d0563大密咒攝受經新譯
གསང་སྔགས་ཆེན་པོ་རྗེས་སུ་འཛིན་པའི་མདོ། 大密咒攝受經
༄༅། །རྒྱ་གར་སྐད་དུ། མཧཱམནྟྲཱནུདྷཱརིཎཱིསཱུཏྲ། 梵語:瑪哈(大)曼達繞(密咒)努塔日尼(攝受)蘇達繞(經)
བོད་སྐད་དུ། གསང་སྔགས་ཆེན་པོ་རྗེས་སུ་འཛིན་པའི་མདོ། 漢語:大密咒攝受經
དཀོན་མཆོག་གསུམ་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །ཡང་དག་པར་རྫོགས་པའི་སངས་རྒྱས་བདུན་ཉན་ཐོས་དང་བཅས་པ་ཡང་དག་པར་སོང་བ་ཡང་དག་པར་ཞུགས་པ་རྣམས་ལ་ཕྱག་འཚལ་ལོ། ། 頂禮三寶,頂禮佛,頂禮法,頂禮僧,頂禮七正等覺及聲聞(眷屬),頂禮正向者與正至者!
དེ་རྣམས་ལ་ཕྱག་འཚལ་ནས། རིག་སྔགས་འདི་ནི་དོན་དུ་བསྒྲུབ། །རིག་སྔགས་འདི་དག་གྲུབ་གྱུར་ཅིག །གང་ཕྱིར་དོན་དུ་བསྒྲུབས་པ་ཡི། །དོན་དེ་ཡང་ནི་གྲུབ་པར་ཤོག ། 頂禮已:此明咒即成其事,愿皆成就此明咒,若為何事修明咒,愿其事亦能修成。
འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེའི་ཚེ་མི་མཇེད་ཀྱི་བདག་པོ་ཚངས་པ་ཚངས་རིས་ཀྱི་ལྷ་རྣམས་དང་བཅས་པ་དང་། ལྷའི་དབང་པོ་བརྒྱ་བྱིན་སུམ་ཅུ་རྩ་གསུམ་པའི་ལྷ་རྣམས་དང་བཅས་པ་དང་། རྒྱལ་པོ་ཆེན་པོ་བཞི་རྒྱལ་ཆེན་བཞིའི་རིས་ཀྱི་ལྷ་རྣམས་དང་བཅས་པ་དང་། གནོད་སྦྱིན་གྱི་སྡེ་དཔོན་ཆེན་པོ་ཉི་ཤུ་རྩ་བརྒྱད་དང་། འཕྲོག་མ་བུ་དང་བཅས་པ་གཡོག་འཁོར་དང་བཅས་པ་རྣམས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། ། 如是我聞,一時,世尊居於舍衛城祇樹給孤獨園。爾時,娑婆之主梵天同梵眾天一起,天帝憍尸迦同三十三眾天一起,四大天王同四天王眾天一起,二十八大夜叉首領,鬼子母同其子及僕從一起,皆前往世尊所在處,到達彼處,以頭叩拜世尊腳下已,卻坐一面。
ཕྱོགས་གཅིག་ཏུ་འཁོད་ནས་མི་མཇེད་ཀྱི་བདག་པོ་ཚངས་པས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་ནི་སྟོང་གི་འཇིག་རྟེན་གྱི་ཁམས་རྣམས་སུ་དབང་ཕྱུག་ལ་དབང་བགྱིད་པ་ལགས་ཏེ། བཙུན་པ་བཅོམ་ལྡན་འདས་བདག་ནི་འཚལ་ན་སྟོང་གི་འཇིག་རྟེན་གྱི་ཁམས་རྣམས་སུ་བསྲུང་བ་དང་ཡོངས་སུ་སྐྱོབ་པར་བགྱིད། ཡོངས་སུ་བཟུང་བ་དང་། ཞི་བ་དང་བདེ་ལེགས་སུ་འགྱུར་བར་བགྱིད་ལགས་སོ། །བཙུན་པ་བདེ་བར་གཤེགས་པ་ཆོས་ཀྱི་མངའ་བདག་བཅོམ་ལྡན་འདས་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམས་སུ་དབང་ཕྱུག་ལ་མངའ་མཛད་པ་ལགས་ཏེ། བཅོམ་ལྡན་འདས་ཀྱང་བཞེད་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམས་སུ་བསྲུང་བ་དང་། ཡོངས་སུ་སྐྱོབ་བ་དང་། ཡོངས་སུ་བཟུང་བ་དང་། ཞི་བ་དང་བདེ་ལེགས་སུ་འགྱུར་བར་མཛད་པ་ལགས་ན། བཙུན་པ་བཅོམ་ལྡན་འདས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམས་སུ་བསྲུང་བ་དང་། ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཞི་བ་དང་བདེ་ལེགས་སུ་འགྱུར་བར་མཛད་དུ་གསོལ། དེ་ནས་བཅོམ་ལྡན་འདས་ཀྱིས་མི་མཇེད་ཀྱི་བདག་པོ་ཚངས་པ་ལ་ཅང་མི་གསུང་བར་གནང་ངོ་། །དེ་ནས་མི་མཇེད་ཀྱི་བདག་པོ་ཚངས་པས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས་གནས་དེ་ཉིད་དུ་མི་སྣང་བར་གྱུར་ཏོ། ། 卻坐一面已,娑婆之主梵天合掌朝向世尊,如是白佛言:「世尊,我是主宰千世界者,我能守護與拯救千世界,能將其攝受,令其平靜與安樂。世尊善逝妙法之主,是主宰三千大千世界者,世尊能守護與拯救三千大千世界,能攝受,令其平靜與安樂。懇請世尊,為三千大千世界作守護與拯救、攝受,令其平靜與安樂。」世尊不語,默許于娑婆之主梵天。娑婆之主梵天見世尊默許,即刻消失不見。
དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་མདང་སུམ་མི་མཇེད་ཀྱི་བདག་པོ་ཚངས་པ་ཚངས་རིས་ཀྱི་ལྷ་རྣམས་དང་བཅས་པ་དང་། ལྷའི་དབང་པོ་བརྒྱ་བྱིན་སུམ་ཅུ་རྩ་གསུམ་པའི་ལྷ་རྣམས་དང་བཅས་པ་དང་། རྒྱལ་པོ་ཆེན་པོ་བཞི་རྒྱལ་ཆེན་བཞིའི་རིས་ཀྱི་ལྷ་རྣམས་དང་བཅས་པ་དང་། གནོད་སྦྱིན་གྱི་སྡེ་དཔོན་ཆེན་པོ་ཉི་ཤུ་རྩ་བརྒྱད་དང་། འཕྲོག་མ་བུ་དང་བཅས་གཡོག་འཁོར་དང་བཅས་པ་རྣམས་ང་ག་ལ་བ་དེར་ལྷགས་ཏེ་འོངས་ནས་མི་མཇེད་ཀྱི་བདག་པོ་ཚངས་པས་ང་ལ་འདི་སྐད་ཅེས་སྨྲས་སོ། །བཙུན་པ་བཅོམ་ལྡན་འདས་བདག་ནི་སྟོང་གི་འཇིག་རྟེན་གྱི་ཁམས་རྣམས་སུ་དབང་ཕྱུག་ལ་དབང་བགྱིད་པ་ལགས་ཏེ། བཙུན་པ་བཅོམ་ལྡན་འདས་བདག་ནི་འཚལ་ན་སྟོང་གི་འཇིག་རྟེན་གྱི་ཁམས་རྣམས་སུ་བསྲུང་བར་བགྱིད། ཡོངས་སུ་སྐྱོབ་པར་བགྱིད། ཡོངས་སུ་བཟུང་བ་དང་། ཞི་བ་དང་བདེ་ལེགས་སུ་འགྱུར་བར་བགྱིད་ལགས་སོ། །བཙུན་པ་བདེ་བར་གཤེགས་པ་ཆོས་ཀྱི་མངའ་བདག་བཅོམ་ལྡན་འདས་ཀྱང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམས་སུ་དབང་ཕྱུག་ལ་མངའ་མཛད་པ་ལགས་ཏེ། བཅོམ་ལྡན་འདས་ཀྱང་བཞེད་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམས་སུ་བསྲུང་བ་དང་། ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཞི་བ་དང་བདེ་ལེགས་སུ་འགྱུར་བར་མཛད་ལགས་ན། བཅོམ་ལྡན་འདས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམས་སུ་བསྲུང་བ་དང་། ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཞི་བ་དང་བདེ་ལེགས་སུ་འགྱུར་བར་མཛད་དུ་གསོལ་ཞེས་གསོལ་ཏོ། ། 佛告眾比丘:「諸比丘,昨夜有娑婆之主梵天同梵眾天一起,天帝憍尸迦同三十三眾天一起,四大天王同四天王眾天一起,二十八大夜叉首領,鬼子母同其子及僕從一起,悉皆前來我所,娑婆之主梵天如是告我:『世尊,我是主宰千世界者,我能守護與拯救千世界,能將其攝受,令其平靜與安樂。世尊善逝妙法之主,是主宰三千大千世界者,世尊能守護與拯救三千大千世界,能攝受,令其平靜與安樂。懇請世尊,為三千大千世界作守護與拯救、攝受,令其平靜與安樂。』
དགེ་སློང་དག་ངས་ཀྱང་མི་མཇེད་ཀྱི་བདག་པོ་ཚངས་པ་ལ་ཅང་མི་གསུང་བས་གནང་ངོ་། །དེ་ནས་མི་མཇེད་ཀྱི་བདག་པོ་ཚངས་པས་ངས་ཅང་མི་གསུང་བར་གནང་བར་རིག་ནས་དེ་ཉིད་དུ་མི་སྣང་བར་གྱུར་ཏོ། །དགེ་སློང་དག་རིག་སྔགས་ཀྱི་རྒྱལ་མོ་གསང་སྔགས་ཆེན་པོ་རྗེས་སུ་འཛིན་པ་འདི་ནི་འདས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་ཀྱང་གསུངས་སོ། །མ་འོངས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་ཀྱང་གསུང་བར་འགྱུར་རོ། །ད་ལྟར་བྱུང་བ་ན་ཡང་འདི་ལྟ་སྟེ། སངས་རྒྱས་ཀྱི་བྱང་ཆུབ་འདི་ཉིད་ལ་ཕན་པར་བྱ་བའི་ཕྱིར་ད་ལྟར་ང་ཉིད་ཀྱིས་བཤད་དོ། ། 「諸比丘,如娑婆之主梵天所求,我已默許。娑婆之主梵天見我默許,即刻消失不見。諸比丘,此明咒王母大密咒攝受,是過去諸如來應供正等覺所說,未來諸如來應供正等覺所說,現在亦如是,為利此佛陀之菩提(為令成佛),即刻由我宣說。」
དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་རིག་སྔགས་ཀྱི་རྒྱལ་མོ་གསང་སྔགས་ཆེན་པོ་རྗེས་སུ་འཛིན་པ་འདི་ཟུང་ཤིག ཆོངས་ཤིག ལྷོགས་ཤིག ཤོད་ཅིག ཀུན་ཆུབ་པར་གྱིས་ཤིག ཀུན་དགའ་བོ་རིག་སྔགས་ཀྱི་རྒྱལ་མོ་གསང་སྔགས་ཆེན་པོ་རྗེས་སུ་འཛིན་པ་འདི་ནི་འཁོར་བཞི་པོ་རྣམས་ཀྱི་དོན་དང་ཕན་པ་དང་བདེ་བ་དང་བདེ་བར་གནས་པར་འགྱུར་རོ། ། 複次,佛告具壽阿難:「阿難,汝應接受此明咒王母大密咒攝受,執持之,諷誦之,宣講之,通達之。阿難,此明咒王母大密咒攝受,是為饒益四眾弟子,成辦利樂。
ཏདྱཐཱ། ཨུབུདྡྷེ། ནིབུདྡྷེ། བིབུདྡྷེ། སཾབུདྡྷེ། བིཤྭཥྚབུདྡྷེ། ཨཱིཧབུདྡྷེ། ཏཏྟྲབུདྡྷེ། ནིཡཾགམེ། ཚབིལ། ཨཔུལ། ཏཔུལ། ཏཱལེ། མཱལེ། མངྒགམངྒ། མནན། ཨིམམ྄། བིདྱཱ། ཧུདུམེ། ཧུ་ཧུ་མེ། པཱུརྦཔྲཧརེ། 「達德雅他,烏補特,尼補特,威補特,桑補特,威西瓦施達補特,意哈補特,達達繞補特,尼洋噶美,恰威拉,阿布拉,達布拉,達雷,瑪雷,芒噶噶芒噶,瑪那那,意芒,威達雅,乎度美,呼呼美,部瓦巴繞哈熱。
ཀུན་དགའ་བོ་ཡུན་རིང་པོ་ནས་སྤྱད་པའི་གསང་སྔགས་སྟོབས་དང་། མཐུ་རྩལ་དང་ལྡན་པ་འདི་འདས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་ཀྱང་གསུངས་སོ། །མ་འོངས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་ཀྱང་གསུང་བར་འགྱུར་རོ། །ད་ལྟར་བྱུང་བ་ན་ཡང་འདི་ལྟ་སྟེ་སངས་རྒྱས་ཀྱི་བྱང་ཆུབ་འདི་ཉིད་ལ་ཕན་པར་བྱ་བའི་ཕྱིར་ད་ལྟར་ང་ཉིད་ཀྱིས་བཤད་དོ། ། 「阿難,此長久以來所行具足力量與威猛之密咒,是過去諸如來應供正等覺所說,未來諸如來應供正等覺所說,現在亦如是,為利此佛之菩提,即刻由我宣說。
