d0139聖金剛心陀羅尼大乘經c3.5s

D139 d0139位於德格甘珠爾第56函，相當於大正藏

　　1345 21 P0854 金剛場陀羅尼經 (1卷)〖 隋 阇那崛多譯〗 　　1344 21 P0850 金剛上味陀羅尼經 (1卷)〖 元魏 佛陀扇多譯〗

@##། །རྒྱ་གར་སྐད་དུ། ཨཱརྱ་བཛྲ་མཎྜ་ནཱ་མ་དྷཱ་ར་ཎཱི་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་རྡོ་རྗེའི་སྙིང་པོའི་གཟུངས་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས གཅིག་ན།བཅོམ་ལྡན་འདས་གངས་ཀྱི་རི་དང་ཉེ་བ་སྣ་ཚོགས་ཀྱི་གྲོང་གི་རྩཝའི་སྤྱིལ་པོ་ན། དགེ་སློང་སྟོང་དུ་ཚང་བའི་དགེ་སློང་གི་དགེ་འདུན་ཆེན་པོ་དང་། ཐབས་ཅིག་ཏུ་བཞུགས་ཏེ། དེ་ནས་བཅོམ་ལྡན་འདས་བསོད་སྙོམས་ཀྱི་ཟན་ཕྱིས་ལེན་པ་སྤངས་ཏེ། རྩཝའི་སྤྱིལ་པོར་སྐྱིལ་མོ་ཀྲུང་ བཅས་ནས་སྐུ་དྲང་པོར་བསྲང་སྟེ།དྲན་པ་མངོན་དུ་བཞག་ནས་བཞུགས་སོ། །དེ་ནས་དེའི་ཚེ་བཅོམ་ལྡན་འདས་ཆོས་ཐམས་ཅད་ལ་མཉམ་པ་ཉིད་དུ་གནས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་སྙོམས་པར་ཞུགས་མ་ཐག་ཏུ་དགེ་སློང་ གི་དགེ་འདུན་ཐམས་ཅད་ཀྱིས་བཅོམ་ལྡན་འདས་ད་ལྟར་ག་ལ་བཞུགས་པའི་སྐུ་མ་མཐོང་ངོ་།།དེ་ནས་སངས་རྒྱས་ཀྱི་མཐུས་ལྷ་རྣམས་ཀྱི་དབང་པོ་བརྒྱ་བྱིན་དང་། མི་མཇེད་ཀྱི་བདག་པོ་ཚངས་པ་དང་། གནས་གཙང་མའི་རིས་ཀྱི་ལྷའི་བུ་སུམ་ཁྲི་ཉིས་སྟོང་བཅོམ་ལྡན་འདས་ག་ ལ་བ་དེར་དོང་ངོ་།།དེ་ནས་ལྷ་རྣམས་ཀྱི་དབང་པོ་བརྒྱ་བྱིན་དང་། མི་མཇེད་ཀྱི་བདག་པོ་ཚངས་པ་འདི་སྙམ་དུ། བཅོམ་ལྡན་འདས་ད་ལྟར་གང་ན་བཞུགས་སྙམ་དུ་སེམས་པ་དང་། བཅོམ་ལྡན་འདས་རྩཝའི་སྤྱིལ་པོའི་ནང་ན་ཏིང་ངེ་འཛིན་ལ་སྙོམས་པར་ཞུགས་པ་དེ་དག་གིས་མཐོང་ངོ་། ། མཐོང་ནས་བཅོམ་ལྡན་འདས་ག་ལ་བ་དེར་དོང་སྟེ། བཅོམ་ལྡན་འདས་ཀྱི་སྤྱན་སྔར་ཅང་མི་སྨྲ་བར་སྐྱིལ་མོ་ཀྲུང་བཅས་ཏེ་འཁོད་དོ། །གནས་གཙང་མའི་རིས་ཀྱི་ལྷའི་བུ་རྣམས་ཀྱང་ཅང་མི་སྨྲ་བར་བཅོམ་ལྡན་འདས་ཀྱི་སྤྱན་སྔ་དེ་ཉིད་དུ་སྐྱིལ་མོ་ཀྲུང་བཅས་ཏེ་འཁོད་དོ། །དེ་ནས་དེའི་ཚེ བཅོམ་ལྡན་འདས་ཀྱིས་འདི་ལྟ་བུའི་རྫུ་འཕྲུལ་མངོན་པར་འདུ་མཛད་པ་མངོན་པར་མཛད་དོ།

以下是簡體中文直譯： 印度語為：阿耶瓦日拉曼達那瑪達拉尼瑪哈雅那蘇特拉。藏語為：聖金剛心陀羅尼名大乘經。 禮敬所有佛陀和菩薩。 我如是聽聞：一時，世尊在靠近雪山的各種村莊的草廬中，與一千位比丘的大比丘僧團共同住在一起。那時，世尊捨棄了午後乞食，在草廬中結跏趺坐，身體挺直，正念現前而住。然後，那時世尊入于名為”一切法平等性”的三昧。世尊剛入定時，所有比丘僧團都看不到世尊當時所在的身體。 然後，以佛陀的神力，天眾之王帝釋和娑婆世界主梵天，以及三萬二千凈居天子來到世尊所在之處。然後，天眾之王帝釋和娑婆世界主梵天心想：“世尊現在住在哪裡？“他們看到世尊在草廬內入於三昧。看到后，他們來到世尊所在之處，在世尊面前默然結跏趺坐而住。凈居天子們也默然在世尊面前結跏趺坐而住。 然後，那時世尊顯現如此神通變化：

།ཇི་ལྟ་བུའི་རྫུ་འཕྲུལ་མངོན་པར་འདུ་མཛད་པ་མངོན་པར་མཛད་པས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན། བྱང་ཆུབ་སེམས་དཔའི་ཐེག་པ་པའི་གང་ཟག་ཐེག་པ་ལ་གསར་དུ་ ཡང་དག་པར་ཞུགས་པའམ།ཐེག་པ་ལ་ཡང་དག་པར་ཞུགས་ནས་རིང་དུ་ལོན་པའམ། ཕྱིར་མི་ལྡོག་པའམ། སྐྱེ་བ་གཅིག་གིས་ཐོགས་པ་ཡང་རུང་སྟེ། ཇི་སྙེད་འཁོད་པ་དེ་དག་ཐམས་ཅད་སྣ་ཚོགས་ཀྱི་གྲོང་ག་ལ་བ་དང་། རྩཝའི་སྤྱིལ་པོ་ག་ལ་བ་དེར་དོང་སྟེ་ཕྱིན་པ་དང་། སངས་རྒྱས་ཀྱི་ མཐུས་མི་གང་ཙམ་གྱི་བར་སྣང་ལ་སྐྱིལ་མོ་ཀྲུང་བཅས་ཏེ་འཁོད་དོ།།དེ་ནས་དེའི་ཚེ་འཇམ་དཔལ་གཞོན་ནུར་གྱུར་པས། སེམས་ཅན་ཐམས་ཅད་ཀྱི་སེམས་མགུ་བར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་འཇམ་དཔལ་གཞོན་ནུར་གྱུར་པ་ཏིང་ངེ་ འཛིན་འདི་ལ་སྙོམས་པར་ཞུགས་མ་ཐག་ཏུ་འཁོར་དེ་དག་ཐམས་ཅད་སེམས་རབ་ཏུ་དགའ་བ་དང་།སེམས་མགུ་བ་དང་། སེམས་རངས་པ་དང་། སེམས་ཤིན་ཏུ་ཚིམ་པ་སྐྱེས་སོ། །དེ་ནས་དེའི་ཚེ་བྱང་ཆུབ་སེམས་དཔའ་བྱམས་པས་ཆོས་ཐམས་ཅད་རབ་ཏུ་ཞི་བ་ཞེས་བྱ་བའི་ཏིང་ངེ་ འཛིན་ལ་སྙོམས་པར་ཞུགས་སོ།།བྱང་ཆུབ་སེམས་དཔའ་བྱམས་པ་ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ་འཁོར་དེ་དག་ཐམས་ཅད་ཀྱི་དབང་པོ་རྣམས་རབ་ཏུ་ཞི་བར་གནས་སོ། །དེ་ནས་བྱང་ཆུབ་སེམས་དཔའ་རིན་པོ་ཆེའི་ཏོག་ཅེས་བྱ་བ། །བྱང་ཆུབ་སེམས་དཔའ་དྲུག་ཁྲི་ ཉིས་སྟོང་དང་།ལྷན་ཅིག་ཏུ་སྣ་ཚོགས་ཀྱི་གྲོང་ག་ལ་བ་དང་། རྩཝའི་སྤྱིལ་པོ་ག་ལ་བ་དེར་སོང་སྟེ། ཕྱིན་མ་ཐག་ཏུ་བདག་ཉིད་སྟེང་གི་ནམ་མཁའ་བར་སྣང་ལ་འདུག་པ་སྙམ་དུ་ཤེས་ཏེ། དེ་སྟེང་གི་ནམ་མཁའ་དེ་ཉིད་ལ་སྐྱིལ་མོ་ཀྲུང་བཅས་ཏེ་འདུག་གོ། །དེ་ནས་དེའི་ཚེ་བྱང་ཆུབ་སེམས་ དཔའ་རིན་པོ་ཆེའི་ཏོག་བཀོད་པ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།།བྱང་ཆུབ་སེམས་དཔའ་རིན་པོ་ཆེའི་ཏོག་ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ་དེ་ནས་བར་སྣང་ཐམས་ཅད་མེ་ཏོག་ཨུད་པ་ལ་དང་། པད་མ་དང་། ཀུ་མུ་ད་དང་། པད་མ་དཀར་པོས་ཀུན་ཏུ་ ཁེབས་ནས།ཉི་མ་དང་། ཟླ་བ་རྣམས་ཀྱི་འོད་ཀྱང་མི་སྣང་བར་གྱུར་ཏོ།

以下是簡體中文直譯： 顯現如此神通變化，導致三千大千世界中，凡是菩薩乘的人，無論是剛剛正確進入乘道的，或是已經正確進入乘道很久的，或是不退轉的，或是一生補處的，所有這些人都來到了各種村莊和草廬所在之處。到達后，以佛陀的威力，他們都在一人高的虛空中結跏趺坐而住。 然後，那時文殊師利童子入于名為”令一切眾生心喜悅”的三昧。文殊師利童子剛入此定，所有眷屬都生起了極其歡喜的心、愉悅的心、欣喜的心和非常滿足的心。 然後，那時菩薩彌勒入于名為”一切法極寂靜”的三昧。菩薩彌勒剛入此定，所有眷屬的諸根都極為寂靜而住。 然後，名為寶髻的菩薩與六萬二千菩薩一起來到各種村莊和草廬所在之處。一到那裡，他們就知道自己處於上方虛空中，於是在那上方虛空中結跏趺坐而住。 然後，那時寶髻菩薩入于名為”大莊嚴”的三昧。寶髻菩薩剛入此定，隨即所有虛空都遍佈了烏怛缽羅花、蓮花、拘物陀花和白蓮花，以至於日月的光芒都不再顯現。

།དེ་ནས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་།བྱང་ཆུབ་སེམས་དཔའ་དྲུག་ཁྲི་ཉིས་སྟོང་དང་ལྷན་ཅིག་ཏུ་སྟེང་གི་ནམ་མཁའ་ལས་སྣ་ཚོགས་ཀྱི་གྲོང་ཁྱེར་ག་ལ་བ་དང་། བཅོམ་ལྡན་འདས་ ག་ལ་བ་དེར་སོང་སྟེ་ཕྱིན་མ་ཐག་ཏུ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ས་ལ་འདུག་མ་ནུས་ནས།དེ་བྱང་ཆུབ་སེམས་དཔའ་ལྷག་མ་དེ་དག་དང་། ལྷན་ཅིག་ཏུ་སྟེང་གི་བར་སྣང་ནམ་མཁའ་ལ་སྐྱིལ་མོ་ཀྲུང་བཅས་ཏེ་འདུག་གོ། །འདུག་མ་ཐག་ཏུ་དེའི་ཚེ་ བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་སེམས་ཅན་ཐམས་ཅད་ཀྱི་ཉོན་མོངས་པ་འཇོམས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།།བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་།ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ་དེ་ནས་ འཁོར་དེ་དག་ཐམས་ཅད་ཀྱི་འདོད་ཆགས་དང་།ཞེ་སྡང་དང་། གཏི་མུག་དང་། ཉོན་མོངས་པ་ཐམས་ཅད་རབ་ཏུ་ཞི་བར་གྱུར་ཏོ། །དེ་ནས་དེའི་ཚེ་བཅོམ་ལྡན་འདས་སྟེང་གི་བར་སྣང་ལ་འཕགས་ནས་འཛུམ་པ་མཛད་དོ། །དེ་ནས་བཅོམ་ལྡན་འདས་ཀྱི་ཞལ་གྱི་སྒོ་ནས་འོད་ཟེར་ཁ་ དོག་དུ་མ་འདི་ལྟ་སྟེ།སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། བཙོད་ཀ་དང་། ཤེལ་དང་། དངུལ་གྱི་ཁ་དོག་ལྟ་བུ་དག་བྱུང་ངོ་། །དེ་ནས་དེའི་ཚེ་འཇམ་དཔལ་གཞོན་ནུར་གྱུར་པས་སྟེང་གི་བར་སྣང་ལ་གོས་ཕྲག་པ་གཅིག་ཏུ་བགོས་ཏེ། པུས་མོ་གཡས་པའི་ ལྷ་ང་བར་སྣང་དེ་ཉིད་ལ་བཙུགས་ནས།བཅོམ་ལྡན་འདས་ག་ལ་བ་དེ་ལོགས་སུ་ཐར་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འཛུམ་པ་མཛད་པའི་རྒྱུ་ནི་གང་ལགས། རྐྱེན་ནི་གང་ལགས། བཅོམ་ལྡན་འདས་ཀྱིས་བཀའ་སྩལ་ པ།འཇམ་དཔལ་བར་སྣང་འདིར་སངས་རྒྱས་ཁྲི་རྣམས་ཀྱིས་བྱང་ཆུབ་སེམས་དཔའ་རྣམས་ལ་རྡོ་རྗེའི་སྙིང་པོའི་གཟུངས་ཞེས་བྱ་བ་བཤད་དེ། ཡང་དག་པར་རབ་ཏུ་བསྟན་ཏོ། །འཇམ་དཔལ་གྱིས་གསོལ་པ། བཅོམ་ལྡན་འདས་ཀྱིས་ད་ཡང་བྱང་ཆུབ་སེམས་དཔའ་འདི་རྣམས་ལ་ རྡོ་རྗེའི་སྙིང་པོའི་གཟུངས་བཤད་དུ་གསོལ།བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་ཆོག་གོ། །རྡོ་རྗེའི་སྙིང་པོའི་གཟུངས་ལ་བྱང་ཆུབ་ཀྱང་མེད། སངས་རྒྱས་ཀྱི་ཆོས་རྣམས་ཀྱང་མེད་ན། བྱང་ཆུབ་སེམས་དཔའ་འདི་དག་ནི་བྱང་ཆུབ་མངོན་པར་རྫོགས་པར་འཚང་རྒྱ་ བར་འདོད་དོ།

以下是簡體中文直譯： 然後，聖觀世音菩薩與六萬二千菩薩一起從上方虛空來到各種村莊和世尊所在之處。一到那裡，觀世音菩薩無法坐在地上，於是他與其餘菩薩們一起在上方虛空中結跏趺坐而住。剛坐下時，那時觀世音菩薩入于名為”摧毀一切眾生煩惱”的三昧。觀世音菩薩剛入此定，隨即所有眷屬的貪慾、嗔恨、愚癡和一切煩惱都極為寂靜。 然後，那時世尊升至上方虛空並露出微笑。接著，從世尊口中放出多種顏色的光芒，如藍色、黃色、紅色、白色、紅花色、水晶色和銀色等。 然後，那時文殊師利童子在上方虛空中偏袒右肩，右膝著地，向世尊所在方向合掌頂禮，對世尊如是說道：“世尊微笑的因是什麼？緣是什麼？” 世尊回答說：“文殊，在這虛空中，千佛向諸菩薩宣說並正確開示名為’金剛心陀羅尼’的教法。” 文殊說道：“請世尊也為這些菩薩宣說金剛心陀羅尼。” 世尊回答說：“文殊，夠了。金剛心陀羅尼中既無菩提，也無諸佛法，然而這些菩薩卻希望證得無上正等正覺。”

