན་ཉན་པ་དང་། འཛིན་པ་དང་། འཆང་བ་དང་། ཀློག་པ་དང་། སྟོན་པ་དང་། རབ་ཏུ་འདོན་པ་དང་། ཀུན་ཆུབ་པར་བྱེད་པ་དེ་བྱང་ཆུབ་ ཀྱི་སྙིང་པོ་ལ་ཐུག་གི་བར་དུ་ནམ་ཡང་མངོན་པར་ཤེས་པ་དང་བྲལ་བར་མི་འགྱུར།ནམ་ཡང་མཚན་དང་བྲལ་བར་མི་འགྱུར། ནམ་ཡང་གཟུངས་དང་བྲལ་བར་མི་འགྱུར། ནམ་ཡང་དབང་པོ་མ་ཚང་བར་མི་འགྱུར། ནམ་ཡང་སྒྲ་དབྱངས་ཤིན་ཏུ་རྒྱས་པ་དང་བྲལ་བར་མི་ འགྱུར།ནམ་ཡང་རྔ་སྒྲའི་དབྱངས་དང་བྲལ་བར་མི་འགྱུར། ནམ་ཡང་སྦྱིན་གནས་དང་ཕྱིར་མི་ལྡོག་པ་དང་བྲལ་བར་མི་འགྱུར། ནམ་ཡང་བྱང་ཆུབ་ཀྱི་ཡན་ལག་གི་མེ་ཏོག་དང་བྲལ་བར་མི་འགྱུར། ནམ་ཡང་ཐེག་པ་ཆེན་པོའི་མདོ་སྡེ་ཤིན་ཏུ་རྒྱས་པ་དང་བྲལ་བར་ མི་འགྱུར་རོ།།ཤཱ་རིའི་བུ་གནས་མ་ཡིན་ཞིང་གོ་སྐབས་མེད་དེ། ཤཱ་རིའི་བུ་བུད་མེད་གང་སངས་རྒྱས་བཅོམ་ལྡན་འདས་དེ་དག་གི་མཚན་ཉན་པ་དང་། འཛིན་པ་དང་། འཆང་བ་དང་། ཀློག་པ་དང་། སྟོན་པ་དང་། རབ་ཏུ་འདོན་པ་དང་། ཀུན་ཆུབ་པར་བྱེད་པ་དེ་ བུད་མེད་ཀྱི་དངོས་པོ་ལན་གཉིས་ཐོབ་པར་འགྱུར་བ་དེ་ནི་གནས་མེད་དོ།།སྨོན་ལམ་གྱི་དབང་གིས་ལེན་པ་ནི་མ་གཏོགས་སོ། །ཤཱ་རིའི་བུ་གནས་མ་ཡིན་ཞིང་གོ་སྐབས་མེད་དེ། ཤཱ་རིའི་བུ་རིགས་ཀྱི་བུའམ། རིགས་ཀྱི་བུ་མོ་སངས་རྒྱས་བཅོམ་ལྡན་འདས་དེ་དག་གི་ མཚན་ཉན་པ་དང་།འཛིན་པ་དང་། འཆང་བ་དང་། ཀློག་པ་དང་། སྟོན་པ་དང་། རབ་ཏུ་འདོན་པ་དང་། ཀུན་ཆུབ་པར་བྱེད་ན་རིགས་ཀྱི་བུའམ། རིགས་ཀྱི་བུ་མོ་དེ་རྒྱལ་པོས་འཇིགས་པར་འགྱུར་བའམ། རྐུན་པོས་སམ། མེས་སམ། ཆུས་སམ། མ་རུངས་ པས་སམ།ཀླུས་སམ། གནོད་སྦྱིན་གྱིས་སམ། དྲི་ཟས་སམ། ལྷ་མ་ཡིན་གྱིས་སམ། མིས་སམ། མི་མ་ཡིན་པས་འཇིགས་པར་འགྱུར་བའམ། གང་གིས་ཀྱང་གླགས་རྙེད་པར་འགྱུར་བ་དེ་ནི་གནས་མེད་དོ། །ལས་ཀྱི་རྣམ་པར་སྨིན་པ་དྲག་པོ་ནི་མ་གཏོགས་ཏེ། དེ་ཡང་ཆུང་ངུ་མྱོང་ཞིང་མང་དུ་མྱོང་བར་མི་འགྱུར་རོ། །དེ་འཇིག་རྟེན་པའམ། འཇིག་རྟེན་ལས་འདས་པའི་དོན་གང་ཅི་རྩོམ་ཡང་རུང་སྟེ། དེ་དགེ་བའི་ཆོས་རྣམས་འཕེལ་བ་ཉིད་དུ་འགྱུར་གྱི། འགྲིབ་པར་མི་འགྱུར་བར་རེ་བར་བྱའོ། །དེ་ནས་བཅོམ་ལྡན་འདས་ཀྱིས དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ།