ངས་རིག་སྔགས་ཀྱི་རྒྱལ་མོ་གསང་སྔགས་ཆེན་པོ་རྗེས་སུ་འཛིན་པ་འདིས་མིང་འདི་ཞེས་བྱ་བ་ལ་བསྲུང་བར་བྱའོ། །མཚམས་བཅད་དོ། །ཤར་ཕྱོགས་སུ་རྒྱང་གྲགས་གཅིག་ཚུན་ཆད་མཚམས་བཅད་དོ། །ཕྱོགས་དང་ཕྱོགས་མཚམས་ཐམས་ཅད་ཀྱི་བར་དུ་ཡང་རྒྱང་གྲགས་གཅིག་ཚུན་ཆད་མཚམས་བཅད་དོ། ། 「我以此明咒王母大密咒攝受,為名某某者作守護,設下結界,向東一聞距之內設下結界,向四面八方一聞距之內設下結界。
ཏདྱཐཱ། སམུཙ། བིམུཙ། པལམུཙ། ཛགདྷར། མདསྛལ། ནལཀམག སམུཿཤྭབཱཏི། བིམུཀྟི། ཡོག ཧིནསགམ། ཨརདམུལ། བིཧཾགམི། ཨིདིཙིརི། བིཏལཱཁཡོ། མཁཡོ། ལགབྷིདྷརཎི། པྲཏིཔྲཱཡོགི ཨཿཙཀྲཔཏི། སམསྲཿབཏི། ཨིལཱཡ། མིལཱཡ། བཧུསདྡྷྱ། ཨནཏམ། ཨརྠབཏི། གརབཏི། ཏིཁིནིཏིབེ། ཨཀནཏི། སཀནཏི། སམིདིམ། བསུབཊེ། ཨཊེ། ཨཊེ། ཏཊྚ། ཁརུསྨིན྄། ཁརུསྨིན྄། ལཧཏཾ། ལཧུཏཾ། སམྦྷར། སམྦྷར། བཏིརནཏཾ། ནིརུཏཾ། ཨིལ། ཏཻལ། སརཕལ། བཧུཕལ། སཏམཏ། དཾཥྚྲིམཏ། 「達德雅他,薩木加,威木加,巴拉木加,嘉噶他繞,麻達斯他拉,那拉嘎瑪噶,薩木呵西瓦瓦帝,威母帝,由噶,黑那薩噶瑪,阿繞達木拉,威杭噶彌,意底記日,威達拉卡由,瑪卡由,拉噶毗他繞尼,巴繞底巴繞由給,阿呵加各繞巴底,薩瑪斯繞呵瓦底,意拉雅,彌拉雅,巴乎薩他雅,阿那達瑪,阿塔瓦底,噶繞瓦底,帝克尼帝外,阿嘎那帝,薩嘎那帝,薩彌底瑪,瓦蘇瓦帶,阿帶,阿帶,達達,卡如斯民,卡如斯民,拉哈當,拉乎當,桑帕繞,桑帕繞,瓦帝繞那當,尼如當,意拉,戴拉,薩繞帕拉,巴乎帕拉,薩達瑪達,當施達日瑪達。
ཀུན་དགའ་བོ་ཡུན་རིང་པོ་ནས་སྤྱད་པའི་གསང་སྔགས་ཀྱི་སྟོབས་དང་། མཐུ་རྩལ་དང་ལྡན་པ་འདི་དག་ནི་འདས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་ཀྱང་གསུངས་སོ། །མ་འོངས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཀྱང་གསུང་བར་འགྱུར་རོ། །ད་ལྟར་བྱུང་བ་ན་ཡང་ངས་བཤད་དོ། །མི་མཇེད་ཀྱི་བདག་པོ་ཚངས་པས་ཀྱང་བཤད་དོ། །ལྷའི་དབང་པོ་བརྒྱ་བྱིན་གྱིས་ཀྱང་བཤད་དོ། །རྒྱལ་པོ་ཆེན་པོ་བཞིས་ཀྱང་བཤད་དོ། །གནོད་སྦྱིན་གྱི་སྡེ་དཔོན་ཆེན་པོ་ཉི་ཤུ་རྩ་བརྒྱད་ཀྱིས་ཀྱང་བཤད་དོ། །འཕྲོག་མ་བུ་དང་བཅས་གཡོག་འཁོར་དང་བཅས་པས་ཀྱང་བཤད་དོ། ། 「阿難,此長久以來所行具足力量與威猛之密咒,是過去諸如來應供正等覺所說,未來諸如來應供正等覺所說,現在如來我亦宣說。亦是娑婆之主梵天所說,是天帝憍尸迦所說,是四大天王所說,是二十八大夜叉首領所說,是鬼子母連同其子及僕從所說。
ཀུན་དགའ་བོ་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་གང་ལ་ལ་ཞིག རིག་སྔགས་ཀྱི་རྒྱལ་མོ་གསང་སྔགས་རྗེས་སུ་འཛིན་པ་འདི་བཟུང་ནས་ཇི་ལྟར་བསྟན་པ་དང་། ཇི་ལྟར་ཀུན་ཆུབ་པར་བྱས་པ་དེ་བཞིན་དུ་ཤེས་སམ། མཐོང་ངམ། ལས་སུ་བྱེད་པ་དེ་ལ་ནི་ཇི་སྲིད་འཚོའི་བར་དུ་བསྲུང་བ་དང་། ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཞི་བ་དང་བདེ་ལེགས་སུ་འགྱུར་བ་བྱས་པར་འགྱུར་རོ། ། 「阿難,若有比丘、比丘尼、優婆塞、優婆夷接受此明咒王母大密咒攝受,並開示與通達已,若如理而知之、見之、作之,其人盡形壽被守護、拯救、攝受,令其平靜與安樂。
ཀུན་དགའ་བོ་འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་བཀས་རིག་སྔགས་ཀྱི་རྒྱལ་མོ་གསང་སྔགས་རྗེས་སུ་འཛིན་པ་འདིས་མིང་འདི་ཞེས་བྱ་བ་ལ་བསྲུང་བར་བྱའོ། །ཡོངས་སུ་བསྐྱབ་པ་དང་། ཡོངས་སུ་གཟུང་བར་བྱའོ། །ཡོངས་སུ་ཞི་བ་དང་བདེ་ལེགས་སུ་འགྱུར་བར་བྱའོ། །མཚམས་བཅད་དོ། །ཤར་ཕྱོགས་སུ་རྒྱང་གྲགས་གཅིག་ཚུན་ཆད་མཚམས་བཅད་དོ། །དེ་བཞིན་དུ་ནུབ་ཕྱོགས་སུ་རྒྱང་གྲགས་གཅིག་ཚུན་ཆད་མཚམས་བཅད་དོ། །ལྷོ་ཕྱོགས་སུ་རྒྱང་གྲགས་གཅིག་ཚུན་ཆད་མཚམས་བཅད་དོ། །བྱང་ཕྱོགས་སུ་རྒྱང་གྲགས་གཅིག་ཚུན་ཆད་མཚམས་བཅད་དོ། །ཕྱོགས་དང་ཕྱོགས་མཚམས་ཐམས་ཅད་དུ་རྒྱང་གྲགས་གཅིག་ཚུན་ཆད་མཚམས་བཅད་དོ། ། 「阿難,以過去、未來、現在諸佛世尊之語,用此明咒王母大密咒攝受,為名某某者作守護、拯救與攝受,令其平靜與安樂,設下結界。向東一聞距之內設下結界,向西一聞距之內設下結界,向南一聞距之內設下結界,向北一聞距之內設下結界,向四面八方一聞距之內設下結界。
