d0183聖者佈施功德開示經c3.5s

d0183位於德格甘珠爾第61 函，相當於大正藏

　　0705 16 P0812 佛說佈施經 (1卷)〖 宋 法賢譯〗

@##། །རྒྱ་གར་སྐད་དུ། ཨཱརྱ་དཱ་ནཱ་ནུ་ཤནྶ་ནིཪྡེ་ཤ། བོད་སྐད་དུ། འཕགས་པ་སྦྱིན་པའི་ཕན་ཡོན་བསྟན་པ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ།དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་མཁས་པ་རྣམས་ཀྱིས་རྣམ་པ་སུམ་ཅུ་རྩ་བདུན་སྦྱིན་པ་སྦྱིན་ནོ། །སུམ་ཅུ་རྩ་བདུན་གང་ཞེ་ན། སེར་སྣ་ རྣམ་པར་སྤང་བའི་ཕྱིར་དད་པས་སྦྱིན་པ་སྦྱིན་ནོ།།དུས་སུ་སྦྱིན་པ་སྦྱིན་ནོ། །དེ་བཞིན་གཤེགས་པས་གནང་བའི་རུང་བ་དངོས་པོ་གསུམ་ཡོངས་སུ་དག་པར་སྦྱིན་པ་སྦྱིན་ནོ། །སེམས་ཀྱི་འཁྲུག་པའི་སྐྱོན་ཐམས་ཅད་སྤང་བའི་ཕྱིར་བསྟི་སྟང་དུ་བྱས་ཏེ་སྦྱིན་པ་སྦྱིན་ནོ། །སྙིང་པོ་མེད་ པའི་ལུས་ལས་སྙིང་པོ་བླང་བའི་ཕྱིར་རང་གི་ལག་ནས་སྦྱིན་པ་སྦྱིན་ནོ།།གཞན་ལ་མི་གནོད་པའི་སྦྱིན་པ་བྱིན་ན་རྣམ་པར་སྨིན་པ་གཏོང་བ་ཆེན་པོ་རབ་ཏུ་འཐོབ་པར་འགྱུར་རོ། །ཁ་དོག་ཕུན་སུམ་ཚོགས་པ་སྦྱིན་པ་བྱིན་ན་རྣམ་པར་སྨིན་པ་ཁ་དོག་མཛེས་པ་རབ་ཏུ་འཐོབ་པར་འགྱུར་རོ། ། དྲི་ཕུན་སུམ་ཚོགས་པ་སྦྱིན་པ་བྱིན་ན་རྣམ་པར་སྨིན་པ་གྲགས་པའི་དྲི་རབ་ཏུ་འཐོབ་པར་འགྱུར་རོ། །རོ་བྲོ་བ་ཕུན་སུམ་ཚོགས་པ་སྦྱིན་པ་བྱིན་ན་རྣམ་པར་སྨིན་པ་རོ་བྲོ་བ་མཆོག་གི་དཔེ་བྱད་བཟང་པོ་རབ་ཏུ་འཐོབ་པར་འགྱུར་རོ། །གྱ་ནོམ་པ་སྦྱིན་པ་བྱིན་ན་རྣམ་པར་སྨིན་པ་ལོངས་སྤྱོད གྱ་ནོམ་པ་རབ་ཏུ་འཐོབ་པར་འགྱུར་རོ།།རྒྱ་ཆེན་པོ་སྦྱིན་པ་བྱིན་ན་རྣམ་པར་སྨིན་པ་ལོངས་སྤྱོད་རྒྱ་ཆེན་པོ་རབ་ཏུ་འཐོབ་པར་འགྱུར་རོ། །བཟའ་བ་སྦྱིན་པ་བྱིན་ན་རྣམ་པར་སྨིན་པ་ཚེ་རབས་ཐམས་ཅད་དུ་བཀྲེས་པ་རྣམ་པར་གཅོད་པ་རབ་ཏུ་འཐོབ་པར་འགྱུར་རོ། །བཏུང་བ་སྦྱིན་པ་ བྱིན་ན་རྣམ་པར་སྨིན་པ་ཚེ་རབས་ཐམས་ཅད་དུ་སྐོམ་པ་རྣམ་པར་གཅོད་པ་རབ་ཏུ་འཐོབ་པར་འགྱུར་རོ།།བགོ་བ་སྦྱིན་པ་བྱིན་ན་རྣམ་པར་སྨིན་པ་གོས་ཀྱི་ལོངས་སྤྱོད་སྣ་ཚོགས་རབ་ཏུ་འཐོབ་པར་འགྱུར་རོ། །གནས་ཀྱི་སྦྱིན་པ་བྱིན་ན་རྣམ་པར་སྨིན་པ་པུ་ཤུ་དང་ཁང་པ་ བརྩེགས་པ་དང་།ཁྱམས་དང་། ཁང་པ་དང་། གཞལ་མེད་ཁང་དང་། སྐྱེད་མོས་ཚལ་དང་། ཀུན་དགའ་ར་བ་དང་། ཡུལ་རབ་ཏུ་འཐོབ་པར་འགྱུར་རོ། །མལ་ཆ་སྦྱིན་པ་བྱིན་ན་རྣམ་པར་སྨིན་པ་རིགས་མཐོན་པོ་རབ་ཏུ་འཐོབ་པར་འགྱུར་རོ།