།རྡོ་རྗེའི་སྙིང་པོའི་གཟུངས་ལ་འཁོར་བ་ཡང་མེད། མྱ་ངན་ལས་འདས་པ་ཡང་མེད་ན། བྱང་ཆུབ་སེམས་དཔའ་འདི་དག་ནི་ཡོངས་སུ་མྱ་ངན་ལས་འདའ་བར་འདོད་དོ། །རྡོ་རྗེའི་སྙིང་པོའི་གཟུངས་ལ་དགེ་བ་ཡང་མེད། མི་དགེ་བ་ཡང་མེད་ན། བྱང་ཆུབ་སེམས་དཔའ་ འདི་དག་ནི་མི་དགེ་བ་སྤོང་བར་འདོད་དོ།།རྡོ་རྗེའི་སྙིང་པོའི་གཟུངས་ལ་ཕ་རོལ་ཡང་མེད། ཚུ་རོལ་ཡང་མེད་ན། འདི་དག་ནི་ཕ་རོལ་ཏུ་འགྲོ་བར་འདོད་དོ། །རྡོ་རྗེའི་སྙིང་པོའི་གཟུངས་ལ་ཞིང་ཡང་མེད། ཞིང་ཡོངས་སུ་གྲུབ་པ་ཡང་མེད་ན། འདི་དག་ནི་ཞིང་ཡོངས་སུ་བསྒྲུབ་པར་ འདོད་དོ།།རྡོ་རྗེའི་སྙིང་པོའི་གཟུངས་ལ་བདུད་ཀྱང་མེད། བདུད་དུ་གདགས་པ་ཡང་མེད་ན། འདི་དག་ནི་བདུད་འདུལ་བར་འདོད་དོ། །རྡོ་རྗེའི་སྙིང་པོའི་གཟུངས་ལ་ཉན་ཐོས་ཀྱང་མེད། ཉན་ཐོས་སུ་གདགས་པ་ཡང་མེད་ན། འདི་དག་ནི་ཉན་ཐོས་ཀྱི་ཆོས་ལས་འདའ་བར་འདོད་དོ། ། རྡོ་རྗེའི་སྙིང་པོའི་གཟུངས་ལ་རང་སངས་རྒྱས་ཀྱང་མེད་དེ། རང་སངས་རྒྱས་སུ་གདགས་པ་ཡང་མེད་ན། འདི་དག་ནི་རང་སངས་རྒྱས་ཀྱི་ཆོས་ལས་འདའ་བར་འདོད་དོ། །རྡོ་རྗེའི་སྙིང་པོའི་གཟུངས་ལ་སེམས་ཅན་ཡང་མེད། སེམས་ཅན་དུ་གདགས་པ་ཡང་མེད་ན། འདི་དག་ནི སེམས་ཅན་རྣམས་ཡོངས་སུ་མྱ་ངན་ལས་བཟླ་བར་འདོད་དོ།།རྡོ་རྗེའི་སྙིང་པོའི་གཟུངས་ལ་དོན་ཀྱང་མེད། དོན་མ་ཡིན་པ་ཡང་མེད་ན། འདི་དག་ནི་དོན་བྱེད་པར་འདོད་དོ། །རྡོ་རྗེའི་སྙིང་པོའི་གཟུངས་ལ་འདོད་ཆགས་ཀྱང་མེད། འདོད་ཆགས་སུ་གདགས་པ་ཡང་མེད་ན། འདི་དག་ ནི་འདོད་ཆགས་སྤོང་བར་འདོད་དོ།།རྡོ་རྗེའི་སྙིང་པོའི་གཟུངས་ལ་ཞེ་སྡང་ཡང་མེད། ཞེ་སྡང་དུ་གདགས་པ་ཡང་མེད་ན། འདི་དག་ནི་ཞེ་སྡང་སྤོང་བར་འདོད་དོ། །རྡོ་རྗེའི་སྙིང་པོའི་གཟུངས་ལ་གཏི་མུག་ཀྱང་མེད། གཏི་མུག་ཏུ་གདགས་པ་ཡང་མེད་ན། འདི་དག་ནི་གཏི་མུག་སྤོང་བར་ འདོད་དོ།།རྡོ་རྗེའི་སྙིང་པོའི་གཟུངས་ལ་ཤེས་པ་ཡང་མེད། མི་ཤེས་པ་ཡང་མེད་ན། འདི་དག་ནི་ཤེས་པ་མངོན་སུམ་དུ་བྱེད་པར་འདོད་དོ། །རྡོ་རྗེའི་སྙིང་པོའི་གཟུངས་ལ་ཀུན་ནས་ཉོན་མོངས་པ་ཡང་མེད། ཀུན་ནས་ཉོན་མོངས་པར་གདགས་པ་ཡང་མེད་ན། འདི་དག་ནི་ཀུན་ནས་ཉོན་ མོངས་པ་སྤོང་བར་འདོད་དོ།

以下是簡體中文直譯： 金剛心陀羅尼中既無輪迴，也無涅槃，然而這些菩薩卻希望證得圓寂。金剛心陀羅尼中既無善，也無不善，然而這些菩薩卻希望斷除不善。金剛心陀羅尼中既無彼岸，也無此岸，然而這些菩薩卻希望到達彼岸。金剛心陀羅尼中既無佛土，也無佛土圓成，然而這些菩薩卻希望成就佛土。金剛心陀羅尼中既無魔，也無魔的假立，然而這些菩薩卻希望降伏魔。金剛心陀羅尼中既無聲聞，也無聲聞的假立，然而這些菩薩卻希望超越聲聞法。金剛心陀羅尼中既無緣覺，也無緣覺的假立，然而這些菩薩卻希望超越緣覺法。金剛心陀羅尼中既無眾生，也無眾生的假立，然而這些菩薩卻希望度化眾生使其證得圓寂。金剛心陀羅尼中既無義，也無非義，然而這些菩薩卻希望行利益之事。金剛心陀羅尼中既無貪慾，也無貪慾的假立，然而這些菩薩卻希望斷除貪慾。金剛心陀羅尼中既無嗔恨，也無嗔恨的假立，然而這些菩薩卻希望斷除嗔恨。金剛心陀羅尼中既無愚癡，也無愚癡的假立，然而這些菩薩卻希望斷除愚癡。金剛心陀羅尼中既無知，也無無知，然而這些菩薩卻希望現證智慧。金剛心陀羅尼中既無煩惱，也無煩惱的假立，然而這些菩薩卻希望斷除煩惱。

།རྡོ་རྗེའི་སྙིང་པོའི་གཟུངས་ལ་རྣམ་པར་བྱང་བ་ཡང་མེད། རྣམ་པར་བྱང་བར་གདགས་པ་ཡང་མེད། འདུལ་བ་ཡང་མེད། འདུལ་བ་མ་ཡིན་པ་ཡང་མེད། བྱམས་པ་ཡང་མེད། སྙིང་རྗེ་ཡང་མེད། དགའ་བ་ཡང་མེད། བཏང་ སྙོམས་ཀྱང་མེད།སྦྱིན་པ་ཡང་མེད། སེར་སྣ་ཡང་མེད། ཚུལ་ཁྲིམས་ཀྱང་མེད། འཆལ་བའི་ཚུལ་ཁྲིམས་ཀྱང་མེད། བཟོད་པ་ཡང་མེད། གནོད་སེམས་ཀྱང་མེད། བརྩོན་འགྲུས་ཀྱང་མེད། ལེ་ལོ་ཡང་མེད། བསམ་གཏན་ཡང་མེད། རྣམ་པར་གཡེང་བ་ཡང་མེད། ཤེས་རབ་ཀྱང་མེད། འཆལ་བའི་ཤེས་རབ་ཀྱང་མེད། ལྟུང་བ་ཡང་མེད། མི་ལྟུང་བ་ཡང་མེད། ཉན་ཐོས་ཀྱང་མེད། རང་སངས་རྒྱས་ཀྱང་མེད། དེ་བཞིན་གཤེགས་པ་ཡང་མེད། ཆོས་ཀྱང་མེད། ཆོས་མ་ཡིན་པ་ཡང་མེད། ཟབ་མོ་མ་ཡིན་པ་ཡང་མེད། སླ་བ ཡང་མེད།ཤེས་པ་ཡང་མེད། མི་ཤེས་པ་ཡང་མེད། ཐོབ་པ་ཡང་མེད། མངོན་པར་རྟོགས་པ་ཡང་མེད། འཁོར་བ་ཡང་མེད། མྱ་ངན་ལས་འདས་པ་ཡང་མེད། དྲན་པ་ཉེ་བར་གཞག་པ་རྣམས་ཀྱང་མེད། ཡང་དག་པར་སྤོང་བ་རྣམས་ཀྱང་མེད། རྫུ་འཕྲུལ་གྱི་རྐང་ པ་རྣམས་ཀྱང་མེད།དབང་པོ་རྣམས་ཀྱང་མེད། སྟོབས་རྣམས་ཀྱང་མེད། བྱང་ཆུབ་ཀྱི་ཡན་ལག་རྣམས་ཀྱང་མེད། ལམ་ཡང་མེད་དོ། །འཇམ་དཔལ་རྡོ་རྗེའི་སྙིང་པོའི་གཟུངས་ཐོབ་པར་འདོད་པའི་བྱང་ཆུབ་སེམས་དཔས་སོ་སོའི་སྐྱེ་བོའི་ཆོས་རྣམས་ལ་གནས་པར་མི་བྱའོ། ། སོ་སོའི་སྐྱེ་བོའི་ཆོས་རྣམས་གཟུང་བར་མི་བྱ། དོར་བར་མི་བྱ། རྣམ་པར་བསྒྲུབ་པར་མི་བྱ། འདའ་བར་མི་བྱ། འཕོ་བར་མི་བྱ། བཏང་སྙོམས་སུ་གནས་པར་མི་བྱ། བསམ་པར་མི་བྱ། མངོན་པར་འབྱུང་བར་མི་བྱ། ལེ་ལོར་མི་བྱ། ཆགས་པར་མི་བྱ། མི་ཆགས་པར མི་བྱ།ཡོངས་སུ་ཡི་ཆད་པར་མི་བྱ། རེག་པར་མི་བྱའོ། །སོ་སོ་སྐྱེ་བོའི་ཆོས་རྣམས་ལ་ཀུན་ནས་ཉོན་མོངས་པར་འདུ་ཤེས་བསྐྱེད་པར་མི་བྱ། སྦྱིན་པར་འདུ་ཤེས་བསྐྱེད་པར་མི་བྱ། བཏང་བར་འདུ་ཤེས་བསྐྱེད་པར་མི་བྱའོ། །སོ་སོ་སྐྱེ་བོའི་ཆོས་རྣམས་ཀྱང་སངས་རྒྱས་ཀྱི་ ཆོས་སུ་མ་གཏོགས་པར་བལྟ་བར་མི་བྱ།སངས་རྒྱས་ཀྱི་ཆོས་རྣམས་སོ་སོ་སྐྱེ་བོའི་ཆོས་རྣམས་དང་སྦྱར་བར་མི་བྱ། སོ་སོ་སྐྱེ་བོའི་ཆོས་རྣམས་དང་སངས་རྒྱས་ཀྱི་ཆོས་རྣམས་སྦྱར་བར་མི་བྱ། སོ་སོ་སྐྱེ་བོའི་ཆོས་རྣམས་དམིགས་པར་མི་བྱ། ཉན་ཐོས་ཀྱི་ཆོས་རྣམས་དང་། རང་ སངས་རྒྱས་ཀྱི་ཆོས་རྣམས་སྦྱར་བར་མི་བྱའོ།

以下是簡體中文直譯： 金剛心陀羅尼中既無清凈，也無清凈的假立，無調伏，無非調伏，無慈，無悲，無喜，無舍，無佈施，無慳吝，無持戒，無破戒，無忍辱，無害心，無精進，無懈怠，無禪定，無散亂，無智慧，無惡慧，無墮落，無不墮落，無聲聞，無緣覺，無如來，無法，無非法，無甚深，無淺顯，無知，無無知，無獲得，無證悟，無輪迴，無涅槃，無念住，無正斷，無神足，無根，無力，無覺支，無道。 文殊，欲得金剛心陀羅尼的菩薩不應住于凡夫法。不應執取凡夫法，不應捨棄，不應修習，不應超越，不應轉移，不應保持平等，不應思維，不應顯現，不應懈怠，不應執著，不應不執著，不應完全失望，不應觸碰。不應對凡夫法生起煩惱想，不應生起佈施想，不應生起捨棄想。不應視凡夫法為不屬於佛法，不應將佛法與凡夫法相聯繫，不應將凡夫法與佛法相聯繫，不應緣取凡夫法，不應將聲聞法和緣覺法相聯繫。

།སངས་རྒྱས་ཀྱི་ཆོས་རྣམས་ཀྱང་གཟུང་བར་མི་བྱ། སོ་སོ་སྐྱེ་བོའི་ཆོས་རྣམས་ཀྱང་དོར་བར་མི་བྱ། སོ་སོ་སྐྱེ་བོའི་ཆོས་རྣམས་བསྲུང་བར་བྱ། སངས་རྒྱས་ཀྱི་ཞིང་ཡོངས་སུ་དག་པ་ལ་ཡང་གནས་པར་མི་བྱ་སྟེ། སྨོན་ལམ་ ཡང་མི་གཏོང་ངོ་།།དེ་ཅིའི་ཕྱིར་ཞེ་ན། འཇམ་དཔལ་རྡོ་རྗེའི་སྙིང་པོའི་གཟུངས་ནི་རྣམ་པར་མི་རྟོག་པ་སྟེ། འདོད་ཆགས་སུ་ཡང་དག་པར་འདུ་བ། ཞེ་སྡང་དུ་ཡང་དག་པར་འདུ་བ། གཏི་མུག་ཏུ་ཡང་དག་པར་འདུ་བ། བུད་མེད་དུ་ཡང་དག་པར་འདུ་བ། སྐྱེས་པར་ཡང་དག་པར་ འདུ་བ།ལྷར་ཡང་དག་པར་འདུ་བ། ཀླུར་ཡང་དག་པར་འདུ་བ། གནོད་སྦྱིན་དུ་ཡང་དག་པར་འདུ་བ། དྲི་ཟར་ཡང་དག་པར་འདུ་བ། ལྷ་མ་ཡིན་དུ་ཡང་དག་པར་འདུ་བ། ནམ་མཁའ་ལྡིང་དུ་ཡང་དག་པར་འདུ་བ། ལྟོ་འཕྱེ་ཆེན་པོར་ཡང་དག་པར་འདུ་བ། སངས་རྒྱས་སུ་ཡང་དག་ པར་འདུ་བ།ཆོས་སུ་ཡང་དག་པར་འདུ་བ། དགེ་འདུན་དུ་ཡང་དག་པར་འདུ་བ། ཉན་ཐོས་སུ་ཡང་དག་པར་འདུ་བ། རང་སངས་རྒྱས་སུ་ཡང་དག་པར་འདུ་བ། སེམས་ཅན་དམྱལ་བར་ཡང་དག་པར་འདུ་བ། དུད་འགྲོའི་སྐྱེ་གནས་སུ་ཡང་དག་པར་འདུ་བ། གཤིན་རྗེའི་ འཇིག་རྟེན་དུ་ཡང་དག་པར་འདུ་བ།ངན་པར་ཡང་དག་པར་འདུ་བ། བཟང་པོར་ཡང་དག་པར་འདུ་བ། སར་ཡང་དག་པར་འདུ་བ། ཆུར་ཡང་དག་པར་འདུ་བ། མེར་ཡང་དག་པར་འདུ་བ། རླུང་དུ་ཡང་དག་པར་འདུ་བ། མིག་ཏུ་ཡང་དག་པར་འདུ་བ། རྣ་བར་ཡང་དག་པར་འདུ་བ། སྣར་ཡང་དག་པར་འདུ་བ། ལྕེར་ཡང་དག་པར་འདུ་བ། ལུས་སུ་ཡང་དག་པར་འདུ་བ། ཡིད་དུ་ཡང་དག་པར་འདུ་བ་སྟེ། འཇམ་དཔལ་རྡོ་རྗེའི་སྙིང་པོའི་གཟུངས་ནི་ཆོས་ཐམས་ཅད་དུ་ཡང་དག་པར་འདུ་བའོ། །འཇམ་དཔལ་འདི་ལྟ་སྟེ། དཔེར་ན་ཤར་ཕྱོགས་ཀྱི་ནམ་མཁའི་ཁམས གང་ཡིན་པ་དང་།ལྷོ་ཕྱོགས་ཀྱི་གང་ཡིན་པ་དང་། ནུབ་ཕྱོགས་ཀྱི་གང་ཡིན་པ་དང་། བྱང་ཕྱོགས་ཀྱི་གང་ཡིན་པ་དང་། འོག་གི་གང་ཡིན་པ་དང་། སྟེང་གི་ནམ་མཁའི་ཁམས་གང་ཡིན་པ་དེ་དག་ཐམས་ཅད་ནམ་མཁའི་ཁམས་སུ་ཡང་དག་པར་འདུ་བར་འགྱུར་བ་དེ་ བཞིན་དུ་འཇམ་དཔལ་རྡོ་རྗེའི་སྙིང་པོའི་གཟུངས་འདི་ཡང་ཆོས་ཐམས་ཅད་དུ་ཡང་དག་པར་འདུ་བར་འགྱུར་རོ།།དེ་སྐད་ཅེས་བཀའ་སྩལ་པ་དང་། འཇམ་དཔལ་གཞོན་ནུར་གྱུར་པས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།

