d0259莊嚴王所問無字寶篋毗盧遮那心要法門經c3.5s

D259 d0259位於德格甘珠爾第66函，相當於大正藏

　　0828 17 P0870 無字寶篋經 (1卷)〖 元魏 菩提流支譯〗 　　0829 17 P0872 大乘離文字普光明藏經 (1卷)〖 唐 地婆訶羅譯〗 　　0830 17 P0874 大乘遍照光明藏無字法門經 (1卷)〖 唐 地婆訶羅再譯〗

@##། །རྒྱ་གར་སྐད་དུ། ཨཱརྱ་ནཱ་ཀྵ་ར་ཀ་རཎྜ་ཀ་བཻ་རོ་ཙ་ན་གརྦྷ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་ཡི་གེ་མེད་པའི་ཟ་མ་ཏོག་རྣམ་པར་སྣང་མཛད་ཀྱི་སྙིང་པོ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ ལོ།།འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་ཀྱི་ཕུང་པོའི་རི་ལ་དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་བཞུགས་སོ།

以下是完整的直譯： 梵語：阿耶那克沙拉卡蘭達卡毗盧遮那嘎爾巴那摩摩訶衍那蘇特拉 藏語：帕巴宜給美貝扎瑪托南巴囊則吉寧波謝嘉瓦特巴欽波莫多 漢語：聖無字函毗盧遮那藏名大乘經 頂禮一切佛菩薩。 如是我聞：一時，世尊在王舍城靈鷲山中，與大比丘僧眾共同住止。

།བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་དུ་མ་ཐམས་ཅད་ཀྱང་རྒྱ་ཆེན་པོ་ཤེས་པ། ཐབས་ལ་མཁས་པ། གསལ་བ། ལེ་ལོ་མེད་པ། ཡི་གེ་སྒྲུབ་པ་ལ་མཁས་པ། གནས་དང་གནས་མ་ཡིན་པ་ཁོང་དུ་ཆུད་པར་བྱེད་པ། རྣམ་པར་གྲོལ་བ་ཕུན་སུམ་ཚོགས་པ། འདུལ་བའི་མྱུ་གུ་དང་ལྡན་པ། ངོ་ཚ་ཤེས་པའི་ཡན་ལག་དང་ལྡན་པ། སྙིང་རྗེའི་བདག ཉིད་ཅན།སེམས་ཅན་ལ་མཉེས་གཤིན་པ། ཏིང་ངེ་འཛིན་མང་པོ་དང་ལྡན་པ། ཤེས་རབ་ཀྱི་ལག་པ་དང་ལྡན་པ། བླ་མ་ལ་སྲི་ཞུ་ཆེ་བ། བྱང་ཆུབ་སེམས་དཔའ་སེམས་དཔའ་ཆེན་པོ་རིན་པོ་ཆེའི་གླིང་དང་མཚུངས་པ། དགེ་བ་དང་མི་དགེ་ བ་ཤེས་པ།གཡོ་ཁོང་དུ་ཆུད་པར་བྱེད་པ། ངེས་པའི་ཚིག་དང་སྤོབས་པ་ཟད་མི་ཤེས་པ་དང་། ཟུང་ཁོང་དུ་ཆུད་པར་བྱེད་པ། རྣམ་པར་རྒྱལ་བ་ཐོབ་པ། སེམས་ཅན་ཐམས་ཅད་ལ་ཁོང་དུ་ཆུད་པར་བྱེད་པ། ཡང་དག་པའི་མཐའ་ལས་བྱུང་ཞིང་བརྟེན་པ། ཤིན་ ཏུ་དཔའ་བ།གནས་པ་མེད་པ། ཆོས་བླ་མའི་རང་བཞིན་ལ་ངེས་པ། རང་བཞིན་མེད་པའི་ཁྱད་པར་སེམས་པ་སྙིང་པོ་ལ་དཔའ་བ། སྐྱེ་བ་ལ་སྨོད་པའི་སྐྱེས་བུ། ཆོས་ཁོང་དུ་ཆུད་པར་བྱེད་པ། མཚན་གྱི་གཞི་ཤེས་པ། ཡུལ་འཁོར་སྲུང་བ། ཡུལ་འཁོར་སྐྱོང་བ། སྒྲ་ གྲགས་པ།རྒྱལ་བའི་སྒྲ་དང་ལྡན་པ། རྣམ་པར་རྒྱལ་བའི་མཛོད་དང་ལྡན་པ། ཡི་གེ་མེད་པའི་སྙིང་པོ་དང་ལྡན་པ། ཤིན་ཏུ་གཉིད་ཀྱིས་མ་ལོག་པ། ཡེ་ཤེས་ཀྱི་ཕུང་པོ་ལ་གཞོལ་བ། རང་གི་ལས་ལ་མངོན་པར་དགའ་བ། རང་གི་རིགས་བསྟེན་པ། ཀུན་ཏུ་བཟང་ བ།མཉམ་པ་ཉིད་ལ་དགའ་བ། རྣམ་པར་དག་པ། རང་གི་རྒྱུད་དང་། ཕ་རོལ་གྱི་རྒྱུད་རྣམ་པར་སྦྱོང་བར་བྱེད་པ། རྣམ་པར་རྒྱལ་བ་ཐོབ་པ་ཤ་སྟག་ལ་འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པར་རྒྱལ་བའི་དབྱངས་དང་། བྱང་ཆུབ་སེམས་དཔའ་སེམས་ དཔའ་ཆེན་པོ་ཆོས་སྒྲོགས་དང་།བྱང་ཆུབ་སེམས་དཔའ་སེམས་དཔའ་ཆེན་པོ་རྒྱལ་བའི་གནས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་སྤྲུལ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྟོང་གི་འབྱུང་གནས་དང་། བྱང་ཆུབ་སེམས་དཔའ་སེམས་ དཔའ་ཆེན་པོ་སྨོན་ལམ་བརྩེགས་དང་།བྱང་ཆུབ་སེམས་དཔའ་སེམས་དཔའ་ཆེན་པོ་ཁྱད་པར་སེམས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ས་འཛིན་དང་། བྱང་ཆུབ་སེམས་དཔའ་སེམས་དཔའ་ཆེན་པོ་འགྲོ་བ་འཛིན་དང་། བྱང་ཆུབ་སེམས་དཔའ་སེམས་ དཔའ་ཆེན་པོ་སའི་སྒྲ་དབྱངས་དང་།བྱང་ཆུབ་སེམས་དཔའ་སེམས་དཔའ་ཆེན་པོ་སྤོབས་པ་ཕུན་སུམ་ཚོགས་པ་དང་།