ཀུན་དགའ་བོ་རྒྱལ་པོ་ཆེན་པོ་བཞིའི་ལམ་དང་ལམ་མ་ཡིན་པ་ན་གནས་པ་བཞི་ཡོད་དེ། དེ་དག་གང་ཞེ་ན། འདི་ལྟ་སྟེ་བཀྲ་ཤིས་ལྡན་དང་། ཀུན་བཤེས་དང་། གང་པོ་དང་དགའ་བའི་དཔལ་རྣམས་ཏེ། གང་དེ་དག་གི་མིང་ཤེས་པ་དང་། རུས་ཤེས་པ་དེ་ལ་ནི་རྒྱལ་པོ་ཆེན་པོའི་འཇིགས་པ་མི་འབྱུང་ངོ་། །ཆོམ་རྐུན་གྱི་འཇིགས་པ་དང་། མེའི་འཇིགས་པ་དང་། ཆུའི་འཇིགས་པ་དང་། མིའི་འཇིགས་པ་དང་། མི་མ་ཡིན་པའི་འཇིགས་པ་མི་འབྱུང་ངོ་། ། 「阿難,有四大天王位於道與非道,四者為何?是具吉祥、遍親、滿者、妙歡喜。何人知曉其名其姓,即不出大王之難,不出盜賊之難及火難、水難、人難、非人難。
ཀུན་དགའ་བོ་ལག་ན་རྡོ་རྗེའི་ཕུ་བོ་ལག་མྱུར་ཞེས་བྱ་བ་གྲོང་ཁྱེར་ཁོར་ཡུག་ཅེས་བྱ་བ་ན་གནས་པ་ཡོད་དེ། གང་དེའི་མིང་ཤེས་པ་དང་། རུས་ཤེས་པ་དེ་ལ་ནི་དེས་སྲུང་བར་བྱེད། ཡོངས་སུ་སྐྱོབ་པར་བྱེད། ཡོངས་སུ་འཛིན་པར་བྱེད། ཆད་པ་ཟློག་པར་བྱེད་ཞི་བ་དང་བདེ་ལེགས་སུ་འགྱུར་བར་བྱེད་དོ། །མིང་འདི་ཞེས་བྱ་བའི་ཕྱིར་ལག་ན་རྡོ་རྗེའི་ཕུ་བོ་ལག་མྱུར་ལ་གསོལ་ལོ། །གསོལ་བ་འདེབས་སོ། །འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་བཀས་གང་མིང་འདི་ཞེས་བྱ་བ་ལ་སྐབས་ཚོལ་བ་དང་། གླགས་ལྟ་བའི་གནོད་སྦྱིན་ནམ། སྲིན་པོའམ། ཡི་དྭགས་སམ། ཤ་ཟའམ། གྲུལ་བུམ་མམ། སྲུལ་པོའམ། ལུས་སྲུལ་པོ་རྣམས་ཀྱིས་བདག་ལ་གླགས་རྙེད་པར་མ་གྱུར་ཅིག བདག་ལ་ཀླན་ཀ་རྙེད་པར་མ་གྱུར་ཅིག 「阿難,金剛手有兄,名為迅疾手,住于環繞城中。何人知曉其名,知曉其姓,彼即守護其人,拯救與攝受其人,令其平靜與安樂,規避懲罰。為名某某者祈白金剛手之兄迅疾手,祈禱之!以過去、未來、現在諸佛世尊之語,名某某者若被夜叉、羅剎、餓鬼、毗舍遮(食肉鬼)、鳩盤荼(甕形鬼)、腐鬼、腐體鬼伺機尋隙,愿其無機可乘,愿其無詰可難。
ཀུན་དགའ་བོ་སྲིན་མོ་ཆེན་མོ་བཅུ་བཞི་ཡོད་དེ། དེ་དག་ནི་བྱང་ཆུབ་སེམས་དཔའ་ཡུམ་གྱི་ལྷུམས་ན་བཞུགས་པ་ན་ཡང་བསྲུང་བསྲུང་། བལྟམས་པའི་ཚེ་ན་ཡང་བསྲུང་བསྲུང་། བལྟམས་ཟིན་པའི་འོག་ཏུ་ཡང་བསྲུང་བསྲུང་། སྐུ་འཁྲུངས་པ་ན་ཡང་བསྲུང་བསྲུང་སྟེ། བཅུ་བཞི་གང་ཞེ་ན། འདི་ལྟ་སྟེ་སྟོབས་ལྡན་དང་། དྲི་མེད་དང་། སྒྲ་ཆེན་དང་། རབ་མཉེན་དང་། འཇིགས་བྱེད་མ་དང་། འཛམ་བུའི་མགྲིན་དང་། མཆོག་ལེན་དང་། བླ་མ་དང་། གྲགས་ལྡན་མ་དང་། རྨད་གྲགས་དང་། འཐབ་དགའ་དང་། རྩེ་མོ་དགའ་དང་། ས་འཛིན་དང་། འཐབ་འཇུག་རྣམས་ཏེ། གང་དེ་དག་གི་མིང་ཤེས་པ་དང་། རུས་ཤེས་པ་དེ་ལ་ནི་དེ་དག་གིས་སྲུང་བར་བྱེད། ཡོངས་སུ་སྐྱོབ་པ་དང་། ཡོངས་སུ་འཛིན་པར་བྱེད། ཞི་བ་དང་བདེ་ལེགས་སུ་འགྱུར་བར་བྱེད་དོ། ། 「阿難,有十四大羅剎女,于菩薩住胎之時一直守護,降生之時一直守護,初生之時一直守護,乃至后時一直守護。云何十四?具力、無垢、大聲、善嫩、作怖、閻浮(瞻部)音、取勝、上人、有稱、著稱、喜爭、喜頂、持地、令爭。此十四者,何人知曉其名,知曉其姓,彼等守護其人,拯救與攝受其人,令其平靜與安樂。
ཀུན་དགའ་བོ་སྲིན་མོ་བརྒྱད་ཡོད་དེ། དེ་དག་ནི་སྐྱེས་པ་དང་བུད་མེད་གཉིད་ལོག་ཀྱང་རུང་། མ་ལོག་ཀྱང་རུང་སྟེ། གཟི་བྱིན་འཕྲོག་པར་བྱེད་དོ། །དེ་དག་གང་ཞེ་ན་འདི་ལྟ་སྟེ། རྭ་དང་། ཐུབ་མེད་དང་། ངན་སློབ་དང་། ཕྲ་མ་ཅན་དང་། བྲན་མོ་དམར་མོ་དང་། རབ་ཆེན་དང་། མིག་བཟང་དང་། བརྒྱད་པ་སྟེ་འཇིགས་བྱེད་དོ། །གང་དེ་དག་གི་མིང་ཤེས་པ་དང་རུས་ཤེས་པ་དེ་ལ་ནི་དེ་དག་གིས་སྲུང་བར་བྱེད་དོ། །ཡོངས་སུ་སྐྱོབ་པ་དང་། ཡོངས་སུ་འཛིན་པ་དང་། ཞི་བ་དང་བདེ་ལེགས་སུ་འགྱུར་བ་དང་ཆད་པ་ཟློག་པར་བྱེད་དོ། ། 「阿難,有八羅剎女,奪攝男女精氣,無論其人處於睡眠、睡醒之時。云何為八?角、無敵、唆使、離間者、紅女僕、善大、美目、作怖。何人知曉其名,知曉其姓,彼等守護其人,拯救與攝受其人,令其平靜與安樂,規避懲罰。