以下是簡體中文直譯： 不應執取佛法，不應捨棄凡夫法，應守護凡夫法，不應住于清凈佛土，也不應捨棄誓願。 為什麼呢？文殊，金剛心陀羅尼是無分別的，是貪慾的真實聚集，是嗔恨的真實聚集，是愚癡的真實聚集，是女性的真實聚集，是男性的真實聚集，是天神的真實聚集，是龍的真實聚集，是夜叉的真實聚集，是乾闥婆的真實聚集，是阿修羅的真實聚集，是迦樓羅的真實聚集，是摩睺羅伽的真實聚集，是佛的真實聚集，是法的真實聚集，是僧的真實聚集，是聲聞的真實聚集，是緣覺的真實聚集，是地獄眾生的真實聚集，是畜生的真實聚集，是閻魔世界的真實聚集，是惡的真實聚集，是善的真實聚集，是地的真實聚集，是水的真實聚集，是火的真實聚集，是風的真實聚集，是眼的真實聚集，是耳的真實聚集，是鼻的真實聚集，是舌的真實聚集，是身的真實聚集，是意的真實聚集。文殊，金剛心陀羅尼是一切法的真實聚集。 文殊，譬如東方虛空界，南方虛空界，西方虛空界，北方虛空界，下方虛空界，上方虛空界，這一切都真實聚集於虛空界。同樣地，文殊，這金剛心陀羅尼也真實聚集於一切法。 說完這些話后，文殊師利童子對世尊如是說道：

།བཅོམ་ལྡན་འདས་ཇི་ལྟར་ན་འདོད་ཆགས་ གཟུངས་ཀྱི་གཞི་ལགས།བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་འདོད་ཆགས་འདོད་ཆགས་ཞེས་བྱ་བ་ནི་ཤར་ཕྱོགས་ནས་འོངས་ཏེ་སེམས་ཅན་རྣམས་ལ་ཀུན་ནས་ཉོན་མོངས་པར་བྱེད་པ་མ་ཡིན། ལྷོ་ཕྱོགས་ནས་མ་ཡིན། ནུབ་ཕྱོགས་ནས་མ་ཡིན། བྱང་ ཕྱོགས་ནས་མ་ཡིན།འོག་ནས་མ་ཡིན། སྟེང་གི་ཕྱོགས་ནས་མ་འོངས་ཏེ། སེམས་ཅན་རྣམས་ལ་ཀུན་ནས་ཉོན་མོངས་པར་བྱེད་པ་མ་ཡིན་ནོ། །ནང་ནས་སྐྱེས་ཏེ། སེམས་ཅན་རྣམས་ལ་ཀུན་ནས་ཉོན་མོངས་པར་བྱེད་པ་མ་ཡིན། ཕྱི་རོལ་ནས་ཀྱང་མ་ཡིན་ནོ། །འཇམ་ དཔལ་གལ་ཏེ་འདོད་ཆགས་ནང་ནས་ལངས་ཏེ་སེམས་ཅན་རྣམས་ལ་ཀུན་ནས་ཉོན་མོངས་པར་བྱེད་ན་ནི།དེའི་ཕྱིར་སེམས་ཅན་རྣམས་ཀུན་ནས་ཉོན་མོངས་པ་ཅན་ཉིད་དུ་འགྱུར་ཏེ། ཕྱིས་ཀྱང་ཆོས་མངོན་པར་རྟོགས་པར་མི་འགྱུར་རོ། །འཇམ་དཔལ་ཆོས་ནི་མི་འོང་། མི་འགྲོ་། ནང་ན་མི་འདུག་།ཕྱི་རོལ་ན་ཡང་མི་འདུག་།གཉིས་ཀ་མེད་པར་ཡང་མི་འདུག་སྟེ། དེ་ལ་བགྲང་བ་གང་ཡང་མེད་དེ། དེས་ན་འདོད་ཆགས་ནི་གཟུངས་ཀྱི་གཞི་ཞེས་བྱའོ། །ཞེ་སྡང་ནི་གཟུངས་ཀྱི་གཞིའོ། །འཇམ་དཔལ་གྱིས་གསོལ་པ། བཅོམ་ལྡན་འདས་ཇི་ལྟར་ན་ཞེ སྡང་གཟུངས་ཀྱི་གཞི་ལགས།བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་ཞེ་སྡང་ནི་ཅ་ཅོ་བཏོན་པ་ལས་འབྱུང་སྟེ། ཅ་ཅོ་བཏོན་པ་དེ་ནི་འདས་པ་ཡང་མ་ཡིན། མ་འོངས་པ་ཡང་མ་ཡིན། ད་ལྟར་བྱུང་བ་ཡང་མ་ཡིན་ནོ། །འཇམ་དཔལ་གལ་ཏེ་འདས་པ་ལས་ཆོས་ རྣམས་བྱུང་དུ་ཟིན་ན་རྟག་པར་འགྱུར་རོ།།འཇམ་དཔལ་མ་འོངས་པའི་རྐྱེན་རྣམས་ལས་ཀྱང་ཞེ་སྡང་འབྱུང་བ་མེད་དོ། །ད་ལྟར་གྱི་རྐྱེན་ཀྱང་འདུག་པ་མེད་ཅིང་མ་འགགས་པའོ། །འཇམ་དཔལ་ཆོས་གང་འདས་པ་ལས་མ་བྱུང་། མ་འོངས་པ་ལས་ཀྱང་མ་ཡིན། ད་ལྟར་གྱི་ལས་ ཀྱང་མ་ཡིན་པ་དེ་ནི་དུས་གསུམ་ཡོངས་སུ་དག་པའི་གཟུངས་ཀྱི་གཞི་ཞེས་བྱའོ།།འཇམ་དཔལ་གཏི་མུག་ནི་གཟུངས་ཀྱི་གཞིའོ། །གསོལ་པ། བཅོམ་ལྡན་འདས་ཇི་ལྟར་ན་གཏི་མུག་གཟུངས་ཀྱི་གཞི་ལགས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་ གཏི་མུག་ནི་མ་རིག་པ་ལས་བྱུང་སྟེ།མ་རིག་པ་དེ་ཡང་སའི་ཁམས་དང་མ་འདྲེས། ཆུའི་ཁམས་དང་མ་ཡིན། མེའི་ཁམས་དང་མ་ཡིན། རླུང་གི་ཁམས་དང་མ་ཡིན། ནམ་མཁའི་ཁམས་དང་མ་ཡིན། རྣམ་པར་ཤེས་པའི་ཁམས་དང་མ་འདྲེས་པའོ། །འཇམ་ དཔལ་མ་འདྲེས་པའི་ཆོས་ནི་ཀུན་ནས་ཉོན་མོངས་པ་ཅན་དུ་མི་འགྱུར་ཞིང་རྣམ་པར་བྱང་བར་མི་འགྱུར་རོ།

以下是簡體中文直譯： 世尊，貪慾如何成為陀羅尼的基礎？ 世尊回答說：文殊，所謂貪慾，並非從東方而來使眾生煩惱，不是從南方，不是從西方，不是從北方，不是從下方，不是從上方而來使眾生煩惱。也不是從內部生起使眾生煩惱，也不是從外部。文殊，如果貪慾從內部生起使眾生煩惱，那麼眾生就會永遠煩惱，以後也不會證悟法。文殊，法不來不去，不住內，不住外，也不住于兩者之間，對此沒有任何計數，因此貪慾被稱為陀羅尼的基礎。嗔恨是陀羅尼的基礎。 文殊問道：世尊，嗔恨如何成為陀羅尼的基礎？ 世尊回答說：文殊，嗔恨源於喧囂，而這喧囂既非過去，非未來，也非現在。文殊，如果法從過去而生，就會成為常法。文殊，嗔恨也不從未來因緣而生。現在的因緣也不存在且未滅。文殊，任何不從過去生，不從未來生，也不從現在生的法，就是三世清凈的陀羅尼基礎。文殊，愚癡是陀羅尼的基礎。 他問道：世尊，愚癡如何成為陀羅尼的基礎？ 世尊回答說：文殊，愚癡源於無明，而這無明不與地界相混，不與水界，不與火界，不與風界，不與空界，不與識界相混。文殊，不相混的法既不會成為煩惱，也不會成為清凈。

།འཇམ་དཔལ་གལ་ཏེ་མ་འདྲེས་པའི་ཆོས་དེ་ཀུན་ནས་ཉོན་མོངས་པ་ཅན་དུ་འགྱུར་བའམ། རྣམ་པར་བྱང་བར་འགྱུར་དུ་ཟིན་ན། ནམ་མཁའ་ཡང་ཀུན་ནས་ཉོན་མོངས་པ་ཅན་ དུ་འགྱུར་ཞིང་རྣམ་པར་བྱང་བར་འགྱུར་རོ།།དེ་ཅིའི་ཕྱིར་ཞེ་ན། འཇམ་དཔལ་ནམ་མཁའ་ནི་ཆོས་གང་དང་ཡང་མ་འདྲེས་པ་སྟེ། འཇམ་དཔལ་གང་མ་རིག་པ་དང་མ་འདྲེས་པ། མི་འཕོ་བ། འདུལ་བ་མ་ཡིན་པ། ཡོད་པ་མ་ཡིན་པ། མ་བྱུང་བ། དངོས་པོ་མེད་པ། མི་མཐོང་ བ།མི་སྣང་བ། གཟུང་དུ་མེད་པ། མ་བཅིངས་པ། མ་གྲོལ་བ། ཚད་མེད་པ། ཡ་མ་བརླ། གསོབ། གསོག་སྟོང་པ་ནི་ཀུན་ནས་ཉོན་མོངས་པ་ཞེའམ། རྣམ་པར་བྱང་བ་ཞེས་བརྗོད་པར་བྱའམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཀའ་སྩལ་པ། འཇམ་དཔལ་མ་རིག་པ་མ་རིག་པ་ཞེས་དེ་བཞིན་གཤེགས་པས་བསྟན་པ་དེའི་ཐོག་མ་མེད་དོ། །རྟག་ཏུ་གཅིག་པ་ཉིད་ཀྱང་མེད་དོ། །ཐོག་མའི་མཐའ་ཡང་མེད། ཐ་མའི་མཐའ་ཡང་མེད། ད་ལྟར་བྱུང་བ་ཡང་མེད་དེ། དེས་ན་མ་རིག་པ་ཞེས་བྱའོ། །འཇམ་དཔལ་ཆོས་གང་མེད ཅིང་མི་རྙེད།རྣམ་པར་མི་རིག་།མི་སྣང་། མི་ཆགས། རྣམ་པར་མི་ཆགས། ཞེ་མི་སྡང་། གཏི་མི་མུག་པ་སྟེ། ཆོས་གང་ལ་ཡང་ཀུན་ནས་ཉོན་མོངས་པའམ། རྣམ་པར་བྱང་བའམ། སྒྲིབ་པའི་བྱ་བ་བྱེད་དམ། གསོལ་པ་བཅོམ་ལྡན་འདས་དེ་ནི་མ་ལགས་སོ། ། བདེ་བར་གཤེགས་པ་དེ་ནི་མ་ལགས་སོ། །བཅོམ་ལྡན་འདས་གལ་ཏེ་དེ་ནི་མ་རིག་པའི་ཆོས་གང་ལ་ཡང་ཀུན་ནས་ཉོན་མོངས་པའམ། རྣམ་པར་བྱང་བའམ། སྒྲིབ་པའི་བགྱི་བ་མི་བགྱིད་ན། ཇི་ལྟར་ན་བཅོམ་ལྡན་འདས་ཀྱིས་མ་རིག་པ་ཀུན་ནས་ཉོན་མོངས་པ་ཞེས་བཀའ་སྩལ། བཅོམ ལྡན་འདས་ཀྱིས་བཀའ་སྩལ་པ།འཇམ་དཔལ་འདི་ལྟ་སྟེ་དཔེར་ན། གཙུབ་ཤིང་དང་གཙུབ་སྟན་ལ་ཡང་བརྟེན། མིའི་ལག་པས་གཙུབས་པ་ལ་ཡང་བརྟེན་ནས་དུ་བ་འབྱུང་ཞིང་མེ་མངོན་པར་འགྲུབ་སྟེ། མེ་དེ་ཡང་གཙུབ་ཤིང་ལ་ཡང་མི་གནས། གཙུབ་སྟན་ལ་ཡང་མི་གནས། མིའི་ལག་པས་གཙུབས་པ་ལ་ཡང་མི་གནས་སོ། །འཇམ་དཔལ་དེ་བཞིན་དུ་སྐྱེས་བུ་གང་ཟག་རྨོངས་པ་ལ་འདོད་ཆགས་དང་། ཞེ་སྡང་དང་། གཏི་མུག་གིས་ཡོངས་སུ་གདུང་བའི་མེ་འབྱུང་སྟེ། ཡོངས་སུ་གདུང་བ་དེ་ཡང་ནང་ན་ཡང་མི་གནས། ཕྱི་རོལ་ན་ཡང་མི་གནས། གཉི་ག་མེད་པར་ཡང་མི་གནས་མོད་ཀྱི། འཇམ་དཔལ་འོན་ཀྱང་གཏི་མུག་ཅེས་བྱའོ། །དེ་ཅིའི་ཕྱིར་ཞེ་ན། འཇམ་དཔལ་ཆོས་ཐམས་ཅད་ནི་ཤིན་ཏུ་གྲོལ་བ་ཡིན་པའི་ཕྱིར་ཏེ། ཆོས་གང་ཤིན་ཏུ་གྲོལ་བ་དེ་ནི་གཟུངས་ཀྱི་གཞི་ཞེས་བྱའོ།

以下是簡體中文直譯： 文殊，如果這不相混的法變成煩惱或清凈，那麼虛空也會變成煩惱或清凈。為什麼呢？文殊，虛空與任何法都不相混。文殊，凡是與無明不相混、不遷移、不調伏、不存在、未生起、無實體、不可見、不顯現、不可執取、未束縛、未解脫、無量、無上下、虛無、空洞的，能稱之為煩惱或清凈嗎？ [文殊]回答說：世尊，不是的。 [佛]說道：文殊，如來所說的無明無明，它沒有開始。也沒有永恒的一體性。沒有開始的邊際，也沒有結束的邊際，也沒有現在，因此稱為無明。文殊，任何法不存在且不可得、不了知、不顯現、不執著、完全不執著、不嗔恨、不愚癡，對任何法都不造成煩惱或清凈或遮蔽的作用嗎？ [文殊]回答說：世尊，不是的。善逝，不是的。世尊，如果無明對任何法都不造成煩惱或清凈或遮蔽的作用，那麼為什麼世尊說無明是煩惱呢？ 世尊回答說：文殊，這就像鉆木取火，依靠鉆木棒和底木，依靠人手的摩擦，煙就產生了，火就顯現了。但是這火既不住在鉆木棒里，也不住在底木里，也不住在人手的摩擦中。文殊，同樣地，對於愚癡的凡夫，貪慾、嗔恨和愚癡的焚燒之火生起，但這焚燒既不住在內，也不住在外，也不住在兩者之間。然而，文殊，這仍然被稱為愚癡。為什麼呢？文殊，因為一切法都是極度解脫的，任何極度解脫的法就被稱為陀羅尼的基礎。