這是完整的直譯： 諸多億萬百千菩薩摩訶薩，皆具廣大智慧，善巧方便，明晰無懈，精通文字修持，了知處非處，圓滿解脫，具足調伏之芽，具足慚愧支分，具大悲心，親善眾生，具足諸多三昧，具足智慧之手，敬重上師，如寶洲之大菩薩摩訶薩，了知善惡，通達詭詐，具無盡辯才與決定語，通達雙運，獲得勝利，通達一切眾生，出生並安住于真實邊際，極為勇猛，無所住著，決定於勝法自性，思維無自性之殊勝而勇於實相，呵斥生死之士夫，通達諸法，了知相之基礎，護衛國土，養育國土，名聲遠揚，具勝利之聲，具勝利之藏，具無文字之精髓，極不昏沉，趣入智慧蘊，歡喜自業，依止自種姓，普賢善妙，喜愛平等，清凈無垢，凈化自他相續，悉皆獲得勝利，即： 大菩薩摩訶薩勝利音、 大菩薩摩訶薩法音、 大菩薩摩訶薩勝處、 大菩薩摩訶薩法化、 大菩薩摩訶薩千源、 大菩薩摩訶薩愿積、 大菩薩摩訶薩殊勝意、 大菩薩摩訶薩持地、 大菩薩摩訶薩持眾生、 大菩薩摩訶薩地音、 大菩薩摩訶薩圓滿辯才、

བྱང་ཆུབ་སེམས་དཔའ་སེམས་དཔའ་ཆེན་པོ་སྤོབས་པ་ཕུན་སུམ་ཚོགས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཤིན་ཏུ་བརྩེགས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་པད་མའི་འདབ་མའི་མིག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་པད་མའི་གདོང་དང་། བྱང་ཆུབ་སེམས་དཔའ་སེམས་དཔའ་ཆེན་པོ་གཙུག་ན་ནོར་བུ་དང་ཐབས་ཅིག་གོ།

以下是完整的直譯： 大菩薩摩訶薩圓滿辯才、 大菩薩摩訶薩極積聚、 大菩薩摩訶薩蓮花瓣眼、 大菩薩摩訶薩蓮花面、 大菩薩摩訶薩頂髻寶珠共同在

།བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་པའི་དབྱངས་ནི་བྱང་ཆུབ་སེམས་དཔའ་སེམས་དཔའ་ཆེན པོ་བགྲང་བ་ལས་འདས་པ་ཐམས་ཅད་ཀྱང་གཞོན་ནུར་གྱུར་པ་ཤ་སྟག་དང་ལྷན་ཅིག་།བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་ཀྱང་རྒྱལ་ཚབ་ཏུ་གྱུར་པ་གང་གཱའི་ཀླུང་གི་བྱེ་མ་སྙེད་དང་ལྷན་ཅིག་། བྱང་ཆུབ་སེམས་དཔའ་སེམས་དཔའ་ཆེན་པོ་ཁྱད་པར་སེམས་ནི་བརྒྱ་བྱིན་དུ་མ་དང་ལྷན་ཅིག་།བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་དང་། རྒྱལ་པོ་ཆེན་པོ་བཞི་ནི་འཁོར་ལོས་སྒྱུར་བ དུ་མ་དག་དང་ལྷན་ཅིག་།བྱང་ཆུབ་སེམས་དཔའ་སེམས་དཔའ་ཆེན་པོ་མཐུ་ཆེན་ཐོབ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ནི་ཚངས་པ་དུ་མ་དག་དང་ལྷན་ཅིག་།བྱང་ཆུབ་སེམས་དཔའ་སེམས་དཔའ་ཆེན་པོ་མཐོང་བ་དོན་ཡོད་ནི འཁོར་རྣམ་ཐོས་ཀྱི་བུ་དུ་མ་དག་དང་ལྷན་ཅིག་།བྱང་ཆུབ་སེམས་དཔའ་སེམས་དཔའ་ཆེན་པོ་སྐར་མའི་རྒྱལ་པོ་ནི་འཇིག་རྟེན་སྐྱོང་བ་ལྷག་མ་རྣམས་དང་ལྷན་ཅིག་།བྱང་ཆུབ་སེམས་དཔའ་སེམས་དཔའ་ཆེན་པོ་ཡིད་གཉིས་འཇོམས་དང་། བྱང་ཆུབ་སེམས་དཔའ་སེམས དཔའ་ཆེན་པོ་སྒྲིབ་པ་ཐམས་ཅད་རྣམ་པར་སེལ་བ་ནི་དེ་བཞིན་གཤེགས་པ་བྱང་ཆུབ་སེམས་དཔའི་ཆ་བྱད་འཛིན་པ་དུ་མ་དང་ལྷན་ཅིག་།ཤ་ར་དྭ་ཏིའི་བུ་དང་། མཽད་གལ་གྱི་བུ་དང་། འོད་སྲུང་ཆེན་པོ་ལ་སོགས་པ་དགྲ་བཅོམ་པ་ཐམས་ཅད་དང་ཡང་ལྷན་ཅིག་།བྱང་ཆུབ སེམས་དཔའ་སེམས་དཔའ་ཆེན་པོ་དགེ་མང་དང་།བྱང་ཆུབ་སེམས་དཔའ་སེམས་དཔའ་ཆེན་པོ་ཁྱད་པར་སེམས་ནི་ལྷའི་བུ་མོ་སྟོང་ཕྲག་དུ་མ་དག་དང་ལྷན་ཅིག་ཅིང་བྱང་ཆུབ་སེམས་དཔའ་སེམས་དཔའ་ཆེན་པོ་སྨན་གྱི་རྒྱལ་པོ་དང་། བྱང་ཆུབ་ སེམས་དཔའ་སེམས་དཔའ་ཆེན་པོ་སྨན་ཡང་དག་བྱུང་དང་།ཕྱོགས་བཅུའི་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་ན་ཟླ་བ་དང་ཉི་མ་རང་གི་གཟི་བརྗིད་སྙེམས་པ་ཇི་སྙེད་པ་དེ་དག་ཐམས་ཅད་བཅོམ་ལྡན་འདས་ག་ལ་བ་དེར་དོང་སྟེ། གང་གི་ཚེ་བཅོམ་ལྡན་ འདས་ཀྱི་སྤྱན་སྔར་འཁོད་པ་དེའི་ཚེ་འཛམ་བུའི་ཆུ་བོའི་གསེར་གྱི་མདུན་དུ་སྣག་ཚའི་ཡུག་བཞག་པ་དེ་བཞིན་དུ།ཟླ་བ་དང་ཉི་མ་དེ་དག་བཅོམ་ལྡན་འདས་ཀྱི་སྤྱན་སྔར་ཕྱིར་ཞིང་མི་མཛེས། ཕྱིར་ཞིང་མི་འབར། ཕྱིར་ཞིང་ལམ་མེ་མ་ཡིན། ཕྱིར་ཞིང་ལྷན་ནེ་མ་ཡིན། ཕྱིར་ ཞིང་ལྷང་ངེ་མ་ཡིན་ནོ།