ཀུན་དགའ་བོ་སྲིན་མོ་བདུན་ཡོད་དེ། དེ་དག་ནི་ཁྲག་གི་དྲི་ཚོར་ན་དཔག་ཚད་བརྒྱར་ཡང་རྒྱུག་གོ །དེ་དག་གང་ཞེ་ན་འདི་ལྟ་སྟེ། གཟི་བརྗིད་མཆོག་དང་། དགའ་བརྩེགས་དང་། སྣ་ཚོགས་སྦྱིན་སྤོང་དང་། བྲན་མོ་དཀར་མོ་བཟང་དང་། འཇུག་འདོད་དང་། གྲོང་ཁྱེར་ཁོར་ཡུག་དང་། བདུན་པ་སྟེ་རི་བསྲུང་ངོ་། །གང་དེ་དག་གི་མིང་ཤེས་པ་དང་། རུས་ཤེས་པ་དེ་ལ་ནི་དེ་དག་གིས་སྲུང་བར་བྱེད་དོ། །ཡོངས་སུ་སྐྱོབ་པ་དང་། ཡོངས་སུ་འཛིན་པ་དང་། ཞི་བ་དང་བདེ་ལེགས་སུ་འགྱུར་བ་དང་། ཆད་པ་ཟློག་པར་བྱེད་དོ། ། 「阿難,有七羅剎女,彼等只聞血腥氣,必奔走乃至百由旬。云何為七?勝威德、喜積、種種施棄、善白女僕、欲入、城周、護山。何人知曉其名,知曉其姓,彼等守護其人,拯救與攝受其人,令其平靜與安樂,規避懲罰。
ཀུན་དགའ་བོ་སྲིན་མོ་ནག་མོ་ཆེན་མོ་ཞེས་བྱ་བ་བུ་སྟོང་ཡོད་པ་རྒྱ་མཚོའི་འགྲམ་ན་གནས་པ་མཚན་གཅིག་གིས་དཔག་ཚད་བརྒྱད་ཁྲིར་ཕྱིན་པ་ཞིག་ཡོད་དེ། གང་དེའི་མིང་ཤེས་པ་དང་རུས་ཤེས་པ་དེ་ལ་ནི་དེས་སྲུང་བར་བྱེད། ཡོངས་སུ་སྐྱོབ་པ་དང་། ཡོངས་སུ་འཛིན་པ་དང་། ཞི་བ་དང་བདེ་ལེགས་སུ་འགྱུར་བ་དང་། ཆད་པ་ཟློག་པར་བྱེད་དོ། ། 「阿難,有羅剎女名為大黑,育有千子,住大海邊,一夜能行八萬由旬。何人知曉其名,知曉其姓,其人必被守護、拯救與攝受,令其平靜與安樂,規避懲罰。
ཀུན་དགའ་བོ་སྲིན་མོ་ལྔ་གནོད་སྦྱིན་འབུམ་ཕྲག་བདུན་ཅུ་རྩ་བདུན་དང་ལྷན་ཅིག་ཏུ་འཛམ་བུའི་གླིང་གི་མི་རྣམས་སྲུང་ཞིང་སྐྱོབ་པར་བྱེད་དོ། །དེ་དག་ཀྱང་གང་ཞེ་ན་འདི་ལྟ་སྟེ། རྟག་ཏུ་མྱོས་དང་། རྗེས་སུ་མྱོས་དང་། སྟོབས་ཀྱིས་རྒྱགས་དང་། འོད་མའི་སྦུབས་དང་། ལྔ་པ་སྟེ་འབྱོར་ལྡན་ནོ། །གང་དེ་དག་གི་མིང་ཤེས་པ་དང་། རུས་ཤེས་པ་དེ་ལ་ནི་དེ་དག་གིས་སྲུང་བར་བྱེད། ཡོངས་སུ་སྐྱོབ་པ་དང་། ཡོངས་སུ་འཛིན་པ་དང་། ཞི་བ་དང་བདེ་ལེགས་སུ་འགྱུར་བ་དང་། ཆད་བ་ཟློག་པར་བྱེད་དོ། ། 「阿難,有五羅剎女,同七百七十萬夜叉一起,守護與拯救閻浮之人。云何為五?常醉、隨醉、力驕、竹筒、富有。何人知曉其名,知曉其姓,即被彼等守護、拯救與攝受,令其平靜與安樂,規避懲罰。
དེ་བས་ན་བདག་གིས་མིང་འདི་ཞེས་བྱ་བའི་ཕྱིར་སྲིན་མོ་ལྔ་གནོད་སྦྱིན་འབུམ་ཕྲག་བདུན་ཅུ་རྩ་བདུན་དང་བཅས་པ་དེ་དག་ལ་གསོལ་ལོ། །གསོལ་བ་འདེབས་སོ། །འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་བཀས་མིང་འདི་ཞེས་བྱ་བ་ལ་བསྲུང་བ་གྱིས་ཤིག ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཞི་བ་དང་བདེ་ལེགས་སུ་འགྱུར་བ་དང་། ཆད་པ་བཟློག་པར་གྱིས་ཤིག 「是故,我為名某某者,啟白五羅剎女連同七百七十萬夜叉眾,祈禱!以過去、未來、現在諸佛世尊之語,令名某某者被守護、拯救與攝受,令其平靜與安樂,規避懲罰。
ཏདྱཐཱ། བཱིམུདེ། བཱིཏིདེ། པིཙརིཏེ། པིགརིཏེ། ཀརཊི། ཀརབཱིར། སྭཱརི། མདྷུརགྷོཥེ། ཤཏཧནིཏ། བྷཥིཏགྷེ། ཨཀྐེ། ནཀྐེ། བིཀ ཌིཏཱ། བིཀུཊིཏེ། བིརཛེ། བིགྷཥྚབཱཏེ། 「達德雅他,威木德,威帝德,必加日德,必噶日德,嘎繞帝,嘎繞威繞,斯瓦日,瑪圖繞闊曬,夏達哈尼達,帕誰達克,阿給,那給,威嘎,底達,威古帝德,威繞杰,威卡施達瓦德。
ཀུན་དགའ་བོ་རིག་སྔགས་ཀྱི་རྒྱལ་མོ་གསང་སྔགས་ཆེན་པོ་རྗེས་སུ་འཛིན་པ་འདིས་གང་ལ་བསྲུང་བར་བྱས་བ་དང་། སྦ་བ་བྱས་པ་དང་། ཡོངས་སུ་བསྐྱབ་པ་བྱས་པ་དང་། ཡོངས་སུ་གཟུང་བ་བྱས་པ་དང་། ཞི་བ་དང་བདེ་ལེགས་སུ་འགྱུར་བ་དང་། ཆད་པ་བཟློག་པར་བྱས་པ་དེ་ལ་ནི་ལྷ་དང་བཅས་པའི་འཇིག་རྟེན་དང་། བདུད་དང་བཅས་པ་དང་། ཚངས་པ་དང་བཅས་པ་དང་། དགེ་སྦྱོང་དང་བྲམ་ཟེར་བཅས་པའི་སྐྱེ་དགུ་དང་། ལྷ་དང་། མིར་བཅས་པ་དང་། མི་འམ་ཅི་དང་། ལྟོ་འཕྱེ་ཆེན་པོ་དང་བཅས་པའི་འཇིག་རྟེན་ན་མིའམ། མི་མ་ཡིན་པའམ། གནོད་སྦྱིན་ནམ། སྲིན་པོའམ། ལྷ་མ་ཡིན་ནམ། དྲི་ཟའམ། ཀླུའམ། ནམ་མཁའ་ལྡིང་ངམ། གསང་བ་པའམ། ཡི་དྭགས་སམ། ཤ་ཟའམ། རོ་ལངས་སམ། བྱད་སྟེམས་སམ། གཤེད་བྱེད་དམ། སྲུལ་པོའམ། ལུས་སྲུལ་པོའམ། སྨྱོ་བྱེད་དང་། བརྗེད་བྱེད་གླགས་ལྟ་བ་དང་། ཀླན་ཀ་ཚོལ་བ་རྣམས་ཀྱིས་གླགས་རྙེད་པའི་སེམས་ཅན་གང་ཡང་ངས་ཡང་དག་པར་མ་མཐོང་སྟེ་དེ་ནི་གནས་མེད་དོ། །ལས་ཀྱི་རྣམ་པར་སྨིན་པ་ནི་མ་གཏོགས་སོ། ། 「阿難,被此明咒王母大密咒攝受所守護、隱蔽、拯救、攝受,獲得平靜與安樂、規避懲罰者,我未見任何天神與魔羅、梵天、沙門、婆羅門等世間眾生能傷害之,在天神、人類、緊那羅、摩睺羅伽世間,人與非人、夜叉、羅剎、阿修羅(非天)、乾達婆(食香)、那迦(龍)、迦樓羅(大鵬)、鞠訶迦(密行者)、餓鬼、毗舍遮、起尸、厭勝、兇煞、腐鬼、腐體鬼、瘋鬼、忘鬼,無任何有情能對其覓得可乘之機,無此可能,唯除業之異熟。