以下是完整的簡體中文直譯： 梵文：阿利耶達那努尚薩尼爾德夏 藏文：帕巴金貝潘云丹巴 漢譯：聖者佈施功德開示 頂禮一切佛菩薩。 我是這樣聽說的，有一次，世尊住在舍衛國祇樹給孤獨園。 那時，世尊對比丘們說道：“比丘們，智者以三十七種方式佈施。什麼是三十七種呢？爲了斷除慳吝而以信心佈施。適時佈施。如來所允許的三種清凈物品佈施。爲了斷除一切心亂之過而恭敬佈施。爲了從無實質的身體中獲取實質而親手佈施。 如果佈施不損害他人，將獲得廣大舍施的果報。如果佈施色相圓滿之物，將獲得美麗膚色的果報。如果佈施香氣圓滿之物，將獲得美名芬芳的果報。如果佈施美味圓滿之物，將獲得最上妙相的果報。如果佈施精美之物，將獲得精美受用的果報。如果廣大布施，將獲得廣大受用的果報。如果佈施食物，將獲得一切生世斷除飢餓的果報。如果佈施飲料，將獲得一切生世斷除口渴的果報。如果佈施衣服，將獲得各種衣服受用的果報。如果佈施住處，將獲得亭臺樓閣、庭院、房屋、宮殿、園林、花園和國土的果報。如果佈施臥具，將獲得高貴種姓的果報。