以下是完整的直譯： 大菩薩摩訶薩文殊師利與無量大菩薩摩訶薩皆成童子相共同在。大菩薩摩訶薩彌勒與如恒河沙數已成佛位的大菩薩摩訶薩共同在。大菩薩摩訶薩殊勝意與諸多帝釋天共同在。大菩薩摩訶薩普賢、大菩薩摩訶薩虛空藏及四大天王與諸多轉輪王共同在。大菩薩摩訶薩大勢至、大菩薩摩訶薩觀世音自在與諸多梵天共同在。大菩薩摩訶薩見有益與諸多毗沙門天子共同在。大菩薩摩訶薩星宿王與其餘諸世間護法共同在。大菩薩摩訶薩摧疑、大菩薩摩訶薩除一切障與諸多現菩薩相的如來共同在。舍利弗、目犍連、大迦葉等一切阿羅漢也共同在。大菩薩摩訶薩多善、大菩薩摩訶薩殊勝意與諸多千位天女共同在。大菩薩摩訶薩藥王、大菩薩摩訶薩藥上與十方如恒河沙數世界中所有驕傲自身威光的日月，皆來到世尊所在之處。當他們來到世尊面前時，如同在瞻部河金沙前放置墨條，那些日月在世尊面前不再美麗，不再光芒四射，不再明亮，不再閃耀，不再光輝燦爛。

།སྲེད་མེད་ཀྱི་བུ་ལ་སོགས་པ་ལྷའི་ཚོགས་ཇི་སྙེད་པ་དང་། ཀླུའི་རྒྱལ་པོ་ཆུ་ལྷ་དང་། འཇོག་པོ་དང་། མ་དྲོས་པ་ལ་སོགས་པ་ཀླུའི་རྒྱལ་པོ་འཁོར་དང་བཅས་པ་ཐམས་ཅད་དང་། དྲི་ཟའི་བདག་པོ་ཤིན་ཏུ་ཡིད་དུ་འོང་བ་ནི་དྲི་ཟ་བྱེ་བ་ཕྲག་དུ་མ་དང་ལྷན་ ཅིག་ནམ་མཁའ་ལྡིང་གི་རྒྱལ་པོ་དྲི་མ་མེད་པ་ཆེན་པོ་ནི་ནམ་མཁའ་ལྡིང་བྱེ་བ་ཕྲག་བདུན་དང་ལྷན་ཅིག་ཏུ་བཅོམ་ལྡན་འདས་ག་ལ་བ་དེར་དོང་ངོ་།།ཕྱོགས་བཅུའི་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་ན་བྱང་ཆུབ་སེམས་དཔའ་ཇི་སྙེད་འཁོད་པ་དེ་དག་རང་རང་གི་ དེ་བཞིན་གཤེགས་པ་ལས་གནང་བ་མནོས་ཏེ།འཁོར་བཞི་དག་དང་ལྷན་ཅིག་དོང་ནས། བཅོམ་ལྡན་འདས་དང་བྱང་ཆུབ་སེམས་དཔའ་དེ་དག་ལ་ཡང་འཇིག་རྟེན་ལས་འདས་པའི་མཆོད་པ་བྱས་ནས་རང་རང་གི་པད་མའི་སྟན་ལ་འཁོད་དོ། །དེ་ནས་བཅོམ་ལྡན་ འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཁྱད་པར་སེམས་ཀྱིས་འདི་སྐད་ཅེས་གསོལ་ཏོ།།གལ་ཏེ་བདག་ལ་བཅོམ་ལྡན་འདས་ཀྱིས་གནང་ན་བཅོམ་ལྡན་འདས་ལ་ཡི་གེ་གཉིས་ཤིག་ཞུ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ངས་གནང་ གིས་ཁྱད་པར་སེམས་ཁྱོད་ཅི་བསམས་པ་དེ་བཞིན་གཤེགས་པ་ལ་དྲིས་ཤིག་།དེ་བཞིན་གཤེགས་པ་ནི་སེམས་ཅན་གཅིག་གི་དོན་གྱི་ཕྱིར་འདིར་བྱུང་བ་མ་ཡིན་གྱི་ང་ནི་ཁྱེད་ཀྱི་དོན་གྱི་ཕྱིར་འདིར་བྱུང་ངོ་། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ ཆེན་པོ་ཁྱད་པར་སེམས་ཀྱིས་འདི་སྐད་ཅེས་གསོལ་ཏོ།།བཅོམ་ལྡན་འདས་བྱང་ཆུབ་སེམས་དཔས་གང་སྤང་བར་བགྱི་བའི་ཆོས་གཅིག་པོ་དེ་གང་ལགས། བཅོམ་ལྡན་འདས་བྱང་ཆུབ་སེམས་དཔས་གང་བསྲུངས་ན་བསླབ་པའི་གཞི་ཐམས་ཅད་ཡོངས་སུ་བཟུང་བར་ འགྱུར་བའི་ཆོས་གཅིག་པོ་དེ་གང་ལགས།བཅོམ་ལྡན་འདས་དེ་བཞིན་གཤེགས་པས་གང་མངོན་པར་རྫོགས་པར་སངས་རྒྱས་པའི་ཆོས་གཅིག་པོ་དེ་གང་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཁྱད་པར་སེམས་ ལ་ལེགས་སོ་ཞེས་བྱ་བ་བྱིན་ཏེ།ཚངས་པ་དེ་སྐད་སྨྲ་བ་ནི་ལེགས་སོ་ལེགས་སོ། །རིགས་ཀྱི་བུ་དེ་བཞིན་གཤེགས་པའི་བྱིན་གྱི་རླབས་ཀྱིས་སྤོབས་པ་འདི་ལྟ་བུ་བྱུང་ངོ་། །རིགས་ཀྱི་བུ་དེ་བཞིན་གཤེགས་པས་བྱིན་གྱིས་བརླབས་པ་མ་མཛད་ན། དེ་བཞིན་གཤེགས་ པ་ལ་སུ་ཡང་ཞུ་བ་འདི་ལྟ་བུ་ཞུ་བར་མི་འགྱུར་རོ།།ཁྱད་པར་སེམས་དེའི་ཕྱིར་ཁྱོད་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་ངས་ཁྱོད་ལ་བཤད་དོ།