དེ་བས་ན་ངས་འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་བཀས་རིག་སྔགས་ཀྱི་རྒྱལ་མོ་གསང་སྔགས་རྗེས་སུ་འཛིན་པ་འདིས་མིའམ། མི་མ་ཡིན་པའམ། གནོད་སྦྱིན་ནམ། སྲིན་པོའམ། ཤ་ཟའམ། ལྷ་མ་ཡིན་ནམ། དྲི་ཟའམ། ཀླུའམ། ནམ་མཁའ་ལྡིང་ངམ། གསང་བ་པའམ། ཡི་དྭགས་སམ། ཤ་ཟའམ། རོ་ལངས་སམ། བྱད་སྟེམས་སམ། གཤེད་བྱེད་དམ། སྲུལ་པོའམ། ལུས་སྲུལ་པོའམ། སྨྱོ་བྱེད་དམ། བརྗེད་བྱེད་རྣམས་ལས་མིང་འདི་ཞེས་བྱ་བ་ལ་བསྲུང་བར་བྱའོ། །ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། སྦ་བ་དང་། ཞི་བ་དང་བདེ་ལེགས་སུ་འགྱུར་བ་དང་། ཆད་པ་བཟློག་པར་བྱའོ། །དུག་མེད་པར་བྱའོ། ། 「是故,以過去、未來、現在諸佛世尊之語,我用明咒王母大密咒攝受,守護名某某者不受人與非人之害,不受夜叉、羅剎、毗舍遮、阿修羅、乾達婆、那迦、迦樓羅、鞠訶迦、餓鬼、毗舍遮、起尸、厭勝、兇煞、腐鬼、腐體鬼、瘋鬼、忘鬼之害,拯救與攝受之,隱蔽之,令其平靜與安樂,規避懲罰,去除其毒。
རིག་སྔགས་ཀྱི་རྒྱལ་མོ་གསང་སྔགས་ཆེན་པོ་རྗེས་སུ་འཛིན་པ་འདིས་སྡང་བར་སེམས་པ་ཐམས་ཅད་དང་། གནོད་པར་སེམས་པ་ཐམས་ཅད་དང་། མི་ཕན་པར་སེམས་པ་ཐམས་ཅད་དང་། རབ་ཏུ་སྡང་བར་སེམས་པ་ཐམས་ཅད་དང་། བདུད་ཐམས་ཅད་དང་། གསེབ་ལམ་བསྲུང་བ་ཐམས་ཅད་དང་། ལ་གཅན་བསྲུང་བ་ཐམས་ཅད་དང་། ཤོ་གམ་གྱི་གནས་བསྲུང་བ་དེ་དག་ཐམས་ཅད་མྱོས་པར་བྱའོ། །རྣམ་པར་མྱོས་པར་བྱའོ། །རེངས་པ་དང་། རྨུགས་པ་དང་། ལག་པ་གཟུང་བ་དང་། རྐང་པ་གཟུང་བ་དང་། སེམས་གཟུང་བ་དང་། ལྕེ་གཟུང་བར་བྱའོ། །རིག་སྔགས་ཀྱི་རྒྱལ་མོ་གསང་སྔགས་ཆེན་པོ་རྗེས་སུ་འཛིན་པ་འདིས་ནི་གང་དང་གང་དུ་ཡང་ཐར་བར་འགྱུར་རོ། ། 「以此明咒王母大密咒攝受,讓一切心懷嗔恨者、心懷惡意者、心懷不利者、心懷大怨者,以及一切魔羅、守小巷者、守關口者、守稅卡者悉皆迷醉!徹底迷醉!使之僵硬、昏沉,縛手、縛腳、縛心、縛口!以此明咒王母大密咒攝受,無論何處皆可安然度過。」
ཀྱེ་མ་བྲམ་ཟེ་མྱ་ངན་འདས། །འཇིག་རྟེན་དག་ན་སྲིད་ལས་རྒལ། །ཁོན་དང་འཇིགས་པ་ཀུན་འདས་པ། །རིང་མོ་ཞིག་ནས་གཟོད་མཐོང་ངོ་། ། 「妙哉梵志(婆羅門)證涅槃,於此世間越三有,超脫一切怨與難,長久以來方得見。
བཟོད་པ་དཀའ་ཐུབ་མཆོག་སྟེ་བཟོད་པ་ནི། །མྱ་ངན་འདས་པ་མཆོག་ཅེས་སངས་རྒྱས་གསུང་། །རབ་ཏུ་བྱུང་བ་གཞན་ལ་གནོད་པ་ནི། །གཞན་ལ་འཚེ་བ་དགེ་སྦྱོང་མ་ཡིན་ནོ། ། 「佛說最勝苦行乃安忍,安忍亦是最勝之涅槃,出家僧侶傷損他眾者,造作害他行境非沙門。
ཡང་ན་མིག་དང་ལྡན་པ་དག །མཐུ་རྩལ་དག་ཀྱང་ཡོད་པ་བཞིན། །མཁས་པས་འཚོ་བའི་འཇིག་རྟེན་འདིར། །སྡིག་པ་དག་ནི་ཡོངས་སུ་སྤང་། ། 「或如有眼之眾生,彼等亦有諸能力(視力),智者生活於世間,完全斷除諸惡行。
ད་ལྟར་བྱུང་དང་འདས་པ་དང་། །མ་བྱོན་སངས་རྒྱས་གང་ཡིན་པ། །ཐམས་ཅད་ལ་ཡང་བདག་ཕྱག་འཚལ། །དེ་དག་ཀུན་ལ་སྐྱབས་སུ་མཆི། ། 「現在諸佛過去佛,以及未來諸佛陀,我悉恭敬作頂禮,一切尊眾前皈依。
འཇིག་རྟེན་དགྲ་བཅོམ་བདེ་གཤེགས་ལ། །ཟླ་བ་སྐྱབས་སུ་མཆི་ལགས་ཀྱིས། །སངས་རྒྱས་འཇིག་རྟེན་ཐུགས་བརྩེ་རྣམས། །ཟླ་བ་ཐར་མཛོད་སྒྲ་གཅན་ལས། ། 「世間應供善逝前,月亮於此皈依已,佛陀慈悲世間者,羅睺口中救月亮!
སྒྲ་གཅན་ཟླ་བ་མུན་སེལ་བ། །ནམ་མཁའ་དག་ལ་འོད་བྱེད་ཅིང་། །ལྷམ་མེར་འདུག་པ་དཀར་བ་དང་། །རྣམ་པར་དག་པའི་འོད་ལྡན་པ། །བར་སྣང་དག་ལ་མ་བཟུང་བར། །སྐྱེ་དགུའི་སྒྲོན་དེ་མྱུར་དུ་ཐོང་། ། 「羅睺月亮能除暗,令諸虛空皆明亮,榮光熠熠色皎潔,極其清凈光照耀,汝莫吞于虛空中,速速釋放眾生燈!
དེ་ནས་རིངས་བཞིན་སྒྲ་གཅན་དེ། །ལུས་ཀྱང་རྔུལ་ཞིང་སྐྲག་གྱུར་ལ། །ནད་པ་བཞིན་དུ་བརྟད་པ་ཡིས། །ཟླ་བ་རྣམ་པར་གཏོང་བར་བྱེད། ། 「隨後羅睺匆匆然,汗流浹背心惶惶,有如患病急忙間,將之月亮徹底放。
ཅི་ཡི་ཕྱིར་ན་སྒྲ་གཅན་ཁྱོད། །ལུས་ཀྱང་རྔུལ་ཞིང་སྐྲག་གྱུར་ལ། །ནད་པ་བཞིན་དུ་བརྟད་པ་ཡིས། །རིངས་པར་ཟླ་བ་གཏོང་བར་བྱེད། ། 「羅睺汝是因何故,汗流浹背心惶惶,有如患病急忙間,將之月亮徹底放?