།བཞོན་པ་སྦྱིན་པ་བྱིན་ན་ རྣམ་པར་སྨིན་པ་རྫུ་འཕྲུལ་གྱི་རྐང་པ་བཞི་རབ་ཏུ་འཐོབ་པར་འགྱུར་རོ།།སྨན་སྦྱིན་པ་བྱིན་ན་རྣམ་པར་སྨིན་པ་རྒ་ཤི་མེད་ཅིང་མྱ་ངན་དང་ཀུན་ནས་ཉོན་མོངས་པ་འགོག་པའི་མྱ་ངན་ལས་འདས་པ་རབ་ཏུ་འཐོབ་པར་འགྱུར་རོ། །ཆོས་སྦྱིན་པ་བྱིན་ན་རྣམ་པར་སྨིན་པ་སྐྱེ་བ་དྲན་པ་ རབ་ཏུ་འཐོབ་པར་འགྱུར་རོ།།མེ་ཏོག་སྦྱིན་པ་བྱིན་ན་རྣམ་པར་སྨིན་པ་བྱང་ཆུབ་ཀྱི་ཡན་ལག་གི་མེ་ཏོག་རབ་ཏུ་འཐོབ་པར་འགྱུར་རོ། །ཕྲེང་བ་སྦྱིན་པ་བྱིན་ན་རྣམ་པར་སྨིན་པ་འདོད་ཆགས་དང་ཞེ་སྡང་དང་གཏི་མུག་གི་དྲི་མ་རྣམ་པར་དག་པ་རབ་ཏུ་འཐོབ་པར་འགྱུར་རོ། །བདུག་པ་ སྦྱིན་པ་བྱིན་ན་རྣམ་པར་སྨིན་པ་ཉོན་མོངས་པའི་དྲི་ང་བ་ཐམས་ཅད་མེད་པ་རབ་ཏུ་འཐོབ་པར་འགྱུར་རོ།།གདུགས་སྦྱིན་པ་བྱིན་ན་རྣམ་པར་སྨིན་པ་ཆོས་ལ་དབང་བའི་དབང་ཕྱུག་རབ་ཏུ་འཐོབ་པར་འགྱུར་རོ། །དྲིལ་བུ་སྦྱིན་པ་བྱིན་ན་རྣམ་པར་སྨིན་པ་སྒྲ་དབྱངས་ཡིད་དུ་འོང་བ་རབ་ཏུ་ འཐོབ་པར་འགྱུར་རོ།།སིལ་སྙན་སྦྱིན་པ་བྱིན་ན་རྣམ་པར་སྨིན་པ་ཚངས་པའི་སྒྲ་དབྱངས་ལྟ་བུ་རབ་ཏུ་འཐོབ་པར་འགྱུར་རོ། །མར་མེ་སྦྱིན་པ་བྱིན་ན་རྣམ་པར་སྨིན་པ་ལྷའི་མིག་སྒྲིབ་པ་མེད་ཅིང་རྣམ་པར་དག་པ་རབ་ཏུ་འཐོབ་པར་འགྱུར་རོ། །དར་སྦྱིན་པ་བྱིན་ན་རྣམ་པར་སྨིན་པ་ལྷ་ དང་མིའི་ནང་ན་རྣམ་པར་གྲོལ་བའི་དར་གྱིས་བཅིངས་པ་རབ་ཏུ་འཐོབ་པར་འགྱུར་རོ།།དེ་བཞིན་གཤེགས་པའི་མཆོད་རྟེན་ནམ། དེ་བཞིན་གཤེགས་པའི་སྐུ་གཟུགས་ལ་འབྲུ་མར་དྲི་ཞིམ་པོ་ཕུལ་ལམ། སྤོས་ཀྱི་ཁྲུས་ཆུ་དབུལ་བ་ཕུལ་ན་རྣམ་པར་སྨིན་པ་སྐྱེས་བུ་ཆེན་པོའི་མཚན་སུམ་ ཅུ་རྩ་གཉིས་དང་།དཔེ་བྱད་བཟང་པོ་བརྒྱད་ཅུ་རབ་ཏུ་འཐོབ་པར་འགྱུར་རོ། །ཁྲུས་ཀྱི་ཡོ་བྱད་སྦྱིན་པ་བྱིན་ན་རྣམ་པར་སྨིན་པ་ཚེ་རབས་ཐམས་ཅད་དུ་ནད་ཉུང་བ་དང་། རིགས་ཀྱི་མཆོག་ཏུ་སྐྱེ་ཞིང་ཀུན་ཏུ་མཛེས་པ་རབ་ཏུ་འཐོབ་པར་འགྱུར་རོ། །སྙིང་པོ་ལྔ་སྦྱིན་པ་བྱིན་ན་རྣམ་པར་སྨིན་པ་ ཚེ་རབས་ཐམས་ཅད་དུ་མཐུ་ཆེ་ཞིང་སྤྲོ་བ་ཆེན་པོ་མི་ཐུལ་བ་རབ་ཏུ་འཐོབ་པར་འགྱུར་རོ།།བྱམས་པ་ལ་གནས་ཏེ་སྦྱིན་པ་བྱིན་ན་རྣམ་པར་སྨིན་པ་གནོད་སེམས་མེད་པ་རབ་ཏུ་འཐོབ་པར་འགྱུར་རོ། །སྙིང་རྗེ་ལ་གནས་ཏེ་སྦྱིན་པ་བྱིན་ན་རྣམ་པར་སྨིན་པ་འཚེ་བ་མེད་པ་རབ་ཏུ་འཐོབ་པར་འགྱུར་ རོ།།དགའ་བ་ལ་གནས་ཏེ་སྦྱིན་པ་བྱིན་ན་རྣམ་པར་སྨིན་པ་མི་འཇིགས་པ་སྦྱིན་པ་རབ་ཏུ་འཐོབ་པར་འགྱུར་རོ།