以下是完整的直譯： 無慾子等諸天眾，以及水天龍王、難陀龍王、無熱惱龍王等諸龍王及其眷屬，香神之主極悅意與數十億香神共同，大凈金翅鳥王與七十億金翅鳥共同來到世尊所在之處。 十方如恒河沙數世界中所有菩薩，各自從其如來處獲得允許，與四眾眷屬一同前來，向世尊及諸菩薩獻上出世間供養后，各自安坐于蓮花座上。 爾時，大菩薩摩訶薩殊勝意向世尊如是請問：“若蒙世尊允許，我將向世尊請教兩個問題。“世尊回答道：“我允許你，殊勝意，你想問如來什麼就問吧。如來不是爲了一個眾生的利益而來此，我是爲了你們的利益而來。” 於是，大菩薩摩訶薩殊勝意向世尊如是請問：“世尊，菩薩應當捨棄的那一法是什麼？世尊，菩薩若能守護，則能完全掌握一切學處的那一法是什麼？世尊，如來所證悟的那一法是什麼？” 世尊對菩薩殊勝意讚歎道：“善哉！善哉！梵天，你能如此發問甚善。善男子，你能生起如此勇氣，是因為如來的加持。善男子，若無如來的加持，任何人都不能向如來提出如此請問。因此，殊勝意，你當善聽，謹記於心，我將為你解說。”

།བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་ཁྱད་པར་སེམས་ཀྱིས་བཅོམ་ལྡན་ འདས་ཀྱི་ལྟར་ཉན་པ་དང་།བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་བྱང་ཆུབ་སེམས་དཔས་ཆོས་གཅིག་གང་སྤང་བར་བྱ་བའི་ཆོས་གཅིག་པོ་གང་ཞེ་ན། འདི་ལྟ་སྟེ། འདོད་ཆགས་ཀྱི་ཆོས་ཏེ། རིགས་ཀྱི་བུ་འདི་ནི་སྤང་བར་བྱ་བའི་ ཆོས་གཅིག་གོ།།ཡང་སྤང་བར་བྱ་བའི་ཆོས་གཅིག་སྟེ། འདི་ལྟར་ཞེ་སྡང་གི་ཆོས་ཏེ། འདི་ནི་སྤང་བར་བྱ་བའི་ཆོས་གཅིག་གོ། །ཡང་སྤང་བར་བྱ་བའི་ཆོས་གཅིག་སྟེ། འདི་ལྟར་གཏི་མུག་གི་ཆོས་ཏེ། འདི་ནི་སྤང་བར་བྱ་བའི་ཆོས་གཅིག་གོ། །ཡང་སྤང་བར་བྱ་བའི་ ཆོས་གཅིག་སྟེ།འདི་ལྟར་བདག་ཏུ་འཛིན་པ་སྟེ། འདི་ནི་སྤང་བར་བྱ་བའི་ཆོས་གཅིག་གོ། །ཡང་སྤང་བར་བྱ་བའི་ཆོས་གཅིག་སྟེ། འདི་ལྟར་ལེ་ལོ་སྟེ། འདི་ནི་སྤང་བར་བྱ་བའི་ཆོས་གཅིག་གོ། །ཡང་སྤང་བར་བྱ་བའི་ཆོས་གཅིག་སྟེ། འདི་ལྟར་ རྨུགས་པ་དང་གཉིད་དེ།འདི་ནི་སྤང་བར་བྱ་བའི་ཆོས་གཅིག་གོ། །ཡང་སྤང་བར་བྱ་བའི་ཆོས་གཅིག་སྟེ། འདི་ལྟར་སྲེད་པ་སྟེ། འདི་ནི་སྤང་བར་བྱ་བའི་ཆོས་གཅིག་གོ། །རིགས་ཀྱི་བུ་ཡང་བྱང་ཆུབ་སེམས་དཔའ་སྤང་བར་བྱ་བའི་ཆོས་གཅིག་སྟེ། འདི་ལྟར་མ་རིག་ པ་སྟེ།རིགས་ཀྱི་བུ་འདི་ནི་བྱང་ཆུབ་སེམས་དཔས་སྤང་བར་བྱ་བའི་ཆོས་གཅིག་གོ། །རིགས་ཀྱི་བུ་གང་བྱང་ཆུབ་སེམས་དཔས་རྟག་པར་རྒྱུན་དུ་མངོན་པར་བསྲུང་བར་བྱ་བའི་ཆོས་གཅིག་པོ་དེ་གང་ཞེ་ན། རིགས་ཀྱི་བུ་བྱང་ཆུབ་སེམས་དཔས་གང་བདག་མི་འདོད་པ་དེ་གཞན་ དག་ལ་མི་བྱའོ།།རིགས་ཀྱི་བུ་བྱང་ཆུབ་སེམས་དཔའ་གང་ལ་ལ་ཞིག་ཆོས་གཅིག་པོ་དེ་སྲུང་ན། དེས་དེ་བཞིན་གཤེགས་པའི་བསླབ་པའི་གཞི་ཐམས་ཅད་བསྲུངས་པར་འགྱུར་རོ། །དེ་ཅིའི་ཕྱིར་ཞེ་ན། རིགས་ཀྱི་བུ་གང་བདག་གི་སྲོག་ཕངས་པར་འཛིན་པ་དེ་སྲོག་མི་ གཅོད་དོ།།གང་བདག་གི་ནོར་ཕངས་པར་འཛིན་པ་དེ་མ་བྱིན་པར་མི་ལེན་ཏོ། །གང་བདག་གི་ཆུང་མ་ཕངས་པར་འཛིན་པ་དེ་གཞན་གྱི་ཆུང་མའི་གན་དུ་མི་འགྲོའོ། །རིགས་ཀྱི་བུ་དེ་ལ་སོགས་ཏེ། གང་ལ་ལ་ཞིག་འདི་སྙམ་དུ་དེ་བཞིན་གཤེགས་པའི་བཀའ་བཞིན་དུ་བྱའོ་ སྙམ་དུ་སེམས་པ་དེས་ཆོས་གཅིག་པོ་འདི་བསྲུང་བར་བྱའོ་ཞེས་བཤད་དོ།