སངས་རྒྱས་ཚིགས་བཅད་འདི་བརྗོད་པས། །གལ་ཏེ་ཟླ་བ་མ་བཏང་ན། །བདག་གི་མགོ་བོ་ཚལ་བདུན་འགས། །གསོན་ཡང་བདེ་བར་མི་འགྱུར་རོ། ། 「佛陀宣說偈頌已,我若不肯放月亮,頭將碎裂成七塊,縱得茍活無安樂。
ཀྱེ་མ་བདེན་པར་གཟིགས་པ་ཡི། །སངས་རྒྱས་རྣམས་ཀྱི་འབྱུང་བ་རྨད། །དེ་དག་གིས་ནི་ཚིགས་སུ་བཅད། །བརྗོད་ན་སྒྲ་གཅན་ཟླ་བ་གཏོང་། ། 「妙哉徹見真諦者,諸佛出世誠稀奇,彼等宣說偈頌已,羅睺將之月亮放。
བདེན་པ་དང་བདེན་པའི་ཚིག་གང་གིས་འཇིག་རྟེན་དུ་སེམས་ཅན་བརྗེད་ངས་པ་མེད་པའི་ཆོས་ཅན་བྱུང་བ་ནི་དེ་བཞིན་གཤེགས་པའོ་ཞེས་ཡང་དག་པར་སྨྲ་བས་སྨྲ་བ་ནི་དུས་སུ་ཡང་དག་པར་སྨྲ་བས་སྨྲ་བ་ཡིན་ནོ་ཞེས་བྱ་བ་དང་། ཀུན་དགའ་བོ་གཞན་ཡང་ཚངས་པར་སྤྱོད་པ་ལ་ཕན་པའི་ཕྱིར་དེ་བཞིན་གཤེགས་པས་ཚིགས་སུ་བཅད་པ་གསུངས་པ་གང་ཡིན་པ་དེ་དག་དང་། ཀུན་དགའ་བོ་གཞན་ཡང་ཚིག་དེ་དག་གིས་བྱ་བ་གང་བྱེད་པའི་དོན་དང་། ཕན་པ་དང་བདེ་བ་ཡང་འདིས་བྱེད་པར་འགྱུར་ཏེ། 「以何諦實及諦實語所說,『世間永遠不會忘記有情者即是如來』,如此正確所說即是及時正確所說,阿難,複次為利梵行,如來作偈所說 ,阿難,以其所說成辦之意義、利樂,由此(明咒)亦能作出:
སྱཱད྄། ཨཐེདན། སྭསྟི། མཏི། བིལུམཏི། པྲཧརཏི། ཀཤུམདྪི། ནནྡ། མཏི། བིཧགྲཧེ། བིདུམཏི། ཨེདཀྲྀཏ། ཨཱརྠ། སུདྲྀཤབུདྡྷི། བོདྷིམཏི། སུཧུདུམེ། ཨལཁཱུམེ། ཨལམིཏེ། ཧིགརཤར། ཨཱཤུཧ། པྲགཤིནི། 「斯雅,阿特達納,斯瓦斯帝,瑪帝,威錄瑪帝,巴繞哈繞帝,嘎秀瑪氣,南達,瑪帝,威哈格繞黑,威度瑪帝,唉達格日達,阿他,蘇達日夏布提,博提瑪帝,蘇胡度美,阿拉庫美,阿拉米帶,黑嘎繞夏繞,阿秀哈,巴繞噶希尼。
ཀུན་དགའ་བོ་ས་བོན་གྱི་རྩ་བ་བཅུ་དང་ས་བོན་གྱི་རྩ་བའི་ཚིག་བཅུ་དེ་བཞིན་གཤེགས་པས་གསུངས་པ་ཡོད་དོ། །ཀུན་དགའ་བོ་ཚིག་དེ་དག་དེ་བཞིན་གཤེགས་པས་གསུང་བར་འགྱུར་བ་དང་། སྟོན་པར་འགྱུར་བ་ཡང་ཡོད་དེ། དེ་དག་བསྟན་པ་འདི་ལ་ཞུགས་པའི་མི་རྣམས་ཀྱི་ཁར་བརྗོད་ན། གནོད་སྦྱིན་དང་སྲིན་པོ་རྣམས་ཀྱང་བྲན་བཞིན་དུ་ལས་བྱེད་པར་འགྱུར་རོ། ། 「阿難,十種子之根及十種子之根語是如來所說,此語亦是如來將來所宣所顯,進入此教之人若能口誦,諸夜叉、羅剎有如僕從成辦其事。
བདེན་པ་དང་བདེན་པའི་ཚིག་གང་གིས་ཕྱིར་མི་ལྡོག་པའི་སའི་ཚིག་བདེན་པ་རྣམས་ལ་འཇིག་རྟེན་གྱི་ཚིག་གི་མཆོག་དང་། དགེ་སྦྱོང་རྣམས་ཀྱི་ནང་ན་དགེ་སྦྱོང་སྐྱིད་དེ་བ་ཞེས་བྱ་བ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་འཇིགས་པ་མི་མངའ་བ་བག་ཚ་བ་མི་མངའ་བ་སྟེ། མི་སྐྲག་མི་འབྲོས་ལ་འཇིགས་པ་མེད་ཅིང་འཇིགས་པ་དང་། འཇིགས་པར་བྱེད་པ་སྤངས་པ་སྐྱི་བུང་ཞེས་བྱེད་པ་མེད་པའོ་ཞེས་ཡང་དག་པར་སྨྲ་བས་སྨྲ་བ་ནི་དུས་སུ་ཡང་དག་པར་སྨྲ་བས་སྨྲ་བ་ཡིན་ཏེ། བདེན་པ་དང་བདེན་པའི་ཚིག་དེས་མིང་འདི་ཞེས་བྱ་བ་ལ་བདེ་ལེགས་སུ་གྱུར་ཅིག 「以何諦實及諦實語所說,『不退轉地之諦實語即是世間最勝之語,被稱為諸沙門之嬌兒,如來應供正等覺無畏無懼無怯無逃,無畏而斷除畏懼作怖,無有惶恐』,如此正確所說即是及時正確所說,愿以此諦實及諦實語,令名某某者安樂!
བདེན་པ་དང་བདེན་པའི་ཚིག་གང་གིས་ཚུལ་ཁྲིམས་དང་། བརྟུལ་ཞུགས་དང་། དཀའ་ཐུབ་དང་། ཚངས་པར་སྤྱོད་པ་ལ་གནས་པ་གང་ཅི་ཡང་རུང་བ་དེ་དག་གི་ནང་ན་ནི། འཕགས་པ་དགྱེས་པའི་ཚུལ་ཁྲིམས་མཆོག་ཅེས་བྱ་སྟེ། བདེན་པ་དག་བདེན་པའི་ཚིག་དེས་མིང་འདི་ཞེས་བྱ་བ་ལ་བདེ་ལེགས་སུ་གྱུར་ཅིག 「以何諦實及諦實語所說,『任何持戒、禁行、苦行、梵行之中,聖人所悅之持戒為最勝』,愿以此諦實及諦實語,令名某某者安樂!
གནས་བརྟན་རྒྱལ་པོའི་བུ་ཐུ་བོ་དང་འདྲ་བར་རབ་ཏུ་བྱུང་ནས་རིང་དུ་ལོན་པ་ཚངས་པར་སྤྱོད་པ་མངོན་པར་སྤྱད་པ་རྣམས་ཀྱི་མཆོག་འདི་ལྟ་སྟེ་དགེ་སློང་ཀུན་ཤེས་ཀཽཎྜི་ནྱ་དང་། འདོད་པ་ཉུང་བ་དང་སྦྱངས་པའི་ཡོན་ཏན་ལ་གནས་པ་དང་། ཆོག་ཤེས་པ་རྣམས་ཀྱི་མཆོག་འོད་སྲུང་ཆེན་པོ་དང་ཤེས་རབ་ཆེ་བ་དང་སྤོབས་པ་ཆེ་བ་རྣམས་ཀྱི་མཆོག་ཤ་ར་དྭ་ཏིའི་བུ་དང་། རྫུ་འཕྲུལ་ཆེ་བ་དང་མཐུ་ཆེ་བ་རྣམས་ཀྱི་མཆོག་མཽད་གལ་གྱི་བུ་ཆེན་པོ་དང་། ལྷའི་མིག་དང་ལྡན་པ་རྣམས་ཀྱི་མཆོག་མ་འགགས་པ་དང་། མང་དུ་ཐོས་པ་རྣམས་ཀྱི་མཆོག་ཀུན་དགའ་བོ་དང་། འདུལ་བ་འཛིན་པ་རྣམས་ཀྱི་མཆོག་ཉེ་བར་འཁོར་དང་། ཆོས་སྨྲ་བ་རྣམས་ཀྱི་མཆོག་བྱམས་མའི་བུ་གང་པོ་དང་། བསླབ་པ་ལ་གུས་པ་རྣམས་ཀྱི་མཆོག་སྒྲ་གཅན་ཟིན་དང་། མལ་ཆ་དང་། སྟན་བགོ་བ་རྣམས་ཀྱི་མཆོག་གྱད་བུ་ནོར་དང་། སེང་གེའི་སྒྲ་སྒྲོགས་པ་རྣམས་ཀྱི་མཆོག་བྷ་ར་དྭ་ཛ་བསོད་སྙོམས་ལེན་དང་། ཁྱིམ་པ་དད་པ་བསྐྱེད་པ་རྣམས་ཀྱི་མཆོག་ནག་པོ་འཆར་ཀ་དང་། 「長老之中,有如國王長子,出家已久,真實梵行第一者,憍陳如比丘;鮮少欲求,頭陀苦行,知足第一者,大迦葉;智慧辨才第一者,舍利弗;神通威力第一者,大目犍連;天眼第一者,阿那律;多聞第一者,阿難;持戒第一者,優婆離;弘法第一者,富樓那彌多羅尼子;恭敬所學(戒律)第一者,羅睺羅;提供臥具坐墊第一者,財力士子;獅吼第一者,賓度羅跋羅墮阇;俗眾起信第一者,黑烏陀夷;人天供養第一者,蘇跌里舍那(善見)。