།དེ་ནས་བཅོམ་ལྡན་འདས་ལ་འཇམ དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ།།བཅོམ་ལྡན་འདས་བྱང་ཆུབ་སེམས་དཔའ་ཆོས་ཀྱི་སྒོ་གང་དང་ལྡན་ན། ཐམས་ཅད་ཀྱི་རྗེས་སུ་སོང་བའི་གཟུངས་ཐོབ་པར་འགྱུར་བའི་ཆོས་ཀྱི་སྒོ་འགའ་མཆིས་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་བྱང་ཆུབ་སེམས་དཔའ་ཆོས་ཀྱི་སྒོ་གང་དང་ལྡན་ན། ཐམས་ཅད་ཀྱི་རྗེས་སུ་སོང་བའི་གཟུངས་ཐོབ་པའི་ཆོས་ཀྱི་སྒོ་ཡོད་དེ། ཡི་གེ་གཅིག་ལས་ཡི་གེ་འབུམ་དུ་བཤད་ཀྱང་ཡི་གེ་དེའི་མཐའ་མི་རྟོགས་ཏེ། ཆོས་ཀྱི་སྒོ་གང་དང་གང་གིས་བཤད་པའི་ཆོས་ཀྱི་སྒོ་དེ་དང དེ་ལས་ཆོས་ཀྱི་སྒོ་མཐའ་ཡས་པ་དག་སྣང་བར་འགྱུར་ཞིང་སྤོབས་པ་ཡང་ཐོགས་པ་མེད་དོ།།དེ་སྤོབས་པ་ཡང་ཐོགས་པ་མེད་པའི་ཕྱིར་ཆོས་ཀྱི་སྒོ་ཐམས་ཅད་བརྗོད་དོ། །ཆོས་ཀྱི་སྒོའི་ཚིག་གཅིག་ལ་ཆོས་ཀྱི་སྒོའི་ཚིག་ཐམས་ཅད་རྗེས་སུ་འཇུག་པར་བྱེད་དོ། །ཆོས་ཀྱི་སྒོའི་ཚིག་ ཐམས་ཅད་ལ་ཆོས་ཀྱི་སྒོའི་ཚིག་གཅིག་རྗེས་སུ་འཇུག་པར་བྱེད་དོ།།འཇམ་དཔལ་གྱིས་གསོལ་པ། བཅོམ་ལྡན་འདས་ཆོས་ཀྱི་སྒོ་དེ་ཇི་ལྟ་བུ་ཞིག་ལགས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་ཆོས་ཐམས་ཅད་ནི་ལྷའི་སྒོ་སྟེ། འདི་ནི་གཟུངས་ཀྱི་གཞིའོ། ། གསོལ་པ། བཅོམ་ལྡན་འདས་ཇི་ལྟར་ན་དེ་གཟུངས་ཀྱི་གཞི་ལགས། བཀའ་སྩལ་པ། འཇམ་དཔལ་ཆོས་ཐམས་ཅད་ནི་འདུལ་བའི་ས་ལ་གནས་པ་སྟེ། དེ་ནི་ལྷ་ལྟ་བུར་འཇུག་པའི་གཟུངས་ཀྱི་གཞིའོ། །འཇམ་དཔལ་ཆོས་ཐམས་ཅད་ནི་ཀླུའི་སྒོ་སྟེ། འདི་ནི་གཟུངས ཀྱི་གཞིའོ།།གསོལ་པ། བཅོམ་ལྡན་འདས་ཇི་ལྟར་ན་དེ་གཟུངས་ཀྱི་གཞི་ལགས། བཀའ་སྩལ་པ། འཇམ་དཔལ་ཆོས་ཐམས་ཅད་ནི་མིང་མེད་པ། ཡི་གེ་ཡོངས་སུ་ཆད་པ། ཡི་གེ་མེད་པ། ཡི་གེས་ཡོངས་སུ་བརྗོད་པ་སྟེ། དེ་ནི་ཀླུ་ལྟ་བུར་འཇུག་པའི་གཟུངས་ཀྱི་ གཞིའོ།།འཇམ་དཔལ་ཆོས་ཐམས་ཅད་ནི་གནོད་སྦྱིན་གྱི་སྒོ་སྟེ། འདི་ནི་གཟུངས་ཀྱི་གཞིའོ། །གསོལ་པ། བཅོམ་ལྡན་འདས་ཇི་ལྟར་ན་དེ་གཟུངས་ཀྱི་གཞི་ལགས། བཀའ་སྩལ་པ། འཇམ་དཔལ་ཆོས་ཐམས་ཅད་ནི་མ་སྐྱེས་པའི་ཕྱིར་མི་ཟད་པའི་རྣམ་པར་ཞུགས་ པའི་སྒོ་སྟེ།དེ་ནི་གནོད་སྦྱིན་ལྟ་བུར་འཇུག་པའི་གཟུངས་ཀྱི་གཞིའོ། །འཇམ་དཔལ་ཆོས་ཐམས་ཅད་ནི་དྲི་ཟའི་སྒོ་སྟེ། དེ་ནི་གཟུངས་ཀྱི་གཞིའོ།

然後文殊師利童子向世尊如是稟白：“世尊,菩薩具足何等法門,能獲得隨順一切的陀羅尼?是否有這樣的法門?” 世尊回答說:“文殊師利,確實有菩薩具足某些法門,能獲得隨順一切的陀羅尼。即使從一個字解說出十萬個字,也無法窮盡那個字的邊際。通過任何法門所解說的法門,都能顯現無量無邊的法門,而且辯才無礙。因為辯才無礙,所以能宣說一切法門。在一個法門的詞句中,能隨順一切法門的詞句。在一切法門的詞句中,能隨順一個法門的詞句。” 文殊師利問道:“世尊,這樣的法門是什麼樣的?” 世尊回答說:“文殊師利,一切法都是天的門,這是陀羅尼的基礎。” 文殊師利問道:“世尊,為何這是陀羅尼的基礎?” 世尊回答說:“文殊師利,一切法安住于調伏之地,這是如天一般進入的陀羅尼基礎。文殊師利,一切法都是龍的門,這是陀羅尼的基礎。” 文殊師利問道:“世尊,為何這是陀羅尼的基礎?” 世尊回答說:“文殊師利,一切法都是無名、文字斷絕、無文字、由文字宣說,這是如龍一般進入的陀羅尼基礎。文殊師利,一切法都是夜叉的門,這是陀羅尼的基礎。” 文殊師利問道:“世尊,為何這是陀羅尼的基礎?” 世尊回答說:“文殊師利,一切法因為未生而進入不盡的相,這是如夜叉一般進入的陀羅尼基礎。文殊師利,一切法都是乾闥婆的門,這是陀羅尼的基礎。”

།གསོལ་པ། བཅོམ་ལྡན་འདས་ཇི་ལྟར་ན་དེ་གཟུངས་ཀྱི་གཞི་ལགས། བཀའ་སྩལ་པ། འཇམ་དཔལ་ཆོས་ཐམས་ཅད་ ནི་ཚད་མེད།གྲངས་མེད། དཔག་ཏུ་མེད། ནམ་མཁའ་དང་མཉམ་པའི་ཕྱིར་བགྲང་བ་ལས་འདས་པ་སྟེ། དེ་ནི་དྲི་ཟ་ལྟ་བུར་འཇུག་པའི་གཟུངས་ཀྱི་གཞིའོ། །འཇམ་དཔལ་ཆོས་ཐམས་ཅད་ནི་ལྷ་མ་ཡིན་གྱི་སྒོ་སྟེ། འདི་ནི་གཟུངས་ཀྱི་གཞིའོ། །གསོལ་པ། བཅོམ་ལྡན་འདས་ ཇི་ལྟར་ན་དེ་གཟུངས་ཀྱི་གཞི་ལགས།བཀའ་སྩལ་པ། འཇམ་དཔལ་ཆོས་ཐམས་ཅད་ནི་མེད་པའི་སྒོ་སྟེ། མིང་དུ་རིག་པར་བྱ་བ་མ་ཡིན། གཟུགས་སུ་རིག་པར་བྱ་བ་མ་ཡིན། སྒྲར་རིག་པར་བྱ་བ་མ་ཡིན། དྲིར་རིག་པར་བྱ་བ་མ་ཡིན། རོར་རིག་པར་བྱ་བ་མ་ཡིན། རེག་པར་རིག་པར་བྱ་བ་མ་ཡིན། ཡིད་དུ་རིག་པར་བྱ་བ་མ་ཡིན། སངས་རྒྱས་སུ་རིག་པར་བྱ་བ་མ་ཡིན། ཆོས་སུ་རིག་པར་བྱ་བ་མ་ཡིན། དགེ་འདུན་དུ་རིག་པར་བྱ་བ་མ་ཡིན། ཉན་ཐོས་སུ་རིག་པར་བྱ་བ་མ་ཡིན། རང་སངས་རྒྱས་སུ་རིག་པར་བྱ་བ་མ་ཡིན། སོ་སོ་སྐྱེ བོར་རིག་པར་བྱ་བ་མ་ཡིན་ཞིང་།འཇམ་དཔལ་ཆོས་ཐམས་ཅད་ནི་ཤིན་ཏུ་ཀུན་ནས་མ་སྐྱེས་པའི་ཚུལ་གྱིས་རིག་པར་བྱ་བ་མ་ཡིན་པ་སྟེ། དེ་ནི་ལྷ་མ་ཡིན་ལྟ་བུར་འཇུག་པའི་གཟུངས་ཀྱི་གཞིའོ། །འཇམ་དཔལ་ཆོས་ཐམས་ཅད་ནི་ནམ་མཁའ་ལྡིང་གི་སྒོ་སྟེ། འདི་ནི་གཟུངས་ ཀྱི་གཞིའོ།།གསོལ་པ། བཅོམ་ལྡན་འདས་ཇི་ལྟར་ན་དེ་གཟུངས་ཀྱི་གཞི་ལགས། བཀའ་སྩལ་པ། འཇམ་དཔལ་ཆོས་ཐམས་ཅད་ནི་འོང་བ་མེད་ཅིང་འགྲོ་བ་མེད་པ་སྟེ། མི་རྒྱུག་པ། རྣམ་པར་མི་རྒྱུག་པ། མི་འབྲོས་པ། མི་འགྲོ་བ། མི་འོང་བ། མི་འཕོ་བ། མི་ སྐྱེ་བ།མི་རྟེན་པ། མི་གནས་པ། མི་ཆགས་པ། མི་འཆིང་བ། ཞེ་མི་སྡང་བ། གཏི་མི་མུག་པ། མི་འགྲོལ་བ། མི་གནས་པ། རབ་ཏུ་མི་གནས་པ་སྟེ། འཇམ་དཔལ་ནམ་མཁའ་ལ་ཆགས་པ་མེད་པའི་ཕྱིར། ཆོས་ཐམས་ཅད་ནི་གནས་པ་མེད་པའི་སྒོ་སྟེ། དེ་ནི་ ནམ་མཁའ་ལྡིང་ལྟ་བུར་འཇུག་པའི་གཟུངས་ཀྱི་གཞིའོ།།འཇམ་དཔལ་ཆོས་ཐམས་ཅད་ནི་མིའམ་ཅིའི་སྒོ་སྒོ་སྟེ། འདི་ནི་གཟུངས་ཀྱི་གཞིའོ། །གསོལ་པ། བཅོམ་ལྡན་འདས་ཇི་ལྟར་ན་དེ་གཟུངས་ཀྱི་གཞི་ལགས། བཀའ་སྩལ་པ། འཇམ་དཔལ་ཆོས་ཐམས་ཅད་ནི་བྱེད་ པ་པོ་ལས་ལོག་པ་སྟེ།མ་བྱས་པ། མི་འགྱུར་བ། བྱེད་པ་པོ་ཀུན་ཏུ་བསལ་ན་མི་རྙེད་པ་སྟེ། འཇམ་དཔལ་དེ་ནི་མི་འམ་ཅི་ལྟ་བུའི་སྒོར་འཇུག་པའི་གཟུངས་ཀྱི་གཞིའོ། །འཇམ་དཔལ་ཆོས་ཐམས་ཅད་ནི་ལྟོ་འཕྱེ་ཆེན་པོའི་སྒོ་སྟེ། འདི་ནི་གཟུངས་ཀྱི་གཞིའོ།

文殊師利稟白道：“世尊,為何這是陀羅尼的基礎?” 世尊回答說：“文殊師利,一切法都是無量、無數、不可估量、等同虛空而超越計數,這是如乾闥婆一般進入的陀羅尼基礎。文殊師利,一切法都是阿修羅的門,這是陀羅尼的基礎。” 文殊師利問道：“世尊,為何這是陀羅尼的基礎?” 世尊回答說：“文殊師利,一切法都是無的門,不應認知為名,不應認知為色,不應認知為聲,不應認知為香,不應認知為味,不應認知為觸,不應認知為意,不應認知為佛,不應認知為法,不應認知為僧,不應認知為聲聞,不應認知為緣覺,不應認知為凡夫。文殊師利,一切法都不應以完全未生的方式認知,這是如阿修羅一般進入的陀羅尼基礎。文殊師利,一切法都是迦樓羅的門,這是陀羅尼的基礎。” 文殊師利問道：“世尊,為何這是陀羅尼的基礎?” 世尊回答說：“文殊師利,一切法都是無來無去的,不奔跑、不遍跑、不逃離、不行走、不到來、不遷移、不生、不依靠、不住、不執著、不束縛、不嗔恨、不愚癡、不解脫、不住、不極住。文殊師利,因為虛空無執著,所以一切法都是無住的門,這是如迦樓羅一般進入的陀羅尼基礎。文殊師利,一切法都是緊那羅的門,這是陀羅尼的基礎。” 文殊師利問道：“世尊,為何這是陀羅尼的基礎?” 世尊回答說：“文殊師利,一切法都是遠離作者的,未造作、不變化、遍除作者則不可得。文殊師利,這是如緊那羅一般進入的陀羅尼基礎。文殊師利,一切法都是摩睺羅伽的門,這是陀羅尼的基礎。”

།གསོལ་པ། བཅོམ་ལྡན་འདས་ཇི་ལྟར་ན་དེ་གཟུངས་ཀྱི་གཞི་ལགས། བཀའ་སྩལ་པ། འཇམ་དཔལ་ཆོས་ཐམས་ཅད་ནི་དྲི་མ་དང་བྲལ་ཞིང་ཤིན་ཏུ་འོད་གསལ་བ་སྟེ། སེམས་ཅན་ཐམས་ཅད་ཀྱིས་ཀུན་ནས་ཉོན་མོངས་པ་ཅན་དུ་བྱ་བའམ། རྣམ་པར་བྱང་བར་བྱར་མི་ནུས་པ་དེ་ནི་རྣམ་པར་དག་པའི གཟུངས་ཀྱི་གཞིའོ།།དེ་ཅིའི་ཕྱིར་ཞེ་ན། འཇམ་དཔལ་ཆོས་ཐམས་ཅད་རང་བཞིན་གྱིས་མ་སྐྱེས་པའི་ཕྱིར་གཏན་དུ་ཡོངས་སུ་མྱ་ངན་ལས་འདས་པ་སྟེ། དེ་ནི་ལྟོ་འཕྱེ་ཆེན་པོ་ལྟ་བུར་འཇུག་པའི་གཟུངས་ཀྱི་གཞིའོ། །འཇམ་དཔལ་ཆོས་ཐམས་ཅད་ནི་བུད་མེད་ཀྱི་སྒོ་སྟེ། འདི་ནི་ གཟུངས་ཀྱི་གཞིའོ།།གསོལ་པ། བཅོམ་ལྡན་འདས་ཇི་ལྟར་ན་དེ་གཟུངས་ཀྱི་གཞི་ལགས། བཀའ་སྩལ་པ། འཇམ་དཔལ་འདི་ལྟ་སྟེ། ཆོས་ཐམས་ཅད་ནི་དངོས་པོ་མེད་པའི་ཕྱིར་མི་བདེན་པ། སྐྱེས་པའི་དབང་པོ་དང་། བུད་མེད་ཀྱི་དབང་པོ་དང་བྲལ་བ་སྟེ། དེ་ནི་བུད་ མེད་ལྟ་བུར་འཇུག་པའི་གཟུངས་ཀྱི་གཞིའོ།།འཇམ་དཔལ་ཆོས་ཐམས་ཅད་ནི་སྐྱེས་པའི་སྒོ་སྟེ། འདི་ནི་གཟུངས་ཀྱི་གཞིའོ། །གསོལ་པ། བཅོམ་ལྡན་འདས་ཇི་ལྟར་ན་དེ་གཟུངས་ཀྱི་གཞི་ལགས། བཀའ་སྩལ་པ། འཇམ་དཔལ་རྣམ་པ་ཐམས་ཅད་དུ་སྐྱེས་པ་ཉིད་ནི་མི་ དམིགས་ཏེ།ཐོག་མའི་མཐར་ཡང་མི་དམིགས། ཐ་མའི་མཐར་ཡང་མི་དམིགས། ད་ལྟར་བྱུང་བར་ཡང་མི་དམིགས་སོ། །འཇམ་དཔལ་གང་དུས་གསུམ་དུ་མི་དམིགས་པ་དེ་ལ་སྐྱེས་པ་ཡང་མེད། བུད་མེད་ཀྱང་མེད་དེ། གཞན་དུ་ན་མིང་གི་བརྡས་བརྗོད་པར་ཟད་དོ། །མིང་དེ་ ཡང་དབེན་པ་སྟེ།གཟུངས་ཀྱི་བརྡས་དེ་དག་བཏགས་སོ། །གཟུངས་དེ་ཡང་འབྱུང་བ་ཆེན་པོ་བཞི་ལས་གྱུར་པ་སྟེ། འབྱུང་བ་ཆེན་པོ་བཞི་རྣམས་ཀྱི་སྐྱེ་བ་ཡང་མི་དམིགས་སོ། །ཆོས་ཐམས་ཅད་མ་སྐྱེས་པའི་ཕྱིར་ཆོས་ཐམས་ཅད་གཏན་དུ་ཡོངས་སུ་མྱ་ངན་ལས་འདས་པ་སྟེ། དེ་ནི་སྐྱེས་པ་ལྟ་བུར་འཇུག་པའི་གཟུངས་ཀྱི་གཞིའོ། །འཇམ་དཔལ་ཆོས་ཐམས་ཅད་ནི་སེམས་ཅན་དམྱལ་བའི་སྒོ་སྟེ། འདི་ནི་གཟུངས་ཀྱི་གཞིའོ། །གསོལ་པ། བཅོམ་ལྡན་འདས་ཇི་ལྟར་ན་དེ་གཟུངས་ཀྱི་གཞི་ལགས། བཅོམ་ལྡན་འདས་ཀྱིས་བཀའ་སྩལ་པ། འཇམ དཔལ་སེམས་ཅན་དམྱལ་བ་གང་དུ་ཡང་དག་པར་འདུ་བར་འགྱུར།འཇམ་དཔལ་གྱིས་གསོལ་པ། བཅོམ་ལྡན་འདས་སེམས་ཅན་དམྱལ་བ་ནི་ནམ་མཁའ་ཡང་དག་པར་འདུ་བ་ལགས་སོ།