以下是完整的簡體中文直譯： 如果佈施交通工具，將獲得四種神足的果報。如果佈施藥物，將獲得無老死、無憂惱、斷除一切煩惱的涅槃果報。如果佈施佛法，將獲得憶念前世的果報。如果佈施花朵，將獲得菩提分花的果報。如果佈施花鬘，將獲得清凈貪嗔癡垢染的果報。如果佈施香料，將獲得斷除一切煩惱臭氣的果報。如果佈施傘蓋，將獲得法自在的果報。如果佈施鈴鐺，將獲得悅耳音聲的果報。如果佈施樂器，將獲得如梵音般的音聲的果報。如果佈施燈明，將獲得無障清凈的天眼的果報。如果佈施絲綢，將獲得在天人中以解脫絲帶繫縛的果報。 如果向如來塔或如來像供養香油或香水沐浴，將獲得三十二大丈夫相和八十隨形好的果報。如果佈施沐浴用品，將獲得一切生世少病、生於高貴種姓、相貌端嚴的果報。如果佈施五種精華，將獲得一切生世大威力、大歡喜、不可屈服的果報。如果住于慈心而佈施，將獲得無害心的果報。如果住于悲心而佈施，將獲得無傷害的果報。如果住于喜心而佈施，將獲得佈施無畏的果報。

།བཏང་སྙོམས་ལ་གནས་ཏེ་སྦྱིན་པ་བྱིན་ན་རྣམ་པར་སྨིན་པ་མི་དགའ་བ་སྤོང་བ་རབ་ཏུ་འཐོབ་པར་འགྱུར་རོ། །རྣམ་པ་སྣ་ཚོགས་ཀྱི་སྦྱིན་པ་བྱིན་ན་རྣམ་པར་སྨིན་པ་ལོངས་ སྤྱོད་སྣ་ཚོགས་རབ་ཏུ་འཐོབ་པར་འགྱུར་རོ།།ལན་ལ་མི་རེ་བ་ལ་གནས་ཏེ་སྦྱིན་པ་བྱིན་ན་རྣམ་པར་སྨིན་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་རབ་ཏུ་འཐོབ་པར་འགྱུར་ཏེ། དགེ་སློང་དག་མཁས་པ་རྣམས་ཀྱིས་རྣམ་པ་སུམ་ཅུ་རྩ་བདུན་པོ་དེ་དག་སྦྱིན་པ་སྦྱིན་ནོ། །བཅོམ་ ལྡན་འདས་ཀྱིས་དེ་སྐད་ཅེས་བཀའ་སྩལ་ནས།དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་སྦྱིན་པའི་ཕན་ཡོན་བསྟན་པ་རྫོགས་སོ།

以下是完整的簡體中文直譯： 如果住于舍心而佈施，將獲得斷除不悅的果報。如果佈施各種各樣的東西，將獲得各種各樣受用的果報。如果住于不求回報而佈施，將獲得無上正等正覺的果報。比丘們，智者們以這三十七種方式進行佈施。 世尊如是宣說后，那些比丘歡喜讚歎世尊所說。 《聖者宣說佈施功德經》圓滿。

། །།རྒྱ་གར་གྱི་མཁན་པོ་སུ་རེན་དྲ་བོ་དྷི་དང་། ཞུ་ ་ཆེན་གྱི་ལོཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ།་

以下是完整的簡體中文直譯： 印度堪布蘇仁陀菩提和藏地大譯師班智達耶喜德翻譯、校對並最終確定。