以下是完整的簡體中文直譯: 舍利弗,若有善男子、善女人聽聞、受持、憶念、讀誦、演說、宣揚、通達那些佛、世尊的名號,他們直至菩提道場,永不離神通,永不離相好,永不離總持,永不失諸根,永不離廣大音聲,永不離鼓音,永不離佈施處和不退轉,永不離菩提分花,永不離廣大大乘經典。舍利弗,這是不可能的,沒有機會的。 舍利弗,這是不可能的,沒有機會的。舍利弗,若有女人聽聞、受持、憶念、讀誦、演說、宣揚、通達那些佛、世尊的名號,她再次轉生為女身是不可能的。除非以願力受生。 舍利弗,這是不可能的,沒有機會的。舍利弗,若有善男子、善女人聽聞、受持、憶念、讀誦、演說、宣揚、通達那些佛、世尊的名號,他們會遭受國王、盜賊、火災、水災、惡人、龍、夜叉、乾闥婆、阿修羅、人或非人的傷害,或被任何人找到機會加害,這是不可能的。除了重大業力成熟,即便如此,也只會受少許苦,不會長久受苦。無論他們從事世間或出世間的任何事業,都應期望善法增長而不減退。 然後,世尊當時說了這些偈頌:

།འཇིག་རྟེན་མགོན་པོ་དེ་དག་གི། །མཚན་རྣམས་འཛིན་པར་བྱེད་པ་ནི། །མི་ཁོམ་ཐམས་ཅད་ཡོངས་སྤངས་ནས། །མྱུར་དུ་བཟང་འགྲོར་འགྲོ་བར་འགྱུར། །སངས་རྒྱས་འབྱུང་བ་མཉེས་བྱས་ནས། །སྟོན་ པ་དེ་མཐོང་དད་བྱེད་ཅིང་།།འཇིག་རྟེན་སྒྲོན་མ་མཐོང་ནས་ཀྱང་། །མཆོད་པ་བཟང་པོ་བྱེད་པར་འགྱུར། །བསྐལ་པ་བྱེ་བ་གྲངས་མེད་དུ། །འཁོར་བ་རྣམ་པར་སྤོང་བར་བྱེད། །གང་གིས་འདྲེན་རྣམས་མཐོང་འགྱུར་བའི། །དྲི་མེད་མིག་ཀྱང་རྣམ་པར་སྦྱོང་། །འཇིག་ རྟེན་མགོན་པོ་དེ་དག་གི།།མཚན་རྣམས་སུ་ཞིག་འཛིན་བྱེད་པ། །དེ་ནི་གང་དང་གར་སྐྱེས་པར། །འཇིག་རྟེན་ཕྱག་བྱའི་འོས་སུ་འགྱུར། །དེ་ཡི་གཟུགས་མཚན་ཕུན་སུམ་ཚོགས། །ཕྱུག་པོའི་ཁྱིམ་དུ་སྐྱེ་བར་འགྱུར། །དཔའ་ཞིང་སྦྱིན་པའི་བདག་པོར་འགྱུར། ། སེར་སྣ་མེད་ཅིང་ལྷུག་པར་གཏོང་། །མཚན་རྣམས་འདི་དག་སུ་འཛིན་པ། །བསྐལ་པ་བྱེ་བ་མང་པོར་ནི། །ལྷ་ཡི་ཙན་དན་དམར་པོ་ཡི། །དྲི་ངད་ཁ་ནས་འབྱུང་བར་འགྱུར། །དྲང་སྲོང་ཆེན་པོ་དེ་དག་གི། །མཚན་རྣམས་བུད་མེད་ཐོས་གྱུར་ན། །བུད་མེད་དངོས་པོ རྣམ་སྤངས་ཏེ།།སྐྱེས་བུ་མཁས་པར་རེད་པར་འགྱུར། །མཚན་རྣམས་འདི་དག་སུ་འཛིན་པ། །ཕ་དང་མ་དང་སྤུན་རྣམས་དང་། །མཛའ་བཤེས་ཉེ་དུའི་ཚོགས་རྣམས་ཀྱི། །སྡུག་བསྔལ་ནམ་ཡང་མཐོང་མི་འགྱུར། །མཚན་རྣམས་འདི་དག་སུ་འཛིན་པ། །དེ་ དང་དེ་དག་འཇིག་རྟེན་ན།།འདབ་མ་སྟོང་ཕྲག་བྱེ་ལྡན་པའི། །རིན་ཆེན་པད་མར་སྐྱེ་བར་འགྱུར། །མཚན་རྣམས་འདི་དག་སུ་འཛིན་པ། །སངས་རྒྱས་ཞིང་རྣམས་ཐམས་ཅད་དུ། །ནམ་མཁའ་ལས་ནི་འགྲོ་བྱེད་ཅིང་། །འཇིག་རྟེན་མགོན་པོ་སངས་ རྒྱས་ཞིང་།།རྣམ་པར་དག་པ་མཐོང་བར་འགྱུར། །འཇིག་རྟེན་མགོན་པོའི་དྲུང་དག་ཏུ། །ཟབ་མོའི་ཆོས་ནི་ཉན་བྱེད་ཅིང་། །ཇི་ལྟར་ཐོས་པ་ཆུད་མི་གསོན། །མཚན་རྣམས་འདི་དག་སུ་འཛིན་པ། །དེ་དག་ལ་ནི་སྡིག་ཅན་བདུད། །ནག་པོའི་རྩ་ལག་སྡེར་བཅས་པས། ། ནམ་ཡང་གླགས་རྙེད་མི་འགྱུར་རོ། །མཚན་རྣམས་འདི་དག་སུ་འཛིན་པ། །དེ་དག་མཚོན་གྱིས་མི་གསོད་ཅིང་། །དུག་དང་མེས་ཀྱང་མ་ཡིན་ལ། །རྒྱལ་པོ་དང་ནི་རྐུན་པོ་ཡིས། །དེ་དག་གཙེ་བར་བྱེད་མི་འགྱུར། །ལྷ་དང་ཀླུ་དང་གནོད་སྦྱིན་དང་། །དྲི་ཟ་ལྟོ་འཕྱེ་ཆེ་རྣམས ཀྱིས།།གླགས་ཀྱང་རྙེད་པར་མི་འགྱུར་རོ།