文殊師利問道：“世尊,為何這是陀羅尼的基礎?” 世尊回答說：“文殊師利,一切法都是遠離垢染且極為光明的,一切眾生既不能使之成為具有煩惱的,也不能使之成為清凈的,這是清凈的陀羅尼基礎。為什麼呢?文殊師利,因為一切法本性未生,所以永遠涅槃,這是如摩睺羅伽一般進入的陀羅尼基礎。文殊師利,一切法都是女人的門,這是陀羅尼的基礎。” 文殊師利問道：“世尊,為何這是陀羅尼的基礎?” 世尊回答說：“文殊師利,是這樣的:一切法因為無實體所以不真實,遠離男根和女根,這是如女人一般進入的陀羅尼基礎。文殊師利,一切法都是男人的門,這是陀羅尼的基礎。” 文殊師利問道：“世尊,為何這是陀羅尼的基礎?” 世尊回答說：“文殊師利,在一切方面都不可得男性,在開始的邊際也不可得,在結束的邊際也不可得,在現在也不可得。文殊師利,在三時中不可得的,那裡既無男人也無女人,否則就只是以名稱的符號表述而已。那個名稱也是空寂的,以陀羅尼的符號安立那些。那個陀羅尼也是由四大種所成,四大種的生起也不可得。因為一切法未生,所以一切法永遠涅槃,這是如男人一般進入的陀羅尼基礎。文殊師利,一切法都是地獄的門,這是陀羅尼的基礎。” 文殊師利問道：“世尊,為何這是陀羅尼的基礎?” 世尊回答說：“文殊師利,地獄在何處真實聚集?” 文殊師利回答說：“世尊,地獄是在虛空中真實聚集的。”

།བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་ འདི་ཇི་སྙམ་དུ་སེམས།སེམས་ཅན་དམྱལ་བ་རང་གི་རྟོག་པ་ལས་བྱུང་ངམ། འོན་ཏེ་ངོ་བོ་ཉིད་ལས་བྱུང་། འཇམ་དཔལ་གྱིས་གསོལ་པ། བཅོམ་ལྡན་འདས་བྱིས་པ་སོ་སོ་སྐྱེ་བོ་རང་གི་རྟོག་པས། སེམས་ཅན་དམྱལ་བ་དང་། དུད་འགྲོ་དང་། གཤིན་རྗེའི་འཇིག་ རྟེན་དུ་རིག་སྟེ།དེ་དག་མ་མཆིས་པ་ལ་སྒྲོ་བཏགས་པའི་སླད་དུ། ངན་སོང་གསུམ་དུ་གནོད་པ་ཚོར་ཞིང་སྡུག་བསྔལ་མྱོང་ལགས་སོ། །བཅོམ་ལྡན་འདས་བདག་གིས་སེམས་ཅན་དམྱལ་བ་ཇི་ལྟར་མི་མཐོང་བ་དེ་བཞིན་དུ་སེམས་ཅན་དམྱལ་བ་པ་རྣམས་མི་མཐོང་སྟེ། སེམས་ ཅན་དམྱལ་བའི་སྡུག་བསྔལ་ཡང་མ་མཆིས་སོ།།བཅོམ་ལྡན་འདས་འདི་ལྟ་སྟེ། དཔེར་བགྱི་ན་མི་ལ་ལ་ཞིག་གཉིད་ཀྱིས་ལོག་པའི་རྨི་ལམ་ན་བདག་སེམས་ཅན་དམྱལ་བར་ལྟུང་བ་སྙམ་དུ་རིག་ནས། དེ་དེ་ན་ལྕགས་ཀྱི་བུམ་པ་རབ་ཏུ་ཁོལ་བ། ཤིན་ཏུ་འབར་བ་འདོམ་དུ་མ་ མཆིས་པའི་ནང་ན་བདག་བཅུག་ནས་དེ་དེ་ན་སྡུག་བསྔལ་གྱི་ཚོར་བ་མྱོང་བར་རབ་ཏུ་འཚལ་ཏེ།དེ་ཡིད་དངངས་ཤིང་ཡོངས་སུ་གདུང་བར་རིག་ནས་འཇིགས་སྐྲག་སྟེ་དངངས་ནས། དེ་སླར་སད་པ་དང་། ཀྱེ་མའོ་སྡུག་བསྔལ་ལོ།

世尊回答說：“文殊師利,你怎麼認為?地獄是從自己的分別而生,還是從自性而生?” 文殊師利回答說：“世尊,凡夫以自己的分別,了知地獄、畜生、閻羅世間,因為對不存在的事物增益,所以在三惡道中感受傷害和痛苦。世尊,就像我不見地獄一樣,地獄眾生也不可見,地獄的痛苦也是不存在的。世尊,譬如,有人在睡夢中認為自己墮入地獄,他在那裡被放入一個沸騰的、極其熾熱的、無法測量的鐵鍋中,在那裡他覺得經受痛苦的感受。他意識到自己驚恐萬分、極度痛苦,恐懼戰慄。當他醒來時,就說:‘唉呀!多麼痛苦啊!’”

།ཀྱེ་མ་སྡུག་བསྔལ་ལོ་ཞེས་ཆོ་ངེས་འདེབས་ ན་དེའི་མཛའ་བཤེས་དང་།ཉེ་དུ་དང་། ཕུ་ནུ་རྣམས་ཀྱིས་ཁྱོད་ཅིས་སྡུག་བསྔལ་ཞེས་དྲིས་པ་དང་། མི་དེས་དེ་དག་ལ་འདི་སྐད་ཅེས་བདག་ནི་སེམས་ཅན་དམྱལ་བའི་སྡུག་བསྔལ་བ་མྱོང་ངོ་། །ཞེས་སྨྲས་ནས། ཡང་དེ་མཛའ་བཤེས་དང་། ཉེ་དུ་དང་། ཕུ་ནུ་རྣམས་ལ་གཤེ་ ཞིང་འཚིག་སྟེ།བདག་ནི་སེམས་ཅན་དམྱལ་བའི་སྡུག་བསྔལ་བ་མྱོང་ན། ཁྱོད་ཀྱིས་སླར་ཕྱི་ཕྱིར་ཞིང་ང་ལ་ཅིས་སྡུག་བསྔལ་ཞེས་དྲིར་ཅི་ཡོད་ཅེས་མཆི་ལ། དེ་ནས་མཛའ་བཤེས་དང་། ཉེ་དུ་དང་། ཕུ་ནུ་དེ་དག་གིས་མི་དེ་ལ་འདི་སྐད་ཅེས། ཀྱེ་མ་འཇིགས་ཤིག་།མ་ འཇིགས་ཤིག་།མི་ཁྱོད་ནི་གཉིད་ཀྱིས་ལོག་སྟེ་ཁྱིམ་འདི་ནས་གར་ཡང་མ་སོང་ངོ་། །ཞེས་བགྱིས་པ་དང་། མི་དེས་སླར་དྲན་པ་རྙེད་ནས་བདག་ནི་གཉིད་ཀྱིས་ལོག་སྟེ། ཡང་དག་པ་མ་ཡིན་པ་དངོས་པོ་མེད་པ་དེ་ལ་བདག་གིས་བརྟགས་པར་ལྟ་ཞིག་སྟེ། དངོས་པོ་ཅི་ཡང་མེད་དོ སྙམ་བགྱིད་ནས།དེ་སླར་ཡང་ཡིད་བདེ་བ་རྙེད་ན། བཅོམ་ལྡན་འདས་ཇི་ལྟར་མི་དེ་གཉིད་ཀྱིས་ལོག་པའི་རྨི་ལམ་ན། མ་མཆིས་པ་ལ་སྒྲོ་བཏགས་ནས་བདག་སེམས་ཅན་དམྱལ་བར་མཆིས་སོ་སྙམ་དུ་རིག་པ་དེ་བཞིན་དུ། བཅོམ་ལྡན་འདས་བྱིས་པ་སོ་སོ་སྐྱེ་བོ་ཐམས་ཅད་ མཆིས་པ་མ་ལགས་པའི་འདོད་ཆགས་ཀྱིས་ཀུན་ཏུ་དཀྲིས་པས་བུད་མེད་ཀྱི་མཚན་མར་རྟོག་གོ།།དེ་དག་གིས་བུད་མེད་ཀྱི་མཚན་མར་བརྟགས་ནས། བུད་མེད་དང་བདག་ལྷན་ཅིག་ཏུ་རྩེ་དགའ་ཞིང་དགའ་དགུར་སྤྱོད་པར་རིག་སྟེ། དེ་དག་འདི་སྙམ་དུ་བདག་ནི་སྐྱེས་པ། འདི་ནི་བུད་མེད་དོ། ། འདི་ནི་བདག་གི་བུད་མེད་དོ་སྙམ་ནས། དེ་སྲེད་པའི་འདོད་ཆགས་ཀྱིས་ཀུན་ཏུ་དཀྲིས་པའི་སེམས་ཀྱིས་དེ་ལོངས་སྤྱོད་ཚོལ་བར་སེམས་གཏད་དོ། །དེ་གཞི་དེ་ལས་འཐབ་པ་དང་འགྱེད་པ་དང་། རྩོད་པ་སྐྱེད་དེ། དེའི་དབང་པོ་རབ་ཏུ་ཁྲོས་པས་འཁོན་བྱུང་ངོ་། །དེ་འདུ་ཤེས་ཕྱིན་ཅི ལོག་པ་དེས་གུམ་མ་ཐག་ཏུ་བསྐལ་པ་སྟོང་ཕྲག་མང་པོར་བདག་སེམས་ཅན་དམྱལ་བའི་སྡུག་བསྔལ་གྱི་ཚོར་བ་ཉམས་སུ་མྱོང་བ་སྙམ་དུ་འཚལ་ཏོ།

“唉呀!多麼痛苦啊!”他這樣哀號時,他的朋友、親戚和兄弟們問道:“你為什麼痛苦?”那個人對他們說:“我經歷了地獄的痛苦。“然後,他又對朋友、親戚和兄弟們斥責道:“我正在經歷地獄的痛苦,你們為什麼一而再再而三地問我為什麼痛苦?”於是,那些朋友、親戚和兄弟們對那個人說:“唉呀!不要害怕!不要害怕!你只是睡著了,根本沒有離開這個家。“那個人恢復了記憶后想:“我只是睡著了,我所想像的那些不真實的、無實體的事物,實際上什麼都不存在。“他這樣想著,又重新獲得了愉悅的心情。 世尊,就像那個人在睡夢中,對不存在的事物增益而認為自己在地獄一樣,世尊,所有凡夫被不存在的貪慾所纏繞,而分別女性的相。他們分別了女性的相后,就認為自己與女人一起遊戲、歡樂,隨心所欲。他們這樣想:‘我是男人,這是女人。這是我的女人。‘然後,他們的心被渴愛的貪慾所纏繞,專注于尋求享受。因為這個緣故,他們產生爭吵、爭鬥和爭論,他們的感官極度憤怒而生起怨恨。由於這種顛倒的想法,他們一死亡,就認為自己在數千劫中經歷地獄的痛苦感受。

།བཅོམ་ལྡན་འདས་འདི་ལྟ་སྟེ། མི་དེ་ལ་མཛའ་བཤེས་དང་། ཉེ་དུ་དང་། ཕུ་ནུ་རྣམས་ཀྱིས་འདི་སྐད་ཅེས་མ་འཇིགས་ཤིག་།མ་ འཇིགས་ཤིག་།མི་ཁྱོད་ནི་གཉིད་ཀྱིས་ལོག་སྟེ། ཁྱིམ་འདི་ནས་གར་ཡང་མ་སོང་ངོ་། །ཞེས་མཆི་བ་ལྟར། བཅོམ་ལྡན་འདས་སངས་རྒྱས་བཅོམ་ལྡན་འདས་ཀྱིས་ཕྱིན་ཅི་ལོག་བཞིས་རྣམ་པར་མྱོས་པའི་སེམས་ཅན་རྣམས་ལ་ཆོས་བསྟན་ཏེ། འདི་ལ་བུད་མེད་ཀྱང་མེད། སྐྱེས་པ་ཡང་མེད། སེམས་ཅན་ཡང་མེད། སྲོག་ཀྱང་མེད། གསོ་བ་ཡང་མེད། གང་ཟག་ཀྱང་མེད། ཆོས་འདི་དག་ཐམས་ཅད་ནི་ཡང་དག་པ་མ་ཡིན་པའོ། །ཆོས་འདི་དག་ཐམས་ཅད་ནི་མེད་པའོ། །ཆོས་འདི་དག་ཐམས་ཅད་ནི་རྣམ་པར་བསྒྲུབས་པའོ། །ཆོས་འདི་དག ཐམས་ཅད་ནི་བརྟགས་པའོ།།ཆོས་འདི་དག་ཐམས་ཅད་ནི་སྟོང་པའོ། །ཆོས་འདི་དག་ཐམས་ཅད་ནི་སྐྱེ་བ་མེད་པའོ། །ཆོས་འདི་དག་ཐམས་ཅད་ནི་འགག་པ་མེད་པའོ། །ཆོས་འདི་དག་ཐམས་ཅད་ནི་དངོས་པོ་མེད་པའོ། །ཆོས་འདི་དག་ཐམས་ཅད་ནི་མ་ འབྲེལ་པའོ།།ཆོས་འདི་དག་ཐམས་ཅད་ནི་རྨི་ལམ་ལྟ་བུའོ། །ཆོས་འདི་དག་ཐམས་ཅད་ནི་སྒྱུ་མ་ལྟ་བུའོ། །ཆོས་འདི་དག་ཐམས་ཅད་ནི་ཆུ་ཟླ་ལྟ་བུ་སྟེ། འདི་ལ་སུ་ཡང་མི་ཆགས་མི་སྡང་མི་རྨོངས་ཏེ། ཡང་དག་པ་མ་ཡིན་པ་ལ་མ་རྟོགས་ཤིག་ཅེས་བསྟན་པ་དང་། དེ་དག་གིས་དེ་བཞིན་གཤེགས་པའི་ཆོས་དེ་ཐོས་ནས། ཆོས་ཐམས་ཅད་ལ་འདོད་ཆགས་མ་མཆིས་པར་མཐོང་ངོ་། །ཆོས་ཐམས་ཅད་ལ་ཞེ་སྡང་མ་མཆིས་པ་དང་། གཏི་མུག་མ་མཆིས་པ་དང་། སྒྲིབ་པ་མ་མཆིས་པ་དང་། ཆགས་པ་མ་མཆིས་པར་མཐོང་ངོ་། །ཆོས ཐམས་ཅད་ཤིན་ཏུ་གྲོལ་བ་དང་།གཏན་ཏུ་ཡོངས་སུ་མྱ་ངན་ལས་འདས་པར་མཐོང་ནས། དེ་དག་སེམས་ནམ་མཁའ་ལ་གནས་ཏེ། འགུམ་པའི་དུས་བགྱིས་སོ། །འགུམ་པའི་དུས་བགྱིས་མ་ཐག་ཏུ་ཕུང་པོའི་ལྷག་མ་མ་མཆིས་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ ངན་ལས་འདའ་བ་དེ་ཡང་དེ་དང་འདྲ་སྟེ།བཅོམ་ལྡན་འདས་བདག་གིས་སེམས་ཅན་དམྱལ་བ་དེ་ལྟར་མཐོང་ལགས་སོ། །དེ་ནས་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་ལེགས་སོ་ཞེས་བྱ་བ་བྱིན་ཏེ། ལེགས་སོ། །ལེགས་སོ། །འཇམ་དཔལ་ཇི་ལྟར་ཁྱོད་ ཀྱིས་སེམས་ཅན་དམྱལ་བ་མཐོང་བ་དེ་བཞིན་དུ་བལྟའོ།།ཇི་ལྟར་ཁྱོད་རྣམ་པར་མི་རྟོག་པ་དེ་བཞིན་དུ་མི་བརྟག་པར་བྱའོ། །འཇམ་དཔལ་སེམས་ཅན་དམྱལ་བ་དེ་ལྟར་མཐོང་ན་མི་སྐྱེ་བའི་ཆོས་ལ་བཟོད་པ་ཐོབ་པར་འགྱུར་རོ།