以下是完整的直譯： 世尊如是宣說后，菩薩殊勝意如世尊所言諦聽，世尊又對他如是宣說：“善男子，菩薩應當捨棄的一法是什麼呢？即是貪慾法。善男子，這是應當捨棄的一法。 又有應當捨棄的一法，即是嗔恨法，這是應當捨棄的一法。 又有應當捨棄的一法，即是愚癡法，這是應當捨棄的一法。 又有應當捨棄的一法，即是我執，這是應當捨棄的一法。 又有應當捨棄的一法，即是懈怠，這是應當捨棄的一法。 又有應當捨棄的一法，即是昏沉睡眠，這是應當捨棄的一法。 又有應當捨棄的一法，即是貪愛，這是應當捨棄的一法。 善男子，菩薩又有應當捨棄的一法，即是無明。善男子，這是菩薩應當捨棄的一法。 善男子，菩薩應當常時恒常守護的一法是什麼呢？善男子，菩薩不應對他人做自己不願意的事。善男子，若有菩薩守護此一法，則能守護如來的一切學處。為什麼呢？善男子，珍惜自己生命的人不會殺生；珍惜自己財物的人不會偷盜；珍惜自己妻子的人不會親近他人妻子。善男子，諸如此類，凡是心想’我當如如來所教導的那樣去做’的人，應當守護這一法。”