以下是完整的簡體中文直譯: 持誦彼等世間怙主, 諸名號者悉離難處, 速疾往生善趣中。 見佛出世生歡喜, 睹見導師生信心, 見世間燈作勝供。 無數俱胝劫之中, 彼能斷除諸輪迴, 以此清凈無垢眼, 得見諸佛導師尊。 誰持彼等世間怙, 諸名號者無論生, 何處何方皆應受, 一切世間之禮敬。 彼人相好皆圓滿, 生於富貴之家中, 勇猛慷慨具大施, 無有吝嗇廣行舍。 誰持此等諸名號, 經歷多俱胝劫中, 口中常出赤栴檀, 天香芬芳之氣味。 若有女人得聞彼, 大仙尊者諸名號, 捨棄女身得轉生, 為人中之智者身。 誰持此等諸名號, 父母兄弟諸親眷, 以及友朋眾眷屬, 彼等痛苦永不見。 誰持此等諸名號, 彼於此世他世間, 生於千葉瓣莊嚴, 珍寶蓮花之花中。 誰持此等諸名號, 于諸佛土皆遍歷, 騰空飛行無阻礙, 得見世尊清凈剎。 于彼世間怙主前, 聆聽甚深妙法音, 如實憶持不忘失。 誰持此等諸名號, 惡魔眷屬不得便, 魔軍黑黨不能害。 誰持此等諸名號, 刀兵不能加害彼, 毒火亦不能傷害, 國王盜賊不能侵。 天龍夜叉與乾闥, 羅剎等眾不得便。

།སངས་རྒྱས་འདི་དག་མི་མཆོག་སྟེ། །དཔལ་གྱི་སྙིང་པོ་འབྲུག་གི་རྒྱལ། །མཛངས་པ་བག་ཡོད་གྱུར་ནས་ནི། །མཁས་མི་སུ་ཞིག་མཚན་མི་འཛིན། །འཇིག་རྟེན་མགོན་པོ་ཐམས་ཅད་ཀྱི། །མཚན་རྣམས་འདི་དག་ སུ་ཉན་པ།།མི་དེ་དག་ནི་ཆོ་གས་ཉན། །གྲགས་ལྡན་རྣམས་ཀྱི་མཚན་ཐོས་ནས། །དེ་དག་དཔའ་ཞིང་ཤེས་རབ་ཆེ། །འཇིག་རྟེན་མི་མཆོག་སངས་རྒྱས་འགྱུར། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཤཱ་རིའི་བུ་དང་། ཐམས་ཅད་ དང་ལྡན་པའི་འཁོར་དེ་དག་དང་།ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་སངས་རྒྱས་བརྒྱད་པ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།

以下是完整的簡體中文直譯: 此等佛為人中尊, 吉祥精華龍中王, 智者謹慎而行事, 何人不持彼名號? 誰聞一切世間怙, 此等名號諸功德, 彼等皆以儀軌聞。 聞已具德諸名號, 彼等勇猛大智慧, 成佛世間最勝尊。 世尊說此語已,具壽舍利弗及一切眷屬,以及天、人、非天、乾闥婆等世間皆大歡喜,於世尊所說生起凈信。 《聖八佛大乘經》圓滿。

། །། རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ཞུ་ཆེན་གྱི་ལོ་ཙཱ་བ་བན་དེ་ཡེ་ཤེས་སྡེས་ཞུས་ཏེ་གཏན་ལ་ཕབ་པ།། །།ཤློ་ཀ་དགུ་བཅུ་རྩ་གཅིག། །།

以下是完整的簡體中文直譯: 印度堪布吉那彌札、蘇仁陀菩提,及大校譯師班智耶謝德校訂譯定。 九十一頌。