世尊,就像那個人的朋友、親戚和兄弟們對他說:“不要害怕!不要害怕!你只是睡著了,根本沒有離開這個家。“同樣,世尊,佛陀世尊對被四種顛倒迷醉的眾生宣說法,說:“這裡沒有女人,也沒有男人,沒有眾生,沒有生命,沒有養育者,也沒有補特伽羅。所有這些法都是不真實的。所有這些法都是不存在的。所有這些法都是虛構的。所有這些法都是分別的。所有這些法都是空的。所有這些法都是無生的。所有這些法都是無滅的。所有這些法都是無實體的。所有這些法都是無關聯的。所有這些法都如夢幻。所有這些法都如幻術。所有這些法都如水中月。對此,任何人都不應貪著、不應嗔恨、不應愚癡,不要對不真實的產生分別。“當他們聽到如來的這些法后,就看到一切法無貪。他們看到一切法無嗔、無癡、無障礙、無執著。他們看到一切法完全解脫,永遠超越痛苦,於是他們的心安住于虛空,到了死亡的時候。一旦死亡,他們就進入無餘涅槃界,完全超越痛苦,這也是如此。世尊,我是這樣看待地獄的。 然後,世尊對文殊師利童子給予讚許說:“好!好!文殊師利,應當如你所見那樣看待地獄。應當如你不分別那樣不分別。文殊師利,如果這樣看待地獄,就會獲得無生法忍。”

།སེམས་ཅན་དམྱལ་བ་ངེས་པར་བསྟན་པ་ འདི་བཤད་པ་ན།བྱང་ཆུབ་སེམས་དཔའ་དགུ་ཁྲི་ཉིས་སྟོང་མི་སྐྱེ་བའི་ཆོས་ལ་བཟོད་པ་ཐོབ་ནས། དེ་དག་ཚིག་འཐུན་པར་འདི་སྐད་ཅེས། འདི་ལྟར་སེམས་ཅན་དམྱལ་བའི་ཆོས་རྣམས་ལས། སངས་རྒྱས་ཀྱི་ཆོས་རྙེད་པར་རུང་བ་ནི། སངས་རྒྱས་ཀྱི་ཡུལ་འདི་ངོ་མཚར་ཏེ། ལེགས་སོ། །ཞེས་འཛེར་ཏོ། །དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །བཅོམ་ལྡན་འདས་གཉིས་སུ་མ་མཆིས་པའི་སྒོ་གང་གིས། བྱང་ཆུབ་སེམས་དཔའ་རྣམས་ཆོས་ཐམས་ཅད་སངས་རྒྱས་ཀྱི་ཆོས་སུ་རྟོགས་ཤིང་གཉིས་ལྟ་བུར མི་བགྱིད་པ་གཉིས་སུ་མ་མཆིས་པའི་ཆོས་ཀྱི་སྒོ་བྱང་ཆུབ་སེམས་དཔའ་རྣམས་ལས་བསྟན་དུ་གསོལ།དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་དེའི་ཕྱིར་ཀུན་ནས་ངེས་པར་བསྟན་པ་ཞེས་བྱ་ བའི་ཆོས་ཀྱི་སྒོ་འདི་ནི་ཆོས་ཀྱི་སྒོ་གང་གིས།བྱང་ཆུབ་སེམས་དཔའ་རྣམས་ཉོན་མོངས་པ་ཐམས་ཅད་ལ། སངས་རྒྱས་ཀྱི་ཆོས་རྣམས་ཡང་དག་པར་བགྲོ་བར་བྱེད་པའོ། །འཇམ་དཔལ་གྱིས་གསོལ་པ། བཅོམ་ལྡན་འདས་གཉིས་སུ་མ་མཆིས་པའི་སྒོ་དེ་ཇི་ལྟ་བུ་ཞིག་ལགས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་། ཉོན་མོངས་པ་ཐམས་ཅད་རབ་ཏུ་རྣམ་པར་ཕྱེ་བ་ཞེས་བྱ་བའི་གཟུངས་ཀྱི་སྒོ་འདི་ངས་ཁྱོད་ལ་བཤད་དོ། །བཅོམ་ལྡན་འདས་དེ་ལྟར་འཚལ་ལོ་ཞེས་གསོལ་ཏེ། འཇམ་དཔལ་གཞོན་ནུར་གྱུར་པ་བཅོམ་ལྡན་འདས་ཀྱི་ལྟར་མཉན་པ་དང་། བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་མ་རིག་པ་ནི་བྱང་ཆུབ་སྟེ། འདི་ནི་གཟུངས་ཀྱི་སྒོའོ། །གསོལ་པ། བཅོམ་ལྡན་འདས་ཇི་ལྟར་ན། མ་རིག་པ་བྱང་ཆུབ་ལགས། བཀའ སྩལ་པ།འཇམ་དཔལ་མེད་པའི་ཕྱིར། མ་རིག་པ་ཞེས་བྱའོ། །གང་མེད་པ་དེ་ལ་སྐྱེ་བ་མེད་དོ། །གང་མ་སྐྱེས་པ་དེ་ལ་ཀུན་ནས་ཉོན་མོངས་པ་མེད་དོ། །འཇམ་དཔལ་ཀུན་ནས་ཉོན་མོངས་པ་ཅན་མ་ཡིན་པ་ནི་བྱང་ཆུབ་སྟེ། རང་བཞིན་གྱིས་འོད་གསལ་བ་རྟག་ཏུ་མ་སྐྱེས་པའོ། ། འཇམ་དཔལ་དེ་བཞིན་གཤེགས་པས་དོན་གྱི་དབང་འདི་གཟིགས་ནས། མ་རིག་པ་དང་བྱང་ཆུབ་གཉིས་སུ་མེད་པར་སྟོན་ཏོ། །འཇམ་དཔལ་ངས་མ་རིག་པ་འདི་མ་རྙེད་དེ། དེའི་ཕྱིར་མ་རིག་པ་ཞེས་བསྟན་ཏོ།

當宣說這個確定顯示地獄眾生的教法時,九萬二千菩薩獲得無生法忍,他們異口同聲地說:“從這些地獄法中能得到佛法,這真是佛陀境界的奇妙之處,真好啊!” 然後,文殊師利童子對世尊說:“世尊,請為諸菩薩宣說不二法門,通過這個法門,菩薩們能了知一切法都是佛法,不作二相觀。” 說完這話后,世尊對文殊師利童子如是說道:“文殊師利,因此,這個名為’遍確定顯示’的法門,是菩薩們通過它將一切煩惱正確地歸類為佛法的法門。” 文殊師利問道:“世尊,這個不二法門是什麼樣的?” 世尊回答說:“文殊師利,因此你要好好聽,牢記在心,我將為你宣說名為’詳細分別一切煩惱’的陀羅尼門。” “世尊,我願如是聽。“文殊師利童子這樣回答,準備聆聽世尊的教導。 世尊對他如是說道:“文殊師利,無明即是菩提,這就是陀羅尼門。” 文殊師利問道:“世尊,無明怎麼會是菩提呢?” 世尊回答說:“文殊師利,因為不存在,所以稱為無明。不存在的就沒有生起。沒有生起的就沒有煩惱。文殊師利,無煩惱即是菩提,本性光明,永不生起。文殊師利,如來觀察到這個道理,所以說無明和菩提是不二的。文殊師利,我沒有發現這個無明,所以稱之為無明。”

།འཇམ་དཔལ་དེ་ནི་མ་རིག་པ་ལྟ་བུར་འཇུག་པ་ཞེས་བྱ་བའི་གཟུངས ཀྱི་སྒོ་སྟེ།འཇུག་པ་གང་གིས་སྤོབས་པ་མྱུར་བར་འགྱུར་བ། །སྤོབས་པ་རྣོ་བར་འགྱུར་བ། སྤོབས་པ་ཟབ་མོར་འགྱུར་བ། སྤོབས་པ་མ་ཆགས་པར་འགྱུར་བ། སྤོབས་པ་ཐོགས་པ་མེད་པར་འགྱུར་བའོ། །འཇམ་དཔལ་འདུ་བྱེད་རྣམས་ནི་བྱང་ཆུབ་སྟེ། འདི་ནི་ གཟུངས་ཀྱི་སྒོའོ།།གསོལ་པ། བཅོམ་ལྡན་འདས་ཇི་ལྟར་ན་འདུ་བྱེད་རྣམས་བྱང་ཆུབ་ལགས། བཀའ་སྩལ་པ། འཇམ་དཔལ་འདུ་བྱེད་རྣམས་ནི་གྲངས་མེད་པ། བགྲང་དུ་མེད་པ་སྟེ། དེའི་ཕྱིར་དེ་དག་གི་ཚད་མི་དམིགས་སོ། །མི་དགེ་བ་དང་མཚུངས་པར་ལྡན་ན། སེམས་ཅན་དམྱལ་བར་སྐྱེ་བ་སྟོན་མོད་ཀྱི་འདི་ནས་ཀྱང་མི་འགྲོའོ། །དེར་འཕོ་བ་ཡང་མེད་དོ། །འཇམ་དཔལ་མི་འཕོ་བ་ནི་བྱང་ཆུབ་སྟེ། འོང་བ་དང་། འགྲོ་བ་མེད་པའོ། །འཇམ་དཔལ་དེ་ནི་འདུ་བྱེད་ལྟ་བུར་འཇུག་པའི་གཟུངས་ཀྱི་སྒོའོ། །འཇམ་དཔལ་རྣམ་པར་ཤེས་པ་ནི་བྱང ཆུབ་སྟེ།འདི་ནི་གཟུངས་ཀྱི་སྒོའོ། །གསོལ་པ། བཅོམ་ལྡན་འདས་ཇི་ལྟར་ན་རྣམ་པར་ཤེས་པ་བྱང་ཆུབ་ལགས། བཀའ་སྩལ་པ། འཇམ་དཔལ་རྣམ་པར་ཤེས་པ་ནི་སྒྱུ་མ་ལྟ་བུ་སྟེ། ཡང་དག་པ་མ་ཡིན་པ་ལས་བྱུང་བར་དེ་བཞིན་གཤེགས་པས་གསུངས་སོ། །འཇམ་དཔལ་ ཇི་ལྟར་བྱིས་པ་སོ་སོའི་སྐྱེ་བོ་ཡང་དག་པ་མ་ཡིན་པ་ལ་གནས་པ་རྣམས་ཀྱིས་སྒྱུ་མ་ལྟ་བུའི་རྣམ་པར་ཤེས་པ་བརྟགས་ཤིང་རྣམ་པར་བསྒྲུབས་ནས་བསྡུས་པ་དེ་བཞིན་དུ།འཇམ་དཔལ་སངས་རྒྱས་ཀྱི་བྱང་ཆུབ་ཀྱང་སྒྱུ་མ་ལྟ་བུ་སྟེ། བྱིས་པ་སོ་སོའི་སྐྱེ་བོ་རྣམས་ཀྱིས་བརྟགས་ཤིང་། རྣམ་པར་བསྒྲུབས་ནས་བསྡུས་ཏེ། དེ་དག་སངས་རྒྱས་ཀྱི་ཆོས་ལ་ལྷག་པར་དམིགས་ཤིང་། བདག་ཅག་སངས་རྒྱས་སུ་གྱུར་ཅིག་།བདག་ཅག་སེམས་ཅན་གྲོལ་བར་བྱེད་པར་གྱུར་ཅིག་།བདག་ཅག་འཇིག་རྟེན་གྱི་མཆོག་ཏུ་གྱུར་ཅིག་སྙམ་དུ་དེ་དག་སངས་རྒྱས་ཀྱི་བྱང་ཆུབ ནམ་མཁའ་དང་འདྲ་བ་ལ་བརྟགས་ནས་རབ་ཏུ་སྤྱོད་དོ།།འཇམ་དཔལ་ངས་ནི་བྱང་ཆུབ་ཀྱི་སྙིང་པོ་ལ་འདུག་ནས། སངས་རྒྱས་སམ། ཉན་ཐོས་སམ། རང་སངས་རྒྱས་སམ། སོ་སོ་སྐྱེ་བོའི་ཆོས་གང་ཡང་མ་དམིགས་ཏེ། འཇམ་དཔལ་དེ་ནི་རྣམ་པར་ཤེས་པ་ལྟ་བུར་འཇུག་པའི་ གཟུངས་ཀྱི་སྒོའོ།།འཇམ་དཔལ་མིང་དང་གཟུགས་ཀྱི་བྱང་ཆུབ་སྟེ། འདི་ནི་གཟུངས་ཀྱི་སྒོའོ། །གསོལ་པ། བཅོམ་ལྡན་འདས་ཇི་ལྟར་ན་མིང་དང་གཟུགས་བྱང་ཆུབ་ལགས། བཀའ་སྩལ་པ། འཇམ་དཔལ་མིང་ནི་དངོས་པོ་མེད་པར་སྒྲས་བརྗོད་པའོ།

文殊師利,這就是名為”如無明般趣入”的陀羅尼門,是能使辯才迅速增長、辯才變得銳利、辯才變得深邃、辯才變得無執著、辯才變得無礙的趣入方式。 文殊師利,諸行即是菩提,這就是陀羅尼門。 [文殊師利]問道:世尊,諸行怎麼會是菩提呢? [世尊]回答說:文殊師利,諸行是無數的、不可計數的,因此無法衡量它們的數量。如果與不善相應,則顯示投生地獄,但卻不從此處前往,也沒有轉生到那裡。文殊師利,不轉生即是菩提,無來無去。文殊師利,這就是”如諸行般趣入”的陀羅尼門。 文殊師利,識即是菩提,這就是陀羅尼門。 [文殊師利]問道:世尊,識怎麼會是菩提呢? [世尊]回答說:文殊師利,如來說識如幻,從非真實中生起。文殊師利,就像愚凡夫安住于非真實中,思維並造作如幻的識而積聚,同樣地,文殊師利,佛的菩提也如幻,是愚凡夫們思維、造作並積聚的。他們執著于佛法,想著”愿我們成佛!愿我們解脫眾生!愿我們成為世間至尊!”他們這樣思維並修行虛空般的佛菩提。文殊師利,我坐于菩提座時,未見任何佛法、聲聞法、緣覺法或凡夫法。文殊師利,這就是”如識般趣入”的陀羅尼門。 文殊師利,名色即是菩提,這就是陀羅尼門。 [文殊師利]問道:世尊,名色怎麼會是菩提呢? [世尊]回答說:文殊師利,名是以聲音表述無實體的東西。