།དེ་ཅིའི་ཕྱིར་ཞེ་ན། རིགས་ཀྱི་བུ་གང་ལ་ལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བ་དེ་དག་ཐམས་ཅད་ནི་རང་གི་བདེ་བའི་རྒྱུར་དོན་དུ་གཉེར་གྱི། །སུ་ཡང་བདག་སྡུག་བསྔལ་ བ་མི་འདོད་དེ།འགྲོ་བ་ནི་བདེ་བ་འདོད་ཅེས་བྱ་བའི་ཐ་ཚིག་གོ། །གང་ཁྱེད་ཅག་མི་འདོད་པ་དེ་གཞན་དག་ལ་མ་བྱེད་ཅིག་ཅེས་ང་སྨྲའོ། །རིགས་ཀྱི་བུ་འདི་ནི་གང་བྱང་ཆུབ་སེམས་དཔས་རྟག་པར་རྒྱུན་དུ་མངོན་པར་བསྲུང་བར་བྱ་བའི་ཆོས་གཅིག་གོ། །རིགས་ཀྱི་བུ་ གང་དེ་བཞིན་གཤེགས་པས་མངོན་པར་རྫོགས་པར་སངས་རྒྱས་པའི་ཆོས་གཅིག་པོ་དེ་གང་ཡིན་ཞེས་དེ་སྐད་ཟེར་བ་ནི་རིགས་ཀྱི་བུ་གང་དེ་བཞིན་གཤེགས་པས་མངོན་པར་རྫོགས་པར་སངས་རྒྱས་པའི་ཆོས་གཅིག་པོ་དེ་གང་ཡང་མེད་དོ།།རིགས་ཀྱི་བུ་གང་ལ་ཆོས་ གང་ཡང་རྟོགས་པ་མེད་པ་དེ་དེ་བཞིན་གཤེགས་པས་མངོན་པར་རྫོགས་པར་སངས་རྒྱས་པའོ།།རིགས་ཀྱི་བུ་ཡང་དེ་བཞིན་གཤེགས་པས་ཆོས་ཐམས་ཅད་མ་སྐྱེས་པར་ཐུགས་སུ་ཆུད་དོ། །དེ་བཞིན་གཤེགས་པས་ཆོས་ཐམས་ཅད་འགགས་པ་མེད་པར་ ཐུགས་སུ་ཆུད་དོ།།རིགས་ཀྱི་བུ་ཡང་དེ་བཞིན་གཤེགས་པས་ཆོས་ཐམས་ཅད་མཐའ་གཉིས་ལས་གྲོལ་བར་ཐུགས་སུ་ཆུད་དོ། །རིགས་ཀྱི་བུ་དེ་བཞིན་གཤེགས་པས་ཆོས་ཐམས་ཅད་མ་བྱུང་བར་ཐུགས་སུ་ཆུད་དོ། །རིགས་ཀྱི་བུ་དེ་བཞིན་གཤེགས་པས་ལས་བདག་ གིར་བྱ་བར་ཐུགས་སུ་ཆུད་དོ།།དེ་བཞིན་གཤེགས་པས་ཆོས་ཐམས་ཅད་རྒྱུ་དང་རྐྱེན་ལས་རག་ལས་པར་ཐུགས་སུ་ཆུད་དོ། །རིགས་ཀྱི་བུ་དེ་བཞིན་གཤེགས་པས་རྒྱུ་དང་རྐྱེན་ནི་གློག་དང་འདྲ་བར་ཐུགས་སུ་ཆུད་དོ། །དེ་བཞིན་གཤེགས་པས་རྒྱུ་དང་རྐྱེན་མེད་པ་ལས་ སྐྱེ་བ་མེད་པར་ཐུགས་སུ་ཆུད་དོ།།དེ་ལྟར་དེ་བཞིན་གཤེགས་པས་རྣམ་པར་སྣང་མཛད་ཀྱི་སྙིང་པོའི་ཆོས་ཉིད་ཐུགས་སུ་ཆུད་དོ། །ཅིའི་ཕྱིར་ཡོངས་སུ་རྟོག་པ་དག་རྣམ་པར་སྣང་མཛད་ཀྱི་སྙིང་པོ་ཞེས་སྨྲ་ཞེ་ན། རིགས་ཀྱི་བུ་འཇིག་རྟེན་པ་དང་། འཇིག་རྟེན་ལས་འདས་ པའི་ཡེ་ཤེས་ལ་སོགས་པ་གང་དག་ཅི་འབྱུང་བའི་མངལ་དེ་ཡིན་པའི་ཕྱིར་རོ།།གང་གི་ཚེ་ཡེ་ཤེས་དེའི་རང་བཞིན་ལ་ཡོངས་སུ་རྟོག་པ་དེའི་ཚེ་ཤེས་རབ་ཀྱི་ཕ་རོལ་ཏུ་ཕྱིན་པའི་མངལ་དུ་ཆུད་པ་ཡིན་ཏེ། དེའི་ཚེ་རྣམ་པར་སྣང་མཛད་ཀྱི་སྙིང་པོ་ཞེས་བྱ་བའི་མིང་འཐོབ་ བོ།།རིགས་ཀྱི་བུ་ཡང་དེ་བཞིན་གཤེགས་པས་ཆོས་ཐམས་ཅད་སྒྱུ་མ་དང་སྨིག་རྒྱུ་དང་འདྲ་བར་ཐུགས་སུ་ཆུད་དོ།

以下是完整的直譯： 為什麼呢？善男子，凡是追求無上正等正覺的人，都是爲了自己的安樂而追求，沒有人希望自己受苦。這就是所謂的”眾生欲求安樂”的意思。我說：你們不想要的，也不要加諸他人。善男子，這就是菩薩應當常時恒常守護的一法。 善男子，你問”如來所證悟的那一法是什麼”，善男子，如來所證悟的並沒有某一特定之法。善男子，於一切法無所證悟，這就是如來的證悟。善男子，如來又通達一切法無生。如來通達一切法無滅。善男子，如來又通達一切法遠離二邊。善男子，如來通達一切法本不存在。善男子，如來通達業是自作自受的。如來通達一切法依因緣而起。善男子，如來通達因緣如閃電般。如來通達無因無緣則無生。如此，如來通達毗盧遮那心要的法性。 為什麼說毗盧遮那心要呢？善男子，因為它是世間和出世間智慧等一切所生之處。當思維該智慧的自性時，即進入般若波羅蜜多的胎藏，此時獲得”毗盧遮那心要”之名。善男子，如來又通達一切法如幻如陽焰。