ལྷ་དང་མིས་མཆོད་པ་རྣམས་ཀྱི་མཆོག་ལེགས་མཐོང་གི་བདེན་པ་དང་བདེན་པའི་ཚིག་དེས་མིང་འདི་ཞེས་བྱ་བ་ལ་བསྲུང་བར་བྱའོ། །ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཞི་བ་དང་བདེ་ལེགས་སུ་འགྱུར་བ་དང་ཆད་པ་བཟློག་པར་བྱའོ། །རྒྱལ་པོའམ། བློན་པོའམ། ཆོམ་རྐུན་ནམ། མེའམ། ཆུའམ། དགྲའམ། མི་མཛའ་བའམ། ལམ་དུ་འགྲོ་བའམ། ལམ་གོལ་བར་འགྲོ་བའམ། གཉིད་ལོག་པའམ། ར་རོ་བའམ་བག་མེད་པ་ལ་བསྲུང་བར་བྱའོ། ། 「以諸尊者之諦實及諦實語,愿守護名某某者,拯救與攝受,令其平靜與安樂,規避懲罰,回遮王難、臣難、盜賊、水火、仇敵與惡怨,于旅途、歧途、睡眠、醉酒與放逸中均行守護。
བདེན་པ་དང་བདེན་པའི་ཚིག་གང་གིས་སེམས་ཅན་རྐང་པ་མེད་པའམ། རྐང་གཉིས་པའམ། རྐང་བཞི་པའམ། རྐང་མངས་སམ། གཟུགས་ཅན་ནམ། གཟུགས་ཅན་མ་ཡིན་པའམ། འདུ་ཤེས་ཅན་ནམ། འདུ་ཤེས་ཅན་མ་ཡིན་པའམ། འདུ་ཤེས་མེད་འདུ་ཤེས་མེད་མིན་གྱི་སེམས་ཅན་ཇི་སྙེད་ཡོད་པ་དེ་དག་གི་ནང་ན་ནི་དེ་བཞིན་གཤེགས་པ་མཆོག་ཅེས་བྱ་སྟེ། བདེན་པ་དང་བདེན་པའི་ཚིག་དེས་མིང་འདི་ཞེས་བྱ་བ་ལ་བསྲུང་བར་བྱའོ། །ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཞི་བ་དང་བདེ་ལེགས་སུ་འགྱུར་བ་དང་། ཆད་པ་བཟློག་པར་བྱའོ། ། 「以何諦實及諦實語所說,『無足者、兩足者、四足者、多足者,及有色(色界天)、無色(無色界天)、有想(識處天)、無想(無所有處天)、非有想非無想(非想非非想處天),一切眾生中唯如來最勝』,以此諦實及諦實語,愿守護名某某者,拯救與攝受,令其平靜與安樂,規避懲罰。
བདེན་པ་དང་བདེན་པའི་ཚིག་གང་གིས་འདུས་བྱས་སམ། འདུས་མ་བྱས་ཀྱི་ཆོས་གང་ཇི་སྙེད་ཡོད་པ་དེ་དག་གི་ནང་ན་ནི་འདོད་ཆགས་དང་བྲལ་བ་མཆོག་ཅེས་བྱ་སྟེ། བདེན་པ་དང་བདེན་པའི་ཚིག་དེས་མིང་འདི་ཞེས་བྱ་བ་ལ་བསྲུང་བར་བྱའོ། །ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཞི་བ་དང་བདེ་ལེགས་སུ་འགྱུར་བ་དང་ཆད་པ་བཟློག་པར་བྱའོ། ། 「以何諦實及諦實語所說,『所有有為法、無為法中唯有離欲者最勝』,以此諦實及諦實語,愿守護名某某者,拯救與攝受,令其平靜與安樂,規避懲罰。
བདེན་པ་དང་བདེན་པའི་ཚིག་གང་གིས་ཚོགས་སམ། འདུས་པའམ། མང་པོའམ། འཁོར་ཇི་སྙེད་ཅིག་ཡོད་པ་དེ་དག་གི་ནང་ན་ནི་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་མཆོག་ཅེས་བྱ་སྟེ། བདེན་པ་དང་བདེན་པའི་ཚིག་དེས་རྒྱལ་ཁམས་སམ། ཡུལ་འཁོར་རམ། གྲོང་ངམ། གྲོང་རྡལ་ལམ། གྲོང་ཁྱེར་རམ། ཁྱིམ་མམ། གནས་སམ། ཞིང་ངམ། ནད་པ་འདི་ལ་བསྲུང་བར་བྱའོ། །ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཞི་བ་དང་བདེ་ལེགས་སུ་འགྱུར་བ་དང་། མཚམས་གཅད་པར་བྱའོ། །འབྱུང་པོ་ཐམས་ཅད་བཟློག་པར་བྱའོ། །གཟི་བྱིན་འཕྲོག་པ་རྣམས་བཟློག་པར་བྱའོ། ། 「以何諦實及諦實語所說,『所有聚首、會集、大眾、眷屬之中,唯有如來之聲聞僧伽最勝』,以此諦實及諦實語,愿守護國家、都市、村落、市鎮、城邑、舍宅、處所、農田,以及病人名某某者,拯救與攝受,令其平靜與安樂,設下結界,回遮一切部多,回遮奪人精氣者。
བདེན་པ་དང་བདེན་པའི་ཚིག་གང་གིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ངས་འདོད་ཆགས་དང་། ཞེ་སྡང་དང་གཏི་མུག་ཟད་པར་བྱ་བའི་ཕྱིར། ཆོས་ཀྱི་ཕུང་པོ་བརྒྱད་ཁྲི་བཞི་སྟོང་བསྟན་པ་དང་། བཤད་པ་དང་བརྗོད་པའི་བདེན་པ་དང་། བདེན་པའི་ཚིག་དེས་མིང་འདི་ཞེས་བྱ་བའི་ནད་བཞི་བརྒྱ་རྩ་བཞི་ཟད་པར་གྱུར་ཅིག མེད་པར་གྱུར་ཅིག ཞི་བར་གྱུར་ཅིག རབ་ཏུ་ཞི་བར་གྱུར་ཅིག 「以何諦實及諦實語所說,『世尊如來應供正等覺我,為令貪、嗔、癡絕盡而開示八萬四千法門,演說並宣講』,以此諦實及諦實語,愿使名某某者四百零四疾病斷絕,消失,平息及大平息。」
བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང་། མི་མཇེད་ཀྱི་བདག་པོ་ཚངས་པ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། ། 世尊如是說已,具壽阿難與娑婆之主梵天,及諸天神、人類、阿修羅、乾達婆等世間眾生皆大歡喜,讚歎世尊所說。
གསང་སྔགས་ཆེན་པོ་རྗེས་སུ་འཛིན་པའི་མདོ་རྫོགས་སོ། །པཎྜི་ཏ་ཤཱི་ལེནྡྲ་བོ་དྷི་དང་། ཛྙཱ་ན་སིདྡྷི་དང་། ཤཱཀྱ་པྲ་བྷ་བ་དང་། ཞུ་ཆེན་གྱི་ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ། སྐད་གསར་ཆད་ཀྱིས་ཀྱང་བཅོས་ཏེ་གཏན་ལ་ཕབ་པ། 大密咒攝受經至此圓滿。班智達西蘭札菩提(戒王菩提)、嘉納思德(智成就)、夏迦札巴瓦(釋迦光)與大譯師僧人益西德(智軍)藏譯校對,後期釐定文字時,再次校對定稿。公元二零二三年一月十九日,仁青貢布漢譯于北京,祈願持教大德長久住世、正法常興!
同部經論
與本文同名或相近的其他版本、科判、譯文與註疏。