།འཇམ་དཔལ་ གཟུགས་ཀྱང་བྱེད་པ་པོ་མེད་པ་སྟེ།འཇམ་དཔལ་གང་ན་བྱེད་པ་པོ་མེད་པ་དེ་ལ་བདག་མེད་དོ། །འཇམ་དཔལ་བདག་མེད་པ་ནི་སངས་རྒྱས་ཀྱི་བྱང་ཆུབ་སྟེ། མིང་གིས་བསྟན་པའོ། །མིང་དེ་ནི་ཕྱོགས་བཅུ་ཀུན་ཏུ་བཙལ་ཀྱང་མི་རྙེད་དེ། འཇམ་དཔལ་དེ་ནི་མིང་དང་གཟུགས་ ལྟ་བུར་འཇུག་པའི་གཟུངས་ཀྱི་སྒོའོ།།འཇམ་དཔལ་སྐྱེ་མཆེད་དྲུག་ནི་བྱང་ཆུབ་སྟེ། འདི་ནི་གཟུངས་ཀྱི་སྒོའོ། །གསོལ་པ། བཅོམ་ལྡན་འདས་ཇི་ལྟར་ན་སྐྱེ་མཆེད་དྲུག་བྱང་ཆུབ་ལགས། བཀའ་སྩལ་པ། འཇམ་དཔལ་སྐྱེ་མཆེད་ཐམས་ཅད་ནི་རང་གི་ཡུལ་དབེན་ པ་སྟེ།མིག་གི་དབང་པོ་ཡང་བདག་གིས་གཟུགས་བལྟའོ་སྙམ་དུ་དེ་ལྟར་མི་སེམས་སོ། །རྣ་བའི་དབང་པོ་ཡང་བདག་གིས་སྒྲ་མཉན་ཏོ་སྙམ་དུ་དེ་ལྟར་མི་སེམས་སོ། །སྣའི་དབང་པོ་ཡང་བདག་གིས་དྲི་ལ་མནམ་མོ་སྙམ་དུ་དེ་ལྟར་མི་སེམས་སོ། །ལྕེའི་དབང་པོ་ཡང་བདག་ གིས་རོ་མྱང་ངོ་སྙམ་དུ་དེ་ལྟར་མི་སེམས་སོ།།ལུས་ཀྱི་དབང་པོ་ཡང་བདག་གིས་རེག་པ་ཚོར་རོ་སྙམ་དུ་དེ་ལྟར་མི་སེམས་སོ། །ཡིད་ཀྱི་དབང་པོ་ཡང་བདག་གིས་ཆོས་རྣམ་པར་ཤེས་སོ་སྙམ་དུ་དེ་ལྟར་མི་སེམས་སོ། །མིག་ཀྱང་གཟུགས་ཡུལ་དུ་མི་ཤེས། གཟུགས་ཀྱང་མིག་ གི་ཡུལ་དུ་མི་ཤེས།རྣ་བ་ཡང་སྒྲ་ཡུལ་དུ་མི་ཤེས། སྒྲ་ཡང་རྣ་བའི་ཡུལ་དུ་མི་ཤེས། སྣ་ཡང་དྲི་ཡུལ་དུ་མི་ཤེས། དྲི་ཡང་སྣའི་ཡུལ་དུ་མི་ཤེས། ལྕེ་ཡང་རོ་ཡུལ་དུ་མི་ཤེས། རོ་ཡང་ལྕེའི་ཡུལ་དུ་མི་ཤེས། ལུས་ཀྱང་རེག་བྱ་ཡུལ་དུ་མི་ཤེས། རེག་བྱ་ཡང་ལུས་ཀྱི་ཡུལ་དུ་མི་ ཤེས།ཡིད་ཀྱང་ཆོས་ཡུལ་དུ་མི་ཤེས། ཆོས་ཀྱང་ཡིད་ཀྱི་ཡུལ་དུ་མི་ཤེས་ཏེ། འཇམ་དཔལ་སྐྱེ་མཆེད་རྣམས་ནི་ཕན་ཚུན་མི་འཐུན་པ་གཡོ་བ་མེད་པ། བྱེད་པ་མེད་པ། ཕན་ཚུན་སེམས་པ་མེད་པ། ཕན་ཚུན་ངོ་བོ་ཉིད་ཀྱིས་སྟོང་པའོ། །འཇམ་དཔལ་ཆོས་གང་ངོ་བོ་ ཉིད་ཀྱིས་སྟོང་པ་དེ་ནི་བྱང་ཆུབ་སྟེ།དེ་ནི་སྐྱེ་མཆེད་དྲུག་ལྟ་བུར་འཇུག་པའི་གཟུངས་ཀྱི་སྒོའོ། །འཇམ་དཔལ་རེག་པ་ནི་བྱང་ཆུབ་སྟེ། འདི་ནི་གཟུངས་ཀྱི་སྒོའོ། །གསོལ་པ། བཅོམ་ལྡན་འདས་ཇི་ལྟར་ན་རེག་པ་བྱང་ཆུབ་ལགས། བཀའ་སྩལ་པ། འཇམ་དཔལ་རེག་པ་ཞེས་བྱ་བ་ནི་གཟུགས་སུ་འདུས་ཏེ་རེག་པ་དང་། སྒྲར་འདུས་ཏེ་རེག་པ་དང་། དྲིར་འདུས་ཏེ་རེག་པ་དང་། རོར་འདུས་ཏེ་རེག་པ་དང་། རེག་བྱར་འདུས་ཏེ་རེག་པ་དང་། ཆོས་སུ་འདུས་ཏེ་རེག་པའོ། །འཇམ་དཔལ་གཟུགས་སུ་འདུས་ཏེ་རེག་པ་ནས། ཆོས་སུ འདུས་ཏེ་རེག་པའི་བར་གང་ཡིན་པ་དེ་ནི་རྟེན་པའོ།

文殊師利,色也是無作者的。文殊師利,哪裡無作者,那裡就無我。文殊師利,無我即是佛的菩提,是以名稱表示的。即便在十方尋找,也找不到這個名稱。文殊師利,這就是”如名色般趣入”的陀羅尼門。 文殊師利,六入處即是菩提,這就是陀羅尼門。 [文殊師利]問道:世尊,六入處怎麼會是菩提呢? [世尊]回答說:文殊師利,一切入處都是自境空寂的。眼根不會想”我要看色”。耳根不會想”我要聽聲”。鼻根不會想”我要聞香”。舌根不會想”我要嘗味”。身根不會想”我要感觸”。意根不會想”我要了知法”。眼不知色為境,色不知眼為境。耳不知聲為境,聲不知耳為境。鼻不知香為境,香不知鼻為境。舌不知味為境,味不知舌為境。身不知觸為境,觸不知身為境。意不知法為境,法不知意為境。文殊師利,諸入處彼此不相應,無動,無作,互不思維,彼此自性空。文殊師利,任何自性空的法即是菩提,這就是”如六入處般趣入”的陀羅尼門。 文殊師利,觸即是菩提,這就是陀羅尼門。 [文殊師利]問道:世尊,觸怎麼會是菩提呢? [世尊]回答說:文殊師利,所謂觸,是聚集為色的觸、聚集為聲的觸、聚集為香的觸、聚集為味的觸、聚集為所觸的觸、聚集為法的觸。文殊師利,從聚集為色的觸到聚集為法的觸,這些都是依靠的。

།གང་བརྟེན་པ་དེ་ནི་རྐྱེན་མང་པོ་ལས་སྐྱེའོ། །འཇམ་དཔལ་གང་རྐྱེན་མང་པོ་ལས་སྐྱེ་བ་དེ་ནི་ཚོགས་ཀྱི་ཚུལ་དུ་གནས་པའོ། །འཇམ་དཔལ་ཚོགས་ཀྱི་ཚུལ་གང་ཡིན་པ་དེ་ནི་སྒྱུ་མའི་ཚུལ་ལོ། །སྒྱུ་མའི་ཚུལ་གང་ཡིན་པ་ དེ་ནི་ཡང་དག་པ་མ་ཡིན་པའི་ཚུལ་ལོ།།ཡང་དག་པ་མ་ཡིན་པའི་ཚུལ་གང་ཡིན་པ་དེ་ནི་མེད་པའོ། །མེད་པ་གང་ཡིན་པ་དེ་ནི་མི་སྐྱེ་བའོ། །མི་སྐྱེ་བ་གང་ཡིན་པ་དེ་ནི་མི་འགག་པའོ། །འཇམ་དཔལ་གང་སྐྱེ་བ་མེད་ཅིང་འགག་པ་མེད་པ་དེ་ནི་སངས་རྒྱས་ཀྱི་བྱང་ཆུབ་སྟེ། དེ་ནི་རེག་པ་ལྟ་བུར་འཇུག་པའི་གཟུངས་ཀྱི་སྒོའོ། །འཇམ་དཔལ་ཚོར་བ་ནི་བྱང་ཆུབ་སྟེ། འདི་ནི་གཟུངས་ཀྱི་སྒོའོ། །གསོལ་པ། བཅོམ་ལྡན་འདས་ཇི་ལྟར་ན་ཚོར་བ་བྱང་ཆུབ་ལགས། བཀའ་སྩལ་པ། འཇམ་དཔལ་ཚོར་བ་ཞེས་བྱ་བ་ནི་རྣམ་པ་གསུམ་སྟེ། བདེ་བའི་ཚོར བ་དང་།སྡུག་བསྔལ་གྱི་ཚོར་བ་དང་། བདེ་བ་ཡང་མ་ཡིན། སྡུག་བསྔལ་བ་ཡང་མ་ཡིན་པའི་ཚོར་བའོ། །འཇམ་དཔལ་བདེ་བའི་ཚོར་བ་ནི་ནང་ན་ཡང་མི་འདུག་།ཕྱི་རོལ་ན་ཡང་མི་འདུག་།གཉི་ག་མེད་པར་མི་དམིགས་སོ། །འཇམ་དཔལ་སྡུག་བསྔལ་གྱི་ཚོར་བ་ཡང་ ནང་ན་ཡང་མི་འདུག་།ཕྱི་རོལ་ན་ཡང་མི་འདུག་།གཉི་ག་མེད་པར་ཡང་མི་དམིགས་སོ། །འཇམ་དཔལ་བདེ་བ་ཡང་མ་ཡིན། སྡུག་བསྔལ་བ་ཡང་མ་ཡིན་པའི་ཚོར་བ་ཡང་ནང་ན་ཡང་མི་འདུག་།ཕྱི་རོལ་ན་ཡང་མི་འདུག་།གཉིས་ཀ་མེད་པར་ཡང་མི་དམིགས་སོ། ། འཇམ་དཔལ་གྱིས་གསོལ་པ། བཅོམ་ལྡན་འདས་འོ་ན་ཇི་ལྟར་སེམས་ཅན་རྣམས་ཀྱི་བདེ་བའི་ཚོར་བ་དང་། སྡུག་བསྔལ་གྱི་ཚོར་བ་དང་། བདེ་བ་ཡང་མ་ལགས། སྡུག་བསྔལ་བ་ཡང་མ་ལགས་པའི་ཚོར་བ་དག་གང་ལགས། བཅོམ་ལྡན་འདས་ཀྱིས་བཀའ་སྩལ་པ། འཇམ དཔལ་འདུ་ཤེས་ཕྱིན་ཅི་ལོག་གི་ཕྱིན་ཅི་ལོག་ཏུ་གྱུར་པའི་བྱིས་པ་སོ་སོ་སྐྱེ་བོ་རྣམས་ནི་ཡང་དག་པ་མ་ཡིན་པའི་རྐྱེན་སྣ་ཚོགས་ཀྱིས་བདེའོ་སྙམ་དུ་འདུ་ཤེས།སྡུག་བསྔལ་ལོ་སྙམ་པའམ། བདེ་བ་ཡང་མ་ཡིན། སྡུག་བསྔལ་བ་ཡང་མ་ཡིན་སྙམ་དུ་ཤེས་མོད་ཀྱི། འཇམ་དཔལ་ ཚོར་བ་ཐམས་ཅད་སྒྱུ་མའི་རང་བཞིན་ཏེ།མ་བྱས་པ། མ་སྐྱེས་པ། རྟག་ཏུ་མ་བྱུང་བ་སྟེ། འཇམ་དཔལ་རྣམ་གྲངས་དེས་ན། ཚོར་བ་ནི་བྱང་ཆུབ་སྟེ། དེ་ནི་ཚོར་བ་ལྟ་བུར་འཇུག་པའི་གཟུངས་ཀྱི་སྒོའོ། །འཇམ་དཔལ་སྲེད་པ་ནི་བྱང་ཆུབ་སྟེ། འདི་ནི་གཟུངས་ཀྱི་སྒོའོ།

凡是依靠的,就是從多緣而生。文殊師利,凡是從多緣而生的,就是以聚集的方式存在。文殊師利,凡是聚集的方式,就是幻化的方式。凡是幻化的方式,就是非真實的方式。凡是非真實的方式,就是不存在的。凡是不存在的,就是不生的。凡是不生的,就是不滅的。文殊師利,凡是不生不滅的,就是佛的菩提,這就是”如觸般趣入”的陀羅尼門。 文殊師利,受即是菩提,這就是陀羅尼門。 [文殊師利]問道:世尊,受怎麼會是菩提呢? [世尊]回答說:文殊師利,所謂受有三種:樂受、苦受和不苦不樂受。文殊師利,樂受不在內,不在外,也不在兩者之間可得。文殊師利,苦受也不在內,不在外,也不在兩者之間可得。文殊師利,不苦不樂受也不在內,不在外,也不在兩者之間可得。 文殊師利問道:世尊,那麼眾生的樂受、苦受和不苦不樂受是什麼呢? 世尊回答說:文殊師利,顛倒想顛倒的凡夫眾生,由於各種非真實的緣,而產生”這是樂”的想法,或者”這是苦”的想法,或者”這既不是樂也不是苦”的認知。然而,文殊師利,一切受都是幻化的本性,無作、無生、從未存在。文殊師利,以此方式,受即是菩提,這就是”如受般趣入”的陀羅尼門。 文殊師利,愛即是菩提,這就是陀羅尼門。

། གསོལ་པ་བཅོམ་ལྡན་འདས་ཇི་ལྟར་ན་སྲེད་པ་བྱང་ཆུབ་ལགས། བཅོམ་ལྡན་འདས་ཀྱིས་སྲེད་པ་ཀུན་ནས་ཉོན་མོངས་པ་ལགས་པར་བཀའ་མ་སྩལ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་འདི་ཇི་སྙམ་དུ་སེམས། མི་བུ་མེད་པའི་བུའི་སྲེད་པའི་ནང་ན་འདུག གམ།འོན་ཏེ་ཕྱི་རོལ་ན་འདུག་གམ། འོན་ཏེ་ཕྱོགས་དང་མཚམས་རྣམས་ན་འདུག་།འཇམ་དཔལ་གྱིས་གསོལ་པ། བཅོམ་ལྡན་འདས་དེའི་བུ་ཉིད་ཀྱང་མ་བྱུང་ན། བུའི་སྲེད་པ་ཉིད་ལྟ་ག་ལ་མཆིས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་གང་གི་ཚེ་ མི་དེ་འདུ་བ་དང་ལྡན་ཏེ་བུ་སྐྱེད་ཅིང་སྲེད་པ་སྐྱེད་པའི་དུས་དེ་ཡོད།ཚིགས་དེ་ཡོད་ན། འཇམ་དཔལ་འདི་ཇི་སྙམ་དུ་སེམས། མི་དེའི་བུ་ལ་སྲེད་པ་ཤར་ཕྱོགས་ནས་འོངས་སམ། འོན་ཏེ་ལྷོ་ཕྱོགས་ནས་སམ། འོན་ཏེ་ནུབ་ཕྱོགས་ནས་སམ། འོན་ཏེ་བྱང་ཕྱོགས་ནས་སམ། འོན་ཏེ་འོག་ གི་ཕྱོགས་ནས་སམ།འོན་ཏེ་སྟེང་གི་ཕྱོགས་ནས་སམ། འོན་ཏེ་ནང་ན་འདུག་གམ། འོན་ཏེ་ཕྱི་རོལ་ནའམ། གཉིས་ཀ་མེད་པར་གནས་སམ། འཇམ་དཔལ་གྱིས་གསོལ་པ། བཅོམ་ལྡན་འདས་སྲེད་པ་ཤར་ཕྱོགས་ན་མི་དམིགས། ལྷོ་ཕྱོགས་ན་ཡང་མ་ལགས། ནུབ་ཕྱོགས་ ན་ཡང་མ་ལགས།བྱང་ཕྱོགས་ན་ཡང་མ་ལགས། སྟེང་ན་ཡང་མ་ལགས། འོག་ན་ཡང་མ་ལགས། ནང་ན་ཡང་མ་ལགས། སླད་རོལ་ན་ཡང་མ་ལགས། གཉིས་ཀ་མ་མཆིས་པར་ཡང་མི་དམིགས་ལགས་སོ། །བཅོམ་ལྡན་འདས་ཀྱིས་བཀའ་ སྩལ་པ།འཇམ་དཔལ་འདི་ཇི་སྙམ་དུ་སེམས། སྲེད་པ་དེ་སུས་ཀྱང་། བྱས་སམ། བྱེད་དུ་བཅུག་པ་ཡིན་ནམ། འཇམ་དཔལ་གྱིས་གསོལ་པ། བཅོམ་ལྡན་འདས་སྲེད་པ་ནི་མ་བགྱིས་པ་སྟེ། སྲེད་པ་ལ་བྱེད་པ་པོ་གང་ཡང་མ་མཆིས་ན། བཅོམ་ལྡན་འདས་བྱིས་པ་ སོ་སོའི་སྐྱེ་བོ་ལོག་པ་དང་ལྡན་པ་རྣམས་ཀྱིས་ཡང་དག་པ་མ་ལགས་པ་ལ་བཏགས་སོ།།བཀའ་སྩལ་པ། འཇམ་དཔལ་འདི་ཇི་སྙམ་དུ་སེམས། ཡང་དག་པ་མ་ཡིན་པ་དེ་ཡོད་དམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བདེ་བར་གཤེགས་པ་དེ་ནི་མ་ ལགས་སོ།།བཀའ་སྩལ་པ། འཇམ་དཔལ་མེད་པ་དེ་ལ་ཅི་ཀུན་ནས་ཉོན་མོངས་པའམ། རྣམ་པར་བྱང་བ་ཡོད་དམ། གསོལ་པ། བཅོམ་ལྡན་འདས་དེ་ནི་མ་ལགས་སོ།