།དེ་བཞིན་གཤེགས་པས་རང་བཞིན་གྱིས་རྣམ་པར་གྲོལ་བའི་རང་གི་ཆོས་ཉིད་ཐུགས་སུ་ཆུད་དོ། །རྣམ་པར་གྲོལ་བ་གང་ཡིན་པ་དེ་རྣམ་པར་སྣང་ མཛད་ཀྱི་སྙིང་པོའི་ཆོས་ཉིད་དོ།།རིགས་ཀྱི་བུ་ཡང་དེ་བཞིན་གཤེགས་པས་ཆོས་ཀྱི་སྒོ་གཅིག་ཐུགས་སུ་ཆུད་དེ། རིགས་ཀྱི་བུ་གང་ལ་འགྲོ་བ་མེད་པ་དང་། འོང་བ་མེད་པ་དང་། རྒྱུ་མེད་པ་དང་། རྐྱེན་མེད་པ་དང་། འཆི་འཕོ་མེད་པ་དང་། སྐྱེ་ བ་མེད་པ་དང་།བླང་བ་མེད་པ་དང་། དོར་བ་མེད་པ་དང་། འགྲིབ་པ་མེད་པ་དང་། འཕེལ་བ་མེད་པ་དང་། རིགས་ཀྱི་བུ་གང་རང་བཞིན་གྱིས་རང་བཞིན་མེད་དེ། གང་ལ་དཔེར་བྱ་བར་མི་ནུས་པ་དང་། གང་ཡི་གེ་དང་ངེས་པའི་ཚིག་གིས་བརྗོད་པར་མི་ནུས་པའི་ ཆོས་ཀྱི་སྒོ་གཅིག་པོ་དེ་དེ་བཞིན་གཤེགས་པས་ཐུགས་སུ་ཆུད་དོ།།བཀོད་པའི་རྒྱལ་པོ་བསྟན་པ་ཡི་གེ་མེད་པའི་ཟ་མ་ཏོག་རྣམ་པར་སྣང་མཛད་ཀྱི་སྙིང་པོའི་ཆོས་ཀྱི་རྣམ་གྲངས་འདི་བཤད་པ་ན་ས་བཅུ་ལ་གནས་པའི་བྱང་ཆུབ་སེམས་དཔའི་མིག་ལ་རྡུལ་ཕྲ་རབ་ཇི་སྙེད་སྣང་ བར་འགྱུར་བ་དེ་སྙེད་ཀྱི་སེམས་ཅན་རྣམས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ།།དེ་སྙེད་གཅིག་གིས་དགྲ་བཅོམ་པ་ཉིད་མངོན་དུ་བྱས་སོ། །དེ་བས་ཆེས་མང་བའི་སེམས་ཅན་དག་སེམས་ཅན་དམྱལ་བ་ནས་ཤི་འཕོས་ནས་ལྷ་དང་མིར་སྐྱེས་ སོ།།བྱང་ཆུབ་སེམས་དཔའ་དུ་མ་ནི་ས་ཐོབ་པར་གྱུར་ཏོ། །བྱང་ཆུབ་སེམས་དཔའ་དུ་མ་ནི་ཏིང་ངེ་འཛིན་བརྒྱ་སྟོང་མངོན་དུ་གྱུར་ཏོ། །མང་དུ་ཅི་དགོས་ཏེ་གཏམ་འདི་ནི་སུ་ལ་ཡང་དོན་མེད་པར་མ་གྱུར་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་སྒྲ་གཅན་ཟིན་ ལ་བཀའ་སྩལ་པ།སྒྲ་གཅན་ཟིན་ཁྱོད་ངའི་ཆོས་ཀྱི་ཚུལ་འདི་གཟུང་བར་སྤྲོ་བར་གྱིས་ཤིག་།བཅོམ་ལྡན་འདས་ཀྱིས་བཀའ་སྩལ་མ་ཐག་ཏུ་སངས་རྒྱས་ཀྱི་མཐུས་འཁོར་དེ་ནས་བྱང་ཆུབ་སེམས་དཔའ་བྱེ་བ་ཕྲག་དགུ་སྟན་ལས་ལངས་ཏེ། བཅོམ་ལྡན་འདས་ལ་འདི་སྐད་ ཅེས་གསོལ་ཏོ།།བཅོམ་ལྡན་འདས་དེ་བཞིན་གཤེགས་པའི་ཆོས་ཀྱི་ཚུལ་འདི་བདག་ཅག་གིས་གཟུང་བར་བགྱིའོ། །སླད་མའི་ཚེ་སླད་མའི་དུས་ན་བྱང་ཆུབ་སེམས་དཔའི་སྣོད་དུ་འཚལ་བར་བགྱིས་ལ། འཇིག་རྟེན་གྱི་ཁམས་མི་མཇེད་དུ་ཡང་དག་པར་བཤད་པར་ བགྱིའོ།།རྒྱལ་པོ་ཆེན་པོ་བཞིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།

以下是完整的直譯： 如來通達自性本解脫的自法性。所謂解脫，即是毗盧遮那心要的法性。善男子，如來又通達一法門，善男子，即無去無來、無因無緣、無死無生、無取無舍、無減無增，善男子，自性無自性，不可譬喻，不可用文字和確定語言表達的這一法門，如來已通達。 當宣說這《莊嚴王所問無字寶篋毗盧遮那心要法門》時，與十地菩薩眼中所見微塵數等的眾生髮起無上正等正覺之心。同等數量的眾生證得阿羅漢果。更多的眾生從地獄死後轉生為天人或人。許多菩薩證得地位。許多菩薩現前百千三昧。何須多言，此說對任何人都不無益處。 然後，世尊對長老羅睺羅說道：“羅睺羅，你要歡喜受持我這個法門。“世尊剛說完，以佛陀威神力，從眾中有九億菩薩從座而起，對世尊如是說道：“世尊，我等將受持如來此法門。在未來世，我等將成為菩薩法器，並在娑婆世界如實宣說。“四大天王對世尊如是說道：