[文殊師利]問道:世尊,愛慾怎麼會是菩提呢?世尊不是說過愛慾是煩惱嗎? 世尊回答說:文殊師利,你怎麼看?沒有兒子的人對兒子的愛慾,是在內,還是在外,還是在各方各隅? 文殊師利回答說:世尊,連兒子都不存在,哪裡會有對兒子的愛慾呢? 世尊說:文殊師利,當那個人具足因緣,生兒子併產生愛慾的時候,那個時刻存在。如果那個時刻存在,文殊師利,你怎麼看?那個人對兒子的愛慾是從東方來的嗎?還是從南方、西方、北方、下方、上方來的?還是在內?還是在外?還是不在兩者之中? 文殊師利回答說:世尊,愛慾不在東方可得,不在南方,不在西方,不在北方,不在上方,不在下方,不在內,不在外,也不在兩者之外可得。 世尊說:文殊師利,你怎麼看?這愛慾是誰造作的?或者是誰使之造作的? 文殊師利回答說:世尊,愛慾是無作的,愛慾沒有任何造作者。世尊,是愚昧凡夫們顛倒執著,對非真實之物妄加分別。 [世尊]說:文殊師利,你怎麼看?那非真實的存在嗎? [文殊師利]回答說:世尊,不存在。善逝,不存在。 [世尊]說:文殊師利,對於不存在的東西,有什麼煩惱或清凈嗎? [文殊師利]回答說:世尊,沒

།བཀའ་སྩལ་པ། འཇམ་དཔལ་ཆོས་གང་ཤར་ཕྱོགས་ནས་མི་རྙེད། ལྷོ་ཕྱོགས་ནས་ཀྱང་ མ་ཡིན།ནུབ་ཕྱོགས་ནས་ཀྱང་མ་ཡིན། བྱང་ཕྱོགས་ནས་ཀྱང་མ་ཡིན། ནང་ནས་ཀྱང་མ་ཡིན། ཕྱི་རོལ་ནས་ཀྱང་མ་ཡིན། གཉིས་ཀ་མེད་པར་ཡང་མི་དམིགས་པ་དེ་ནི་ཀུན་ནས་ཉོན་མོངས་པ་ཅན་དུ་མི་འགྱུར་ཞིང་། རྣམ་པར་བྱང་བར་མི་འགྱུར་བ་སྟེ། འཇམ་དཔལ་དེ་ནི་ སྲེད་པ་ལྟ་བུར་འཇུག་པའི་གཟུངས་ཀྱི་སྒོའོ།།འཇམ་དཔལ་ལེན་པ་ནི་བྱང་ཆུབ་སྟེ། འདི་ནི་གཟུངས་ཀྱི་སྒོའོ། །གསོལ་པ། བཅོམ་ལྡན་འདས་ཇི་ལྟར་ན་ལེན་པ་བྱང་ཆུབ་ལགས། བཅོམ་ལྡན་འདས་ཀྱིས་ལེན་པ་འཆིང་བ་ལགས་པར་བཀའ་མ་སྩལ་ལགས་སམ། བཅོམ་ལྡན་འདས་ ཀྱིས་བཀའ་སྩལ་པ།འཇམ་དཔལ་འདི་ཇི་སྙམ་དུ་སེམས། བྱིས་པ་སོ་སོའི་སྐྱེ་བོ་རྣམས་ཅི་ཡང་སྐྱེད་དམ། གསོལ་པ། བཅོམ་ལྡན་འདས་སྐྱེད་ལགས་ཏེ། གཟུགས་དང་། སྒྲ་དང་། དྲི་དང་། རོ་དང་། རེག་པ་དང་། འདོད་པའི་ཡོན་ཏན་འདི་ལྔ་སྐྱེད་ལགས་སོ། །བཀའ་ སྩལ་པ།འཇམ་དཔལ་འདི་ཇི་སྙམ་དུ་སེམས། གཟུགས་ཀྱིས་གཟུགས་སྐྱེད་དམ། གསོལ་པ་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཅི་ཚོར་བས་ཚོར་བ་སྐྱེད་དམ། འདུ་ཤེས་ཀྱིས་འདུ་ཤེས་སྐྱེད་དམ། འདུ་བྱེད་རྣམས་ཀྱིས་འདུ་བྱེད་རྣམས་སྐྱེད་ དམ།ཅི་རྣམ་པར་ཤེས་པས་རྣམ་པར་ཤེས་པ་སྐྱེད་དམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་འདི་ཇི་སྙམ་དུ་སེམས། །ཆོས་གང་ཞིག་ཆོས་གང་སྐྱེད་པར་བྱེད་པ་དེ་ཡོད་དམ། གསོལ་པ། བཅོམ་ལྡན་འདས་དེ་ནི་མ་མཆིས་སོ། །བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་ཆོས་གང་ཞིག་ཆོས་གང་ཞིག་ལ་འཆིང་བའི་བྱ་བ་བྱེད་དམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཀའ་སྩལ་པ། འཇམ་དཔལ་དེ་ལྟར་ཆོས་ཐམས ཅད་སྐྱེ་བ་མེད་པ།འགག་པ་མེད་པ། སྒྲིབ་པ་མེད་པ་སྟེ། འདི་དག་ནི་གཅིག་ལ་གཅིག་མི་སྐྱེད་དོ། །གཅིག་ལ་གཅིག་མི་དམིགས་སོ། །མི་སྨྲའོ། །བེམས་པོ་ཡིན་པའི་ཕྱིར་ངག་གིས་ལས་འབྱིན་པར་མི་བྱེད་དོ། །འཇམ་དཔལ་རྣམ་གྲངས་དེས་ན། ལེན་པ་ནི་བྱང་ཆུབ་སྟེ། དེ་ནི་ལེན་པ་ལྟ་བུར་འཇུག་པའི་གཟུངས་ཀྱི་སྒོའོ། །འཇམ་དཔལ་སྲིད་པ་ནི་བྱང་ཆུབ་སྟེ། འདི་ནི་གཟུངས་ཀྱི་སྒོའོ།

[世尊]說道:文殊師利,任何法不從東方可得,不從南方,不從西方,不從北方,不從內,不從外,也不在兩者之外可得,這就不會成為煩惱,也不會成為清凈。文殊師利,這就是”如愛慾般趣入”的陀羅尼門。 文殊師利,取即是菩提,這就是陀羅尼門。 [文殊師利]問道:世尊,取怎麼會是菩提呢?世尊不是說過取是束縛嗎? 世尊回答說:文殊師利,你怎麼看?凡夫眾生能生出什麼嗎? [文殊師利]回答說:世尊,能生出。他們生出色、聲、香、味、觸這五種欲境。 [世尊]說:文殊師利,你怎麼看?色能生出色嗎? [文殊師利]回答說:不能,世尊。 世尊說:受能生出受嗎?想能生出想嗎?諸行能生出諸行嗎?識能生出識嗎? [文殊師利]回答說:世尊,不能。 世尊說:文殊師利,你怎麼看?有什麼法能生出什麼法嗎? [文殊師利]回答說:世尊,沒有。 世尊說:文殊師利,有什麼法能對什麼法起束縛作用嗎? [文殊師利]回答說:世尊,沒有。 [世尊]說:文殊師利,如是一切法無生、無滅、無障礙,它們互不生起,互不可得,不說話,因為是無情之物所以不發出語言。文殊師利,以此方式,取即是菩提,這就是”如取般趣入”的陀羅尼門。 文殊師利,有即是菩提,這就是陀羅尼門。

།གསོལ་པ། བཅོམ་ལྡན་འདས་ཇི་ལྟར་ན་སྲིད་པ་བྱང་ཆུབ་ལགས། བཅོམ་ལྡན་འདས་སྲིད་པ་དགག་པའི་སླད་དུ། ཉན་ཐོས་རྣམས་ལ་བཅོམ་ལྡན་འདས ཀྱིས་ཆོས་མ་བསྟན་ལགས་སམ།བཀའ་སྩལ་པ། འཇམ་དཔལ་ངས་སྲིད་པ་བཤད་པ་དེ་ནི་དངོས་པོ་མེད་པ་སྟེ། དེས་ན་སྲིད་པ་ཞེས་བྱའོ། །འཇམ་དཔལ་གང་གིས་ཆོས་ཐམས་ཅད་དངོས་པོ་མེད་པར་མཐོང་བ་དེ་ཅི་ཡང་སྐྱེད་པར་མི་བྱེད་དོ། །འགོག་པར་མི་བྱེད་དོ། །ཆོས་ཐམས་ ཅད་ནམ་མཁའི་རང་བཞིན་དུ་མཐོང་ནས།སངས་རྒྱས་ཀྱི་ཆོས་རྣམས་ལ་ཡང་མི་དམིགས་མི་འདོར་རོ། །འཇམ་དཔལ་རྣམ་གྲངས་དེས་ན་སྲིད་པ་བྱང་ཆུབ་སྟེ། དེ་ནི་སྲིད་པ་ལྟ་བུར་འཇུག་པའི་གཟུངས་ཀྱི་སྒོའོ། །འཇམ་དཔལ་སྐྱེ་བ་ནི་བྱང་ཆུབ་སྟེ། འདི་ནི་གཟུངས་ཀྱི་སྒོའོ། །གསོལ་པ། བཅོམ་ལྡན་འདས་ཇི་ལྟར་ན་སྐྱེ་བ་བྱང་ཆུབ་ལགས། བཅོམ་ལྡན་འདས་ཀྱིས་སྐྱེ་བ་ལས་ཡང་དག་པར་བཟླ་བའི་སླད་དུ། ཆོས་མ་བསྟན་ལགས་སམ། བཀའ་སྩལ་པ། འཇམ་དཔལ་བྱང་ཆུབ་སེམས་དཔས་སྐྱེ་བ་ཡོངས་སུ་བཙལ་ན་སྐྱེ་བ་མེད་པ། འཕོ་བ མེད་པ།འབྱུང་བ་མེད་པར་མཐོང་ངོ་། །འཇམ་དཔལ་རྣམ་གྲངས་དེས་ན་སྐྱེ་བ་བྱང་ཆུབ་སྟེ། དེ་ནི་སྐྱེ་བ་ལྟ་བུར་འཇུག་པའི་གཟུངས་ཀྱི་སྒོའོ། །འཇམ་དཔལ་རྡོ་རྗེའི་སྙིང་པོའི་གཟུངས་ལ་འཇུག་པའི་སྒོ་འདི་ནི་འཇུག་པའི་སྒོ་གང་གིས། བྱང་ཆུབ་སེམས་དཔའ་སྤོབས་པ་མྱུར་ དུ་འཐོབ་ཅིང་།སྤོབས་པ་རྣོ་བར་འགྱུར་བ་དང་། སྤོབས་པ་ཟབ་མོར་འགྱུར་བ་དང་། སྤོབས་པ་ཆགས་པ་མེད་པ་དང་། སྤོབས་པ་ཐོགས་པ་མེད་པར་འགྱུར་བའོ། །དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །འདི་བྱང་ཆུབ་ སེམས་དཔའ་གང་རྣམས་ཀྱི་ས་ལགས།བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་འདི་ནི་གང་དག་བྱང་ཆུབ་ལ་མ་ཞུགས་པ་རྣམས་དང་། གང་དག་བྱང་ཆུབ་ཏུ་སེམས་མ་བསྐྱེད་པ་རྣམས་དང་། གང་དག་སངས་རྒྱས་ཀྱི་ཆོས་རྣམས་ལ་མི་དམིགས་པ་དང་། གང་ དག་འདོད་ཆགས་དང་།ཞེ་སྡང་དང་། གཏི་མུག་ལས་བསྐྱོད་པར་མི་འདོད་པ་རྣམས་དང་། གང་དག་འཁོར་བ་ལས་འདའ་བར་མི་འདོད་པ་རྣམས་དང་། གང་དག་སེམས་ཅན་དགྲོལ་བར་མི་འདོད་པ་རྣམས་དང་། གང་དག་སངས་རྒྱས་ཀྱི་ཆོས་རྣམས་ཁོང་དུ་ཆུད་པར་མི་འདོད་པའི་བྱང་ ཆུབ་སེམས་དཔའ་དེ་དག་གིས་ཡིན་ནོ།།དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ།

[文殊師利]問道:世尊,有怎麼會是菩提呢?世尊不是爲了斷除有而為聲聞們宣說法嗎? [世尊]說道:文殊師利,我所說的有是無實體的,所以稱為有。文殊師利,誰見一切法無實體,誰就不生不滅。見一切法如虛空本性,對佛法也不執著不捨棄。文殊師利,以此方式,有即是菩提,這就是”如有般趣入”的陀羅尼門。 文殊師利,生即是菩提,這就是陀羅尼門。 [文殊師利]問道:世尊,生怎麼會是菩提呢?世尊不是爲了超越生而宣說法嗎? [世尊]說道:文殊師利,菩薩若遍尋生,就會見到無生、無遷、無起。文殊師利,以此方式,生即是菩提,這就是”如生般趣入”的陀羅尼門。 文殊師利,這是趣入金剛心陀羅尼的門,通過這個門,菩薩能迅速獲得辯才,辯才變得銳利,辯才變得深奧,辯才變得無執著,辯才變得無礙。 這時,文殊師利童子對世尊如是說道:這是哪些菩薩的境界? 世尊說道:文殊師利,這是那些未入菩提、未發菩提心、不執著佛法、不願遠離貪嗔癡、不願出離輪迴、不願解脫眾生、不願通達佛法的菩薩們的境界。 說完這些話后,文殊師利童子又對世尊如是說道:

།བཅོམ་ལྡན་འདས་རིགས་ཀྱི་བུ་དང་རིགས་ཀྱི་བུ་མོ་གང་ལ་ལ་ཞིག་གཟུངས་འདི་འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བགྱིད་པ་དང་། གཞན་དག་ལ་ཡང་རྒྱ་ཆེར་རབ་ཏུ་སྟོན་པ་དེ་ལ་ཚེ་འདི་ལ་ཡོན་ཏན་ཇི་སྙེད་ཅིག་མཆིས་པར་འཚལ་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། དེ་ལ་ལྷ་དང་། ཀླུ་དང་། གནོད་སྦྱིན་དང་། དྲི་ཟ་རྣམས་སྲུང་བར་ཤེས་པར་བྱའོ། །དེ ཆོས་ཐམས་ཅད་ལ་ཐེ་ཙོམ་མེད་པར་ཤེས་པར་བྱའོ།།དེ་ཆོས་རབ་ཏུ་དབྱེ་བའི་ཤེས་པ་དང་ལྡན་པར་ཤེས་པར་བྱའོ། །འཇམ་དཔལ་གཟུངས་འདིའི་ཡོན་ཏན་ནི་མཐའ་ཡས་ཏེ། བསྐལ་པ་བརྒྱར་ཡང་ཟད་པར་བྱར་མི་ནུས་སོ། །བཅོམ་ལྡན་འདས་ཀྱིས་ཆོས་ཀྱི་རྣམ་གྲངས་འདི་ བཤད་པ་ན།བྱང་ཆུབ་སེམས་དཔའ་ཁྲིས་རྡོ་རྗེའི་སྙིང་པོའི་གཟུངས་འདི་འཐོབ་བོ། །ལས་དང་པོ་པའི་བྱང་ཆུབ་སེམས་དཔའ་སུམ་ཁྲི་ཉིས་སྟོང་གིས་རྗེས་སུ་འཐུན་པའི་ཆོས་ལ་བཟོད་པ་ཐོབ་བོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། འཇམ་དཔལ་ གཞོན་ནུར་གྱུར་པ་དང་།ལྷ་དང་། ཀླུ་དང་། གནོད་སྦྱིན་དང་། དྲི་ཟ་དེ་དག་དང་། ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་རྡོ་རྗེའི་སྙིང་པོ་ཞེས་བྱ་བའི་གཟུངས་ཐེག་པ་ཆེན་ ་པོའི་མདོ་རྫོགས་སོ།

世尊,若有善男子善女人,受持此陀羅尼、讀誦此陀羅尼、通達此陀羅尼,並廣為他人宣說,此人于現世將獲得多少功德? 世尊說道:應知諸天、龍、夜叉、乾闥婆等將守護他。應知他對一切法無有疑惑。應知他具有分別諸法的智慧。文殊師利,此陀羅尼的功德無量無邊,即使百劫也說不盡。 世尊宣說此法門時,一萬菩薩獲得此金剛心陀羅尼。三萬二千初發心菩薩獲得隨順法忍。 世尊說完這些話后,文殊師利童子以及諸天、龍、夜叉、乾闥婆等,以及天、人、阿修羅等世間眾生皆大歡喜,稱讚世尊所說。 《聖金剛心陀羅尼大乘經》終。

་། །།རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ཞུ་ཆེན་གྱི་ལོ་ཙྪ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་ཕབ་པ

印度堪布室利印達菩提與大校譯師班智達耶喜德等人譯出並校訂、審定。