།བཅོམ་ལྡན་འདས་བདག་ཅག་གིས་གང་དག་འདི་ལྟ་བུའི་ཆོས་ཀྱི་སྣོད་དུ་གྱུར་པ་འབྱུང་བར་འགྱུར་བའི་བྱང་ཆུབ་སེམས་དཔའ་དེ་དག་གི་བསམ་པ་ཐམས་ཅད་ཡོངས་སུ་རྫོགས་པར་ བགྱིའོ།།དེ་ནས་བཅོམ་ལྡན་འདས་ཀྱིས་ཐམས་ཅད་དང་ལྡན་པའི་འཁོར་དེ་ལ་གཟིགས་ནས་བཀའ་སྩལ་པ། གྲོགས་པོ་དག་ཤིན་ཏུ་རྒྱས་པ་བསྡུས་པའི་ཡི་གེ་མེད་པའི་ཟ་མ་ཏོག་རྣམ་པར་སྣང་མཛད་ཀྱི་སྙིང་པོའི་ཆོས་ཀྱི་རྣམ་གྲངས་འདི་ཉན་པ་དེ་དག་ནི་དགེ་བའི་རྩ་བ་ ཆུང་ངུ་དང་ལྡན་པར་མི་འགྱུར་རོ།།དེ་ཅིའི་ཕྱིར་ཞེ་ན། ང་ལ་སྐྱེས་བུ་དམ་པ་དེ་དག་གིས་བཀུར་སྟིར་བྱས། བླ་མར་བྱས། བཙུན་པར་བྱས་པའི་ཕྱིར་རོ། །རིགས་ཀྱི་བུ་དེ་དག་ནི་ངའི་བྱང་ཆུབ་ཕྲག་པ་ལ་ཐོགས་པར་འགྱུར་རོ། །དེ་དག་གི་སྤོབས་པ་ཕུན་སུམ་ཚོགས་ པ་རྒྱུན་མི་འཆད་པར་འགྱུར་རོ།།དེ་དག་གི་སངས་རྒྱས་ཀྱི་ཞིང་ཤིན་ཏུ་ཡོངས་སུ་དག་པར་འགྱུར་རོ། །འཆི་བའི་དུས་ཀྱི་ཚེ་ན་ཡང་དེ་བཞིན་གཤེགས་པ་འོད་དཔག་མེད་ཉན་ཐོས་ཀྱི་དགེ་འདུན་གྱིས་ཡོངས་སུ་བསྐོར་ཅིང་བྱང་ཆུབ་སེམས་དཔའི་ཚོགས་ཀྱིས་མདུན་གྱིས་བལྟས་ ནས་མདུན་ན་བཞུགས་པར་གྱུར་ཏེ་མཐོང་བར་འགྱུར་རོ།།ང་ཡང་བྱང་ཆུབ་སེམས་དཔའ་འདི་དག་ཉིད་དང་ཐབས་ཅིག་ཏུ་རིའི་རྒྱལ་པོ་བྱ་རྒོད་ཀྱི་ཕུང་པོ་ལ་གནས་པར་མཐོང་བར་འགྱུར་རོ། །རིགས་ཀྱི་བུ་དེ་དག་གི་ཆོས་ཀྱི་མཛོད་མི་ཟད་པར་འགྱུར་རོ། །དེ་དག་ཚེ་རབས་དྲན་ པར་འགྱུར་རོ།།ངན་སོང་རྣམས་སུ་སྐྱེ་བར་མི་འགྱུར་རོ། །རིགས་ཀྱི་བུ་ང་ནི་འཇིག་རྟེན་ཐམས་ཅད་དང་མི་འཐུན་པའི་ཚིག་འདི་སྨྲ་སྟེ། རིགས་ཀྱི་བུ་དག་གལ་ཏེ་མཚམས་མེད་པ་ལྔ་བྱེད་པར་འགྱུར་ལ། ཆོས་ཀྱི་རྣམ་གྲངས་འདི་ལུས་ལ་བཏགས་སམ། ཡི་གེར་ འདྲི་འམ།ཀློག་གམ། ཀུན་ཆུབ་པར་བྱེད་ན་དེ་ནི་ངན་སོང་ངན་འགྲོ་ལོག་པར་ལྟུང་བར་འགྲོ་བར་ངས་མ་མཐོང་ངོ་། །བྱང་ཆུབ་སེམས་དཔའ་དེ་སངས་རྒྱས་ཐམས་ཅད་ཀྱིས་དབང་བསྐུར་ཞིང་མིག་ལྔ་ཐོབ་པར་འགྱུར་རོ། །དབང་པོ་ཉམས་པར་མི་འགྱུར་རོ། །སངས་ རྒྱས་ཐམས་ཅད་ཀྱིས་ཡོངས་སུ་བཟུང་ངོ་།།བྱང་ཆུབ་སེམས་དཔའ་ཐམས་ཅད་ཀྱིས་ཡོངས་སུ་བཟུང་ངོ་། །དེའི་ལས་ཚད་མེད་པ་རྣམ་པར་དག་པར་འགྱུར་རོ།

以下是完整的直譯： “世尊，我等將圓滿成就那些成為如此法器的菩薩們的一切願望。” 然後，世尊觀察具足一切的眷屬后說道：“朋友們，聽聞這極廣大簡略無字寶篋毗盧遮那心要法門的人，不會具有小善根。為什麼呢？因為那些善士們尊敬我、視我為上師、視我為尊者。善男子們，他們將擔負我的菩提。他們將獲得相續不斷的圓滿辯才。他們的佛土將極為清凈。在臨終之時，他們將見到無量光如來被聲聞僧眾圍繞、菩薩眾前導而住于面前。我也將與這些菩薩一同見到住于靈鷲山的情景。善男子們，他們的法藏將成為無盡藏。他們將憶念前世。他們不會轉生惡趣。 善男子們，我說這與一切世間不相順的話：善男子們，即使造作五無間罪，若能將此法門繫於身上，或書寫，或誦讀，或通達，我未見其墮入惡趣、惡道、邪道。該菩薩將受到一切佛的灌頂，獲得五眼。諸根不會衰損。將被一切佛攝受。將被一切菩薩攝受。其無量業將清凈。

།རིགས་ཀྱི་བུ་ཚིག་འདི་ནི་ཐ་མར་སྨྲ་སྟེ། དེ་མངོན་པར་རྫོགས་པར་སངས་རྒྱས་ པར་ངས་མཐོང་ངོ་།།བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཁྱད་པར་སེམས་ལ་སོགས་པ་བྱང་ཆུབ་སེམས་དཔའ་རྣམས་དང་། བརྒྱ་བྱིན་ལ་སོགས་པ་ལྷའི་བུ་རྣམས་དང་། རྒྱལ་པོ་ཆེན་པོ་བཞི་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།འཕགས་པ་ཡི་གེ་མེད་པའི་ཟ་མ་ཏོག་རྣམ་པར་སྣང་མཛད་ཀྱི་སྙིང་པོ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།

以下是完整的直譯： 善男子，我說這最後的話：我見他將現前圓滿成佛。 世尊說此語已，殊勝意等菩薩們、帝釋等天子們、四大天王以及天、人、阿修羅、乾闥婆等世間眾生皆大歡喜，讚歎世尊所說。 《聖無字寶篋毗盧遮那心要》大乘經終。

། །།རྒྱ་གར་གྱི་མཁན་པོ ་ཛི་ན་མི་ཏྲ་དང་།་དཱ་ན་ཤཱི་ལ་དང་། མུ་ནི་བརྨ་དང་། ཞུ་ཆེན་གྱི་ལོཙྪ་བ་བན་དེ་ཡེ་ཤེས་སྡེས་ཞུས་ནས་གཏན་ལ་ཕབ་པ།

以下是完整的直譯： 印度堪布吉那彌札、達那西拉、牟尼瓦瑪，及大校譯師班智耶謝德校訂